Jerimaya 8:5 - FỊAFỊA BAỊBỤLỤ

⁵ Ọkọ kụma tiye ẹrẹsị, ì atomi, ọmịnị ị̀ ḅụ pịkị-so tẹ ḅarị pịkị-ḅo-a? Ọmịnị ọmịna oru-afụḅara ma fịnama sịẹma tẹ ḍụkụ tẹ pịkị ị̀ ḍọkụma-ḅoa.

Jerimaya 8:5 Iomraidhean Croise

Egberima-Ẹkwẹn 4:13

Sakị mamgba ị́ ḍawọ tẹ ye mẹ kẹ ḅiokoroma. Ị́ ḍawọ ḍịntẹ ye mẹ anie í ḍumo — anị koko kpaịnmaa.

Ayịzaya 1:20

Kụma ọmịnị ị̀ na tụḅụrụ ḅẹḅẹ, ọ́ fa tẹ, fịị sime ọ́ pịrịm. Yẹrị KỊNỊNYANAḄỌ ḅe ọkọ ḅẹẹm.”

Ayịzaya 30:10

Ini ịkịankoroapụ ma ḅẹẹarị ịn ḅịḅị gbaịn. Ịn ḅẹẹarị, “Ó kuraye gboloma ẹkwẹn kọn wa pịrị ma. Ọ́ wa naa ḅiiarị aị ḍuko wa pịrịị. Yee wa wamịna papaa aị ma minini tọrọkọ, tọrọkọ mu.

Ayịzaya 44:20

Ọ̀ fọọn kẹ fịye sọma tẹ fịarị; Ori oḅori akuroma ma ọ̀ da irima mu ọ̀ ḅarasụa nyana ḅẹ yọ saḅa tẹẹ. Ò minini ḍụkụ ḅịa mịnẹ ori ọlọ-sịẹma wararị oru-fụḅara mẹ gbala-gbala tamụnọ-a, ḅọkọ-ḅọkọ mamgba ḅụ.

Jerimaya 14:7

Ị̀ atomi owu ị̀ pịrịarị: Tụkụmaye wamịna asi ḅẹrẹ kẹ wamịna sịḅị gbanarị sọ, KỊNỊNYANAḄỌ, ḅarasụa wa pịrịị, í minini tẹ ḅara ḅụ. Tọnwa asakị wa nwẹn kẹ ị́ ḅụụ pịkị-so tẹẹ; wa si kẹ ị́ mịẹ tẹẹ.

Jerimaya 2:32

Iriawọ-tụḅọ á pọkọsụa ḅiriaị kẹ ḅioḅọrọma-ḅụrama, anịanịa ịya ḅẹ ẹrẹḅọ arị ịya ḅẹ ene ḅẹ ḅiriaị? Kụma ị̀ atomi ị̀ kẹ ḅioḅọrọma tẹ kịẹnkịẹn-ọkụ-ofori ene ma ḅụ.

Jerimaya 3:5

Sakị mamgba ị́ ịganị ḅịa; Í ḅioḅẹngbọ sii ị̀ pịrị mu ḅẹẹ-sakị ḅẹẹ-sakị la ḅịa. Izirẹlị, anie í ḍuko ye, kụma í inetẹ mịẹ ḅẹ si-aị mamgba ị́ mịẹm.

Jerimaya 5:27

Gbala piri-deeḅọ feni kun ò feni-warị ḅinma ḅara ịna awarị ma ḅio in fọịn-aị fọịn-aị kẹ suu ḅinma tẹ. Anie mie in gotẹ kụrọ nyana tẹ ngọ-kọn wararị,

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Jerimaya 5:6

Anie ẹrẹsị opu piri-ḅio paka-ḅo ọkụkụ ịn ḅaa ḅa; anana kun pẹị-pẹị anama ịkpa ḅio sime tẹ ḅo ịn kanị-kọsịma ḅa, tẹ sịrị amẹẹ ịna ama ḅio mẹnjị-mẹnjị ḅọrọ ḅa Arị atomi ma mẹnjị paka-paka, ini ịn kẹ maaịn-maaịn puu ḅa, ịna asi ma ḅaka tẹẹ ẹrẹsị; tẹ sakị-sakị ḅụ ini ọḅụ kẹ Tamụnọ gbin tẹẹ.

Jerimaya 6:17

Anịtẹso KỊNỊNYANAḄỌ ḅe ama-koru owiapụ tọnm ịn ḅeri nụnụ ọdụ mẹ poki. Kụma ini mẹ, “Wa poki ḅịa.”

