Jerimaya 8:2 - FỊAFỊA BAỊBỤLỤ

² Ini arị kobiri tẹ ḍiḅi ḅẹ nakara ịna mgbe ma vooma kiri ḅio sara sime ḅa, kẹ ḍụọ ḍiḅi ḅẹ ḅụrụtẹ fun sara ḅara. Ini arị gala-galama sara ịrụa na akalụ na lolia ma na pịrị ḅa, anie mịna atomi ma ḅẹlẹma tẹ fịrịmẹnjị pịrị sime aị ma, anie ini arị aḅịḅị ḅii tẹ sunsin pịrị aị ma.

Jerimaya 8:2 Iomraidhean Croise

2 Amadapụ 17:16

Ịn KỊNỊNYANAḄỌ ịna Tamụnọ ḅe tọn aị mamgba sịkị tẹ ḅara kẹ tẹmẹ maa anambulo awọmẹ kịka aị tẹmẹ ịna aḅụụ pịrị tẹ; ịn Asẹra fụḅara mịẹm tẹ sunsin kẹ So-ḅio sime aị mamgba pịrị tẹ fịrịmẹnjị Balị pịrịm.

2 Amadapụ 21:3

Kẹ gotẹ ọkọ ḅẹẹarị, ò siin oru awarị ma namam, ọ̀ ḍa Hẹzịkaya kan aị ma; tẹ nwẹnị tọnwa ebeka nama Balị pịrị, Ehabụ Izirẹlị ḅẹ amadaḅọ ḅe wẹrịtẹ mịẹ tẹ sunsin tẹ fịrịmẹnjị kẹ So-ḅio sime aị mamgba piri ḅara.

2 Amadapụ 21:5

Ori ebeka nama sara kẹ So-ḅio sime aị mamgba pịrịm maa anụngọ ma tẹ KỊNỊNYANAḄỌ ḅe warị mẹ ḅio sime aị ma ḅụ.

2 Amadapụ 23:5

Ọ̀ nwẹnị fịrị ḅụ oru agbamịẹapụ ma tẹ Juda ḅẹ amadapụ ma tọnm Juda ḅẹ opu ama ma na, Jeruselemu ikelema-koro gele ayeyọ ma ḅụ kụnụaị dọkịma kẹ ḅẹẹ apụ ma na; ini ma tẹ kụnụaị dọkịma Balị na, ịrụa mẹ na, akalụ mẹ na, lolia-ogbo-ogbo ma na, so ma ḅio sime aị mamgba pịrịarị apụ ma na sịn.

Devidi-Anume 53:5

Kụma ọkọẹrẹsị kịnị ịna tẹmẹ-naịn-naịnma ḅa, jene-jene amụ anị ịna ḅụ paka-a ḅara, gbala Tamụnọ si kẹ ori atomi ma tọn apụ ma igbe ma gala-galama ḅa. Tamụnọ ịn sịkị tẹẹ, ọkọẹrẹsị Izirẹlị gbọrsịḅị ịn nẹngịma fama ḅa.

Devidi-Anume 83:10

Ị́ ịn nẹngịmam Ẹndọ ḅụ, tẹ ịna oju akpakpa ma kiri ọgọnọ sime tẹ ḅụrụm.

Devidi-Anume 83:11

Ị́ kẹ Orẹbụ na Zibu na mịẹ ḅara kẹ ịna sịḅịdapụ mịẹẹ; ị́ kẹ Zeba na Zalimuna na mịẹ ḅara kẹ ịna ḅẹrẹtọn-apụ nẹngịma.

Nimi Tolumaḅọ 6:3

Gbọrụ owiḅọ nwẹnị awọmẹ sọnọa si iyi tẹ tọnwa akụra kẹ ḍumo-sime, gbala ọ̀ sịḅị ḅọrọtẹ akụra ḅụ ọ̀ tọnwa ene sime tẹ, kụma ḍumo ḅụ kẹ tọrụ-ḅẹlẹ-ḅẹlẹ iḅi-aị ma ḅẹ gbọrụ tọrụ-ḅẹlẹ sọ ọ̀ nyana-a, ịn pịkị iḅi ḅara sọ kẹ ò ḍiḅi-a ḅẹḅẹ, à ḅẹẹm mịnẹ posi paka tụḅọ (eremịna ọgọnọ ẹrị ḅụ ḅọrọ tụḅọ) iḅi ọ̀ nẹngịm.

Jerimaya 14:16

Ịn mịna aị ma ḍuko pịrịtẹ apụ ma sọ anị gbọrụ ḅọkọ mẹ ḅụ ḅọrọ tẹ fịị ḅa. Ini ịna oju-akpakpa ma kẹ Jeruselemu ḅẹ etela ma ḅụ gbin koroma tẹ àrị ḍiḅi ḅẹ gbọrụḅọ, sọ paka ḅịa. Miemẹ inimgba ḅụ paka ḅa ịna sime-ereme na, ịna owiapụ-awọmẹ na, ịna eremịna-awọmẹ na, kẹ sụa. À mịẹ tẹ ini ịna si-sịḅịḅio-sụa saa mẹ gbẹẹ ḅa.”

Jerimaya 16:11

Anịtẹso í ḍuko ịn pịrị ḅa mịnẹ KỊNỊNYANAḄỌ ḅe ḍuko tẹẹ, ‘ọmịna elemu aḍapụ ma ị̀ ḅụụ pịkị-som, tẹ sunsin oru-atamụnọ pịrị tẹ fịrịmẹnjị ịn pịrịm. Ini ị̀ kẹ gbin koroma-so tẹ ì toluma aị ma poki tẹ mịẹ-a.

