Jerimaya 8:8 - FỊAFỊA BAỊBỤLỤ

⁸ Ndẹẹ ọmịnị inetẹ ḅẹẹ-ḅẹẹ ḅara, mịnẹ ó ye nimi wararị, tẹ ì oloko ma nimi wararị? Ḍikii, oloko ma mingirima ḍumo kọn-arị ama-ḍiri-kẹẹapụ arị ḍima tẹẹ.

Jerimaya 8:8 Iomraidhean Croise

Jobu 11:12

Kụma ye-nimia-ḅọ ḅe ye fie ye naa ḅa, piri-ḅio-ḅẹ yedogi-nama ḅe tụḅọ pịkị-ḅo tomḅọ ḍi sakị.

Jobu 12:20

Inima tẹ ịn ḅioḅẹngbọ kẹ ḅụụ ḅụ gbana apụ ma, ọ̀ mịẹ tẹ ịn ḅarị ẹkwẹn ḅẹ ye nimi-a som, tẹ omongiapụ ma ḅẹrẹ sẹlẹ koroma mẹ, siin-ọkịm.

Devidi-Anume 147:19

Ori ori oku mẹ kẹ ori atomi pịrịarị, ori ịn mịẹ ḅẹ tẹ ò ḍuko aị ma na oloko ma na kẹ Izirẹlị pịrịarị.

Egberima-Ẹkwẹn 17:6

Taa-awọmẹ tọrụ-ḅẹlẹ na kụn na dogi-ḅo ịna opu ḍapụ-na-iyingiapụ-na pịrịarị; anị ḅara mie awọmẹ sọ ịna ḍapụ-na-iyingiapụ-na ḅụ ḅọrọtẹ tọrụ-ḅẹlẹ na kụn na nyanarị.

Ayịzaya 43:27

Ị́ atẹngịapụ ma ḅẹ tarị ḅọ ḅe si mịẹm; Ị́ sịḅịdapụ ma si kẹ ị̀ mịẹm,

Jerimaya 18:18

Anịtẹso tomi ma ḅẹẹm, “Ó yee wa gberie mịẹ Jerimaya gboloma ye ḅụ. Sakị mamgba ye kẹ wa toluma ḅẹ agbamịẹapụ paka ḅa; ḅẹrẹ tọrụ kẹ wa ḍie ḅẹ Ye-nimiapụ na Tamụnọ oku ḍuko wasama ḅẹ ịkịankoroapụ na sọ. Ó yee wa ḅẹrẹ ọkị-ḅo ọ̀ sịḅị gbana, tẹ ò ḍukoarị ye poki mẹ dasịẹma.”

Jerimaya 19:7

Mịanga ḅụ à Juda na Jeruselemu na ḅẹ apụ ma tọn aị mamgba kẹ papaa aị mịẹ ḅa. À mịẹ tẹ si kẹ ịn tọn apụ ma ịn nẹngịma tẹ ọmụ kiri ḅụ ịn ḅaa ḅa. Àrị ịna oju-akpakpa ma kẹ fịye sọma So-tọrụ ḅẹ afeni na piri-ḅio-ḅẹ anama na pịrị ḅa.

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 4:22

KỊNỊNYANAḄỌ ḅe mẹẹ, “Ị̀ atomi apantu sọ tẹẹ; ini ì nimi-a. Oḅori sọarị ḍọkọḍọkọ-awọmẹ mie ịn kịkarị; in yefieye naa nyana-a. Siye mịẹ ḅụ ịna ḅara gbana tẹẹ; kụma iḅiye mịẹ ḅụ ini papaa apụ.”

Jerimaya 48:14

Mohabụ ḅe atomi, tiye ẹrẹsị ọmịnị ọmịna aḅụụ kẹ owu-kụrọnịapụ ḅara ọkịarị, ḅiokpọ wararị tẹ ọmụ ḅio ḅụụ aḍaka ḍikitẹ ọmụapụ ḅara?

Hosiya 8:12

À kịẹnkịẹn-ọkụ-ofori toluma-aị kẹ koro ma tomi ma pịrịm, kụma ịn kịrị aị na ja asịẹ ḅẹ aị na ḅara kẹ arị sịkịarị.

Matiyo 15:6

kụma, mḅọ kẹ ḍaḅọ ḅe kụn kụn ye ḅarị ofori. Mị ḅọkọ mie ọ́ ḅọrọ tẹ Tamụnọ tọn koroma ye mẹ kẹ ḅarịye sịn-a ye, mịẹtẹ ọmịnị ọmịna ḅara kuḅu ḅẹ tolumaye koko ḅẹ ḅara.

Jọnị 9:41

Jizọsị pakịrịm, “Ọmịna atọrụngbọ pụụn sime namịna mimgbe ọ́ ḅarị ḅẹrẹ-ḅarasii nyana-a apụ sọ tẹ; kụma ọmịnị ọmịna aḅụụ kẹ ye ẹrịarị apụ ọkịarị sakị goyegoye, miemẹ fiearị mịnẹ ọ́ paa ḅẹrẹ-ḅarasii nyana wararị.”

Romu 1:22

Ini mẹẹ in ye nimim, kụma ini oḅori atomii;