Jerimaya 8:4 - FỊAFỊA BAỊBỤLỤ

⁴ KỊNỊNYANAḄỌ ḅe ḍuko ị̀ pịrịm àrị ori atomi ma ḅẹẹ, “Tomḅọ ḅịkị kụma mḅọ saakị-saakị-a? Tomḅọ etela-iri kụma mḅọ pịkị-pịkị-a?

Jerimaya 8:4 Iomraidhean Croise

1 Amadapụ 8:38

ịna ḅụụ ḅẹ gbọrụḅọ, anịanịa Izirẹlịapụ mamgba tẹkẹ ḅara tẹkẹ ḅara, tẹ ḅii ḅara ḅii ḅara ọrụḅọ-ọrụḅọ nwẹnị mḅọ ḅioḅẹngbọ ḅụ mḅọ ḅụụ-fụka lekiri tẹ amịna aḅara sụn-pakama tẹ kẹ mị Tamụnọ Tẹkẹ-warị mẹ dam ḅẹḅẹ,

Egberima-Ẹkwẹn 24:16

Kịnị mingirima-mingirima-a tomḅọ ḅe ọ̀ ḅịkị sakị goyegoye ọ̀ pịkị saakị sịẹarị; kụma si-sịḅịḅio-sụapụ ma opu ḅụụ-fụka ịn ḅaa gulugulumarị.

Ayịzaya 44:22

Oḅuto So-tọrụ kaan-so ḅara arị ị́ asi ma ọfịn siin tẹ. Pịkị ị̀ ḍọkụma-ḅoo; yẹrị anie ị́ ḅọrọmarị ḅọ ḅee.”

Ayịzaya 55:7

Yee si-sịḅịḅio-sụapụ ma ịna ḍumo kọn ḅara mẹ ḅụ ḅara-siin, tẹ ịn ḅẹrẹ kuromarị ḅara mẹ ḍima. Yee ịn tọrụ pịkị KỊNỊNYANAḄỌ, wamịna Tamụnọ ḅe da; ori ọkụrụkụrụ nyana wararị tẹ sarama si-wẹrịsoarị.

Jerimaya 23:14

Kụma arị ẹrị tẹ Jeruselemu ḅẹ ịkịankoroapụ mịẹ si ịna nye nẹngị tẹẹ, ịn sẹfịarị pịkị iruo aị ḍukoarị; ịn ḅarasụa kịnị pịrị tẹ ịn kura-aye mịẹarị, mie ḅụ gbọrụḅọ-sọ ḅarị siye mị dasịẹma-a. Ị̀ ḅụụ ḅụ Sọdọmụ na Gomora na si ḅara, mie inimgba sọ si ḅara.

Jerimaya 3:1

KỊNỊNYANAḄỌ ḅe mẹẹ, “Tomḅọ nwẹnị ọ̀ ta na siya tẹ á jụmọ sime kụma ọ̀ ḅarị inetẹ jen kẹ árị ọkị sime ḅịa. Miemẹ gbọrụ sịḅị amakiri mẹ pilema fama ḅa. Kụma, Izirẹlị, mịọkụ ị́ tọnwa oloapụ nyana tẹrẹmẹ pịkịma ị̀ ḍọkụma-ḅo ḅẹ-ḅiiarị!

Jerimaya 3:22

Ọmịnị KỊNỊNYANAḄỌ ḅe ḅụụ pịkị-so apụ mamgba ọ́ pịkị-ḅoo; Ori ọ́ gwọ tẹ ọ́ mịẹ tẹ ó ḅioḅẹngbọ kẹ ḅụụ ḅụ gbana na-iḅi ḅara sime ḅa. Ọmịnị mẹẹ: Inn, wa KỊNỊNYANAḄỌ ḅe ḍọkụma-ḅoarị, ori wamịna Tamụnọ ẹrẹsị.

Jerimaya 36:3

Ẹbịsịya Juda ḅẹ atomi ma arị ọkị-ḅo ịna ọgọnọ gbana ḅẹ tọn-arị guluguluma mẹ gboloma ye naa sakị ini ịna si etela ma ḅụ pịkị ḅa. Anịtẹso arị ịna si-sịḅịḅio na ịna asi na wẹrịso ịn pịrị ḅa.”

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Izikẹlị 18:23

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe gbelarị, ‘Ó kuromarị tọrụ-tọrụ kẹ si tomḅọ mẹ ḍiki tẹ mḅọ fịị mẹ ị̀ ḅioḅẹlẹmarị aro? Ẹn-ẹn, anie nakara àrị ẹrị ḅẹ ḅiim mḅọ si-ḅụ-pịkị tẹ ḍumo.’ ”

Hosiya 14:1

Izirẹlịapụ, ọ́ pịkịma KỊNỊNYANAḄỌ ọmịna Tamụnọ ḅe dama-ḅo. Ọmịna si ọ́ mịẹ tẹ ọ́ pụmbụ tẹ ḅịkịarị.

Hosiya 6:1

Tomi ma ḅẹẹarị, “Ó yee wa pịkị KỊNỊNYANAḄỌ ḅe dama-mu! Ó ye kẹ wa lama tẹ, kụma piki-pikiye-ofori ò wa gwọ ḅa; ọ̀ wamịna ḅụụ ịnọ pakama tẹ, kụma ọ̀ wamịna ịnọ ma fịna ḅa, ori ọkọ mịẹ ḅịa aro?

Hosiya 7:10

Izirẹlịapụ ma opu-amịẹaị mẹ ḅẹrẹ oloku ịna ọgọnọ gbanarị. Paka tẹ ye goyegoye ḅụ sọ, amụ ịn pịkị ị̀ ḍọkụma-ḅoa, KỊNỊNYANAḄỌ ịna Tamụnọ ḅe.

Emọsị 5:2

Iriawọ-tụḅọ Izirẹlị ḅịkị tẹẹ! Gbala-gbala á ḅarị jen kẹ saakị ḅịa! Á kẹ gbin koroma-so ḅọ ḅara kẹ kiri ọgọnọ ḅọlọlọ wararị. Tẹ ḅarasụa tẹ á saakị sịẹmarị gbọrụḅọ-sọ ofori.

Mayịka 7:8

Yei wamịnị na fịya-a apụ, ọ́ wamịna-aḅụụ ḅioḅẹlẹ ma. Wa ḅịkị sakị, wa pịkị saakị ḅa; wa kanakana ḅio lẹgị sakị, KỊNỊNYANAḄỌ ḅe bele sọ wa pịrị ḅa.