Jerimaya 8:21 - FỊAFỊA BAỊBỤLỤ

²¹ Ì ḅioḅẹngbọ kan kọsị tẹẹ, ini ị̀ atomi kọsịma tẹẹ ẹrẹsị; à kururuarị, ì ḅioḅẹngbọ ḅịkị fama tẹẹ.

Jerimaya 8:21 Iomraidhean Croise

Nehimaya 2:3

Anịtẹso à nwẹnị kpọma ḅalafa. À nwẹnị amadaḅọ ḅe ḅẹẹ, “Yee amadaḅọ ḅe ḍumo gbamaso! Ị̀ tọrụ tiegotẹ fụrụ ḅịa, opu ama mẹ, ị̀ aḍapụ aḍuḅu ma simearị anga mẹ fatẹ koro-simearị, tẹ fịnị pịkị anị ḅẹ ogigo-aḅọkọ ma dọkịma fama tẹ ḅẹ sakị?”

Jerimaya 14:17

KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.

Jerimaya 14:2

Juda kururuarị, anị ḅẹ opu ama ma ḅẹ apụ fịịarị, in kururu ḅụ kiri ḅio ḅọlọlọ wararị, tẹ Jeruselemu ḅarasụa gotẹ owu pakamarị.

Jerimaya 17:16

Kụma, KỊNỊNYANAḄỌ, gbala-gbala arị ịgbanị kụrọma-a mịnẹ í opu ḅụụ-fụka ọkị-ḅo ịna ọgọnọ gbana; à ḅụụ-fụka sakị ịgbanị ịn pịrị-a. KỊNỊNYANAḄỌ, miemẹ í nimi wararị; à ḍuko ye í nimi wararị.

Jerimaya 4:19

Akụ mẹ! Arị inetẹ akụ mẹ da-a! Ì ḅioḅẹngbọ kịrị ḅara kẹ kpim-kpimarị! Àrị inetẹ yaụ-sime-a; Àrị ọdụ ma fiearị ye naarị, pịkị ọmụ oloku ma sọ.

Jerimaya 8:20

Tomi ma nwẹnị owu pakama, “Ịrụa kụra mẹ so tẹ, fịye-soku sakị mẹ ḅọrọtẹ, kụma amụ wa paa ḅọrọma-a.”

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Kururu Owu-apọkọ 3:1

Yẹrị anie tomḅọ tẹ tọrụngbọ kẹ ḅụụ-fụka ẹrị tẹ ḅọ ọ̀ kụrọ ịganị mẹ ḅẹ fomuye suku-ḅio ḅụ.

Jowẹlị 2:6

Ịn ḅoarị ḅara mẹ, ḅẹḅọ-ḅẹḅọ tẹmẹ-naịn-naịnarị, tọrụkuḅu goyegoye bosoloarị.

Nahọmụ 2:10

Ịn Ninive ḅaa fama tẹ, tomi anị koroma mangị tẹ, anị fatẹ yọ sọ tẹẹ! Ḅalafa ḅioḅẹngbọ sanịm, ḅụọ-akụkụ sẹkịm, ịnyọ fa tẹẹ, tọrụkuḅu ḅo fọọn ḅịyam.

Luku 19:41

Ò ḅo opu ama mẹ kpeki tẹ anị ẹrị tẹso, ọ̀ nwẹnị anị gotẹ owu,