Jerimaya 8:22 - FỊAFỊA BAỊBỤLỤ

²² Giliyadi ḅụ kịnị gwọ-gwọ gbọrụ ḍiri sọ ḅarị ofori? Anị anga ḅịrịapụ ḅarị ofori? Ọkọ kụma, tiye ẹrẹsị ị̀ atomi amụ paa gwọ-a?

Jerimaya 8:22 Iomraidhean Croise

Suku-saakị 37:25

Anịtẹso ịn nwẹnị ḅo fịye fị ḅẹ tẹ lẹgị-sime. Ịn tọrụ saakị ḍiki sakị, ini Isimẹlị furo ḅẹ tuḅokọn-apụ ẹrịm, ịn Gilẹdị ḅụ sime tẹ ḅoarị, ịna ike-sụa-anama ḅẹlẹma sịn ḅụ paka-ḅoarị ye-oḅolo-aị na, fụka-ye deinma olo na, ḍụẹịn tẹlẹma kụnụaị na dogi tẹ ịna etela ḅụ so Ijiputi muarị.

Suku-saakị 43:11

Ịna ḍaḅọ Izirẹlị nwẹnị ịn ḅẹẹ, “Anị ḅara mẹ mie anị mịẹ ḅarị ḅara ḅẹḅẹ, anị ọkụma ó miemẹ mịẹ. Ọmịnị ama mẹ ḅio paka-ḅo iḅitẹịn asịnmgbọlụ ma ḅẹ jaị kẹ ọmịna akpa ḅio sụa tẹ dogi mu ḍie tomḅọ ḅe pịrịị: bamụ nwẹn-sịn fụka-ye deinma olo kalịye na, ḅẹm kalịye na, ye-oḅoloye na, kụnụaị na, pisitakiyo nwẹn-sịn mbi na alịmọnịdị nwẹn-sịn ye na.

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 22:6

“Ị̀ ḅụụ ḅụ, Juda amada-warị mẹ Giliyadi amakiri na Lẹbanọnị Tụndụ ma na iḅi ḅara iḅi wararị; kụma arị anị kẹ fa tẹ yọ sọma ḅa, gbọrụḅọ-sọ anga-a yọ.

Jerimaya 46:11

Ijiputi-ḅẹ-apụ, ó Giliyadi mu tẹ obi-gwọ-ḍiri ḍọkịị! Ọmịna obi-gwọ-aḍiri mamgba ye mịẹ-a aị sọ tẹẹ; gberie-sọ ḅarị inetẹ ọ́ gwọ ḅịa.

Jerimaya 51:8

Babịlonịya ḅiotọn-a ḅara kẹ ḅịkị tẹ gulugulu tẹẹ! Á ḍuu!. Obi-gwọ-ḍiri ọkị mu anị ḅẹ ịnọ ma mịẹẹ, tẹ ẹbịsịya anị inetẹ gwọ ḅẹ ḅoto.

Jerimaya 6:7

Suḅe anị ḅio ḅẹ minji ịwọma ḅara mie Jeruselemu anị ḅẹ si mịẹ ịwọmarị ḅara. Kụrọ-kụrọ mịẹ na guluguluma na mie à naarị opu ama mẹ ḅio. Obi na ye-kịnị-la ịnọ na sikima à jen ẹrị-a.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Kururu Owu-apọkọ 2:13

Àrị í gotẹ tiye ẹkwẹn tẹ tiye kẹ ị́nịna pii-pii ḅẹẹ ḅẹ, yei kpọma-ḅẹlẹmarị Jeruselemu? À tiye kẹ inetẹ í kịkama ḅẹ, mịẹ tẹ àrị í dedema ḅẹ ḅara, yei Zayọnị ḅẹ ḅụụ-gboloa ẹrẹḅọtụḅọ? Kẹ gotẹ ọkọ ḅẹẹarị, opu tọrụ mẹ finjima la ḅara, mie ị́ ḅụụ si-aị ma ḍụḅa la ḅara; tụḅọ inetẹ ị́ kẹ í sime-sime ḅara wẹrị ḅẹ?

Izikẹlị 27:17

Juda na Izirẹlị na witi mbịaka, ḅẹm, olivu-olo na kụnụaị na kẹ ị́ ngọ ma gbẹm.

Kịẹn-aḅịḅị 32:1

Mịọkụ Rubẹnị owiapụ-awọmẹ na, Gadi owiapụ-awọmẹ na gburo-gburo lamatẹ ḅara kẹ opu anama ogbo nyana simem; tẹ ịn ḅo Jaza ama mẹ na, Gilẹdị ama mẹ na ẹrị sakị, ḍikii, ye-yọ mẹ anie sime opu anama pịrị na-iḅi ye-yọ.

Luku 8:43

Tẹ ọmbie oyi maa kụra finji kẹ ḅụụ ḅụ saratẹ, amịna nyana aị mamgba kẹ ḅịrịapụ pịrị fama tẹ sọ paa gwọ-a ẹrẹḅọ sọ ịna ogboku simem.