Jerimaya 8:9 - FỊAFỊA BAỊBỤLỤ

⁹ Ini ọmịna ye-nimi atomi ma kẹ ḅụụ-jịrị ḅio suutẹ, in pikiri-pikiri tẹ ḍiein ḅio koro tẹ. Ini ị̀ ẹkwẹn ma sịkị tẹẹ; mịọkụ ịn nyana nimi mẹ ḅọrọ tọ nimi?

Jerimaya 8:9 Iomraidhean Croise

2 Amadapụ 17:15

Ịn kẹẹ wararị ori Oloko ma na, ori ọḅọkụ tẹ ori ịna aḍapụ na fị ye mẹ na, ọ̀ kẹ ịna aḅeri nụnụ aị ma ḍiki-simam. Ini iruo oru ma ḍukamẹnjị tẹ iruom, tẹ ini ikelema-koro wararị opu asịẹ ma ḍukamẹnjịm, inima tẹ KỊNỊNYANAḄỌ ḅe tọn ịn pịrịm mịnẹ ini ịn ḍikima ye mịẹ ma kẹ ḅẹẹ apụ ma.

Jobu 5:12

Ori epele atomi ma tọn aị ma pikirimam, anieḅụ ịna aḅara ma gbọrụ iḅiye sọ mịẹ-a.

Jobu 5:13

Ò ye-nimiapụ ma epele ma ḅụ ini ọkịm; tẹ epele atomi ma mịẹ ḅẹ tọn aị ma fọnya kunomam

Devidi-Anume 19:7

KỊNỊNYANAḄỌ ḅe oloko mẹ karakara famam, anị ịwọ ịnyọ pịrịarị. KỊNỊNYANAḄỌ ḅe tọn kuroma aị ma ḅioḅẹngbọ kẹ arị ḅụụ gbana na-iḅim, nimi kẹ ye-nimia-apụ pịrịarị.

Ayịzaya 19:11

Zohanị opu ama mẹ ḅẹ ḅẹrẹtọn-apụ ma oḅori atomi! Ijiputi ḅụ ye-nimi tẹịn apụ ma kẹ kịnị tolumarị ye ḅụ nimi ofori! Ndẹẹ in ḅiokpọ tẹ ḍuko amadaḅọ ḅe pịrị ḅẹ ḅara mịnẹ ini anie elemu sakị ḅẹ ḍiri-nimiapụ ma na amadapụ ma na akiri ḅụ lẹgị apụ?

Ayịzaya 29:14

Mie ḅụ arị ịna ḅụụ-gbiripuma ḅa, in fomu sin, in fomu sin ḅụ. Ye-nimiapụ pịkị ḅo oḅori apụ sọ ḅa, tẹ ịna aka mamgba ḅo mịẹye ḅụ sọ-a ye sọ ḅa.”

Ayịzaya 43:27

Ị́ atẹngịapụ ma ḅẹ tarị ḅọ ḅe si mịẹm; Ị́ sịḅịdapụ ma si kẹ ị̀ mịẹm,

Ayịzaya 8:20

Ị́ ịn pakịrị ḅa, “Ọ́ KỊNỊNYANAḄỌ ḅe kẹ ó tolumarị ye pokii — ọ́ ḍụẹịn ḅịḅị ḅiiarị apụ poki ma — in ḍuko ọ́ pịrị ḅarịye gbọrụ iḅi sọ kẹ ọ́ mịẹ ḅịa.”

Jerimaya 15:6

Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.

Jerimaya 19:7

Mịanga ḅụ à Juda na Jeruselemu na ḅẹ apụ ma tọn aị mamgba kẹ papaa aị mịẹ ḅa. À mịẹ tẹ si kẹ ịn tọn apụ ma ịn nẹngịma tẹ ọmụ kiri ḅụ ịn ḅaa ḅa. Àrị ịna oju-akpakpa ma kẹ fịye sọma So-tọrụ ḅẹ afeni na piri-ḅio-ḅẹ anama na pịrị ḅa.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 49:7

Mie Kụrọmamgba nyana KỊNỊNYANAḄỌ ḅe ḍuko ye Idọmụ gboloma ye ḅụ: Idọmụ ḅẹ apụ ma ịna karakara ḅẹrẹkọn fama tẹ aro? Ḅẹrẹ ḍuko in tolumarị apụ ma ịn ḅarị inetẹ jen kẹ ḅẹrẹ ḍuko in toluma-a? Ịna ye-nimi mamgba fa fama tẹ?

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 6:19

Kiri, pokii! Ịn ḅọị ḅara kẹ tọn tẹ mịẹ ḅẹ aị ma gotẹ à fomu-ḅara ọkị-ḅo mịna atomi ma pịrịarị, ini ì tolumaye sịkị tẹ ị̀ ẹkwẹn ma poki tẹ arịḅẹ ḅara mịẹ à ẹrẹsị.

Izikẹlị 7:26

Gbọrụ opu ḅụụ-fụka jen pono ḅo ḅa, tẹ sịkọpẹlẹ-a ḅara mie si-oku ḅịḅị kẹ ḅo-ḅo sara ḅarịye. Ọmịnị ịkịankoroapụ ma tẹkẹ ḅa ịn tọrọkọ-jụ ḅo ḅẹ tẹ ini ẹrị ye mịẹfinji ọ́ pịrị. Agbamịẹapụ ma nyana tẹ kẹ tomi ma toluma ḅẹ ye paka ḅịa, tẹ omongiapụ ma in ḍuko tomi ma toluma ḅẹ ye nyana ḅịa.

Emọsị 2:4

KỊNỊNYANAḄỌ ḅe ḍukoarị, “Juda ḅẹ apụ ma si-si-si mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ini ì toluma-aị ma ḍiki-sima tẹ à tọn-koroma-aị ma koko-a. Ịna elemu aḍapụ ma fịrịmẹnjị pịrị sime papaa atamụnọ ma ịn da irima ye ḅụ.

Zẹkaraya 13:4

Anị ene mẹ ḅụ, gbọrụ ịkịankoroḅọ sọ mḅọ ẹrị ịkịan ma kẹ ḅụụ-tọn ḅịa, anịanịa ịkịankoroḅọ kịka ḅara kẹ ye mịẹ, anịanịa ịkịankoroḅọ kụrọtẹ ḅịtẹ paka sụa tẹ kẹ oḅori kẹ kịnị sịn.

Ditẹrọnọmị 4:6

Ọmịnị arị koko tẹ arị mịẹ; kẹ gotẹ ọkọ ḅẹẹarị, aniemẹ ọmịna ye-nimi na, ọmịna yefieye naa na sọ ḅa tomi ma tọrụ ḅụ, inima tẹ mịna ọmịna kẹẹ wararị oloko mamgba naa ḅarị apụ ma arị naa ḅẹ sakị ịn ḅẹẹ ḅa: Tụkụma ḅara ḅụ mị gburo-gburotẹ opu sịẹ mẹ anie ye-nimi, tẹ yefieye naarị atomi.

2 Timoti 3:15

tẹ pịkị kẹ ḅiokoroma mịnẹ ị́ kala-sakị kụra-ḅio, ị́ Fịafịa Ḍiri mẹ ḅẹ ẹkwẹn ma nimi wararị, anie inetẹ nimi kẹ ị́ kẹ mu ḅọrọma la ḅẹ ye mẹ, Kịrayịsị Jizọsị ḅụ minini nyana ḅụ.