Jerimaya 16:4

Ịn ḅalafama obi ḅụ ḅọrọtẹ fịị ḅa, tẹ gbọrụḅọ-sọ in ḍuu ḅịa, anịanịa ịn kẹ ḍiḅi. Ịna oju akpakpa ma tunduru sime ḅarị ḅara sara kịka ḅa kiri mẹ ọgọnọ. Ini ọmụ ḅio fịị ḅa anịanịa ḅuru-ḅa ḅụ fịị, ịna oju akpakpa ma fịye sọ feni amẹẹ na piri-ḅio-ḅẹ anama na pịrị ḅa.”

Jerimaya 16:6

Mị amakiri mẹ ḅụ igoin-apụ na alapụ na fịị ḅa, kụma in ḍiḅi ḅẹ ḅọ ofori anịanịa in ḍuu. Gbọrụḅọ-sọ amịna oju pẹlẹ anịanịa sịḅị sẹịn-siin tẹ kẹ mḅọ kururuarị ye ḍie-pakama ḅịa.

Jerimaya 19:13

Jeruselemu ḅẹ awarị ma na, Juda ḅẹ amadapụ awarị ma na, tẹ karakara-ḅara-ḅụ warị mamgba tẹ ini arị isun ọgọnọ kụnụaị dọkịma lolia ma pịrị tẹ aị ma, pịkị iru sara ḍiepịrịye kẹ oru-atamụnọ pịrị tẹ ayọ ma — arịmgba fịafịa-a ḅara sime ḅa Tofẹti sime-ḅara.”

Jerimaya 22:19

Asụ kịka nama ḅe fịị tẹ ịn kẹ ò ḍiḅi ḅẹ ḅara mie ịn kẹ ò ḍiḅi ḅarị ḅara, ini ọ̀ fọnọ pakama ḅa Jeruselemu ogigo-aḅọkọ ma ḅụ tẹ ọ̀ kẹ wakị nguma ḅa.

Jerimaya 25:33

Anị ene mẹ ḅụ, KỊNỊNYANAḄỌ ḅe ḅaa ḅarị apụ ma oju akpakpa ma gala-gala ḅa tomikiri mẹ ḅẹ gbọrụ ịkọlị ḅụ mu osi ịkọlị la. Gbọrụḅọ-sọ in ḍuu ḅịa, pịkị ḍụẹịn ma kẹ so mu ḍiḅi ḅịa. Arị kiri ọgọnọ kpoli sime ḅa, ḅụrụ tẹ afun, tẹ kẹ fịye ḍiḅi ḅẹ kiri tẹlẹma ḅẹ aị ọkụ.

Jerimaya 31:40

Bebe tụndụ-suku mẹ, ịn ḍụẹịn ḍiḅiarị pịkị fun sararị anga mẹ na ịn ḍụọ ḍiḅiarị ayọ mamgba na Kidirọnị ḍaḅa mẹ ọgọnọ-jụ ọkị mu nwenii mu Asụ Onu-ḅọkọ tẹ ịrụa saakị pakarị pakịrị anga emi ye mẹ la, fịafịa ayọ sọ ị̀ pịrị ḅa. Opu ama mẹ ịn ḅarị jen kẹ anị kan koroma anịanịa guluguluma ḅịa.”

Jerimaya 36:30

Mie ḅụ, mịọkụ yẹrị KỊNỊNYANAḄỌ ḅe, ị́ ḅẹẹarị, Ama-da Jehohakịmụ, mịnẹ í furo-ḅẹ-ḅọ Devidi ama-da yọ mẹ ḅụ ama-da ḅịa gbamasom. Ị́ fịtẹ oju-akpakpa mẹ ịn kẹ wakị nguma ḅa paụ ḅụ, tẹ ịrụa anị fọị ḅa eneḅaka ḅụ, tẹ oḅoku igirigi pịkị anị ọgọnọ sara ḅa ḍin ḅụ.

Jerimaya 9:20

À nwẹnị ḅẹẹ, “Ọmịnị ereme, ọ́ KỊNỊNYANAḄỌ ḅe pokii, ọmịnị ori ẹkwẹn ma kẹ elekima sụaa. Ọ́ ḍụẹịn owu-owu ḅara kẹ ọmịna eremịna-awọmẹ tolumaa, pịkị ḍụẹịn owu nume sun-sun ḅara kẹ ọmịna ikiapụ tolumaa.

Jerimaya 9:21

Fị wamịna ikiḅa-aḅọkọ ḅụ ḅọrọ-so ḅo tẹẹ wamịna amada-awarị ma ḅio sọ; anị wamịna ḍọkọḍọkọ-awọmẹ ma pẹlẹ sara tẹẹ etela-ogbo ma ḅụ asambịrịma owiapụ ma sọ fẹ-siri ma ḅụ.

Jerimaya 9:22

Anga mamgba ḍụẹịn gala-gala sara wararị, gbala kẹ kiri tẹlẹma tẹ kẹ ye ḍiḅi ḅẹ ḅụrụtẹ afun sara ḅara, gbala mbịaka pẹlẹ apụ pẹlẹ sara tẹ koroma-so aị ọkụ, pẹlẹ sara tẹ kolokolo apụ ofori mbịaka. Mie KỊNỊNYANAḄỌ ḅe ị̀ ḅẹẹm à ḍuko ḅẹ ye.”

Izikẹlị 