Jerimaya 6:19

Kiri, pokii! Ịn ḅọị ḅara kẹ tọn tẹ mịẹ ḅẹ aị ma gotẹ à fomu-ḅara ọkị-ḅo mịna atomi ma pịrịarị, ini ì tolumaye sịkị tẹ ị̀ ẹkwẹn ma poki tẹ arịḅẹ ḅara mịẹ à ẹrẹsị.

Jerimaya 9:6

Oḅori-kẹ-kịnịsịn ogboku mie ini angarị Ịna oḅori-kẹ-kịnịsịn ḅụ ịn ḍụkụ tẹ ị̀ kẹ ye-sịn-a, KỊNỊNYANAḄỌ ḅe ọkọ ḅẹẹm.

Danẹlị 9:11

Izirẹlị mamgba í oloko ma kan tẹ ḍụkụ tẹ í ḍuko ye poki-a. Wa si kẹ ị́ mịẹm, tẹ anie ḅụ í wori-anume ma tẹ Mozizi, ị́ fịrịmẹnjịḅọ kẹ koroma aị ọkị-ḅo wamịna ọgọnọ gbanam.

Hosiya 11:5

Ịn ḍụkụ tẹ pịkị ị̀ ḍọkụma-ḅoa, tẹ mie ḅụ ịn pịkị Ijiputi mu nyanam, tẹ Asiriya ḅẹrẹtọn ịn pịrị ḅa.

Hosiya 11:7

Ini ịgbanịarị ini ị̀ ḅụ pịkị so. Ịna kọngọ jịjịmarị kọngọ-kpọ-sịn mẹ gotẹ ini oloku pakama ḅa, kụma gbọrụḅọ-sọ anị saakị sin ịn pịrị ḅịa.

Hosiya 13:2

Ịn paa si mịẹ-mịẹ-mịẹarị, kiri ḅio paka-ḅo aị kẹ tẹmẹ mḅudu tẹ in sunsin pịrịarị — seleḅa oru-afụḅara, tomina akuroma ḅụ tọn tẹ tomina aḅara kẹ mịẹ aị. Anị tẹso, ịn ḅẹẹarị, “Ọmịnị agbamịẹ arị pịrị.” Ndẹẹ wa arị oru-afụḅara ma ḅịḅị nọnjị ḅẹ ḅara — oru-afụḅara tẹ nambulo sime-ḅara simearị aị ḍiki-tọrụ ḅụ!

Hosiya 4:16

Izirẹlịapụ ma kụrọ-sịḅịsụa-asụ kịka tẹ ḅẹrẹ ḍụkụ-ḍụkụ-a opu anama ma kọngọ-kụrọma ḅara kẹ kọngọ-kụrọmarị. Ndẹẹ àrị inetẹ ịn kẹ anana awọmẹ kịkama tẹ tẹịn-tẹịntẹ osuka ḅio fịye kẹ ịn pịrị fị ḅẹ ḅara?

Zẹkaraya 7:11

“Kụma ị̀ atomi kọngọ-kụrọma tẹ ì poki ḍụkụ-a. Ini ịna akuroma gbaịnm

Jọnị 5:40

Anịsọ ó ḅii-a ọmịnị ị̀ dama-ḅo tẹ ḍumo nyana.

1 Tẹsalonịka 5:21

Ó ye mamgba sọkịrị ḍikii; ọmịnị iḅiye mẹ ọlọ-sịẹmaa,

Hiburu 12:25

Ọkọẹrẹsị, ọmịnị ẹbịị, tẹ ḍụkụ tẹ ẹkwẹn ọ́ pịrịarị ḅọ ḅe poki-a sọma. Tomikiri ḅụ Tamụnọ oku mẹ ḍuko ḅọ ḅe poki ḍụkụ-a apụ ma ịn papaa ḅara kẹ ịn wẹrịso-a. Ọkọẹrẹsị, wamịnị sọ wẹrịtẹ pụkọ-paka ḅẹ gbọrụ kala ḅọkọ sọ ofori, wa ọḅụ pịkị So-ḅio sime tẹ ẹkwẹn wa pịrịarị ḅọ ḅe gbin kụma!

Mịẹfinji 2:25

Kụma ọmịnị ọmịnị ọlọ ye ọlọ kụrọma nwenii à ḅo sakị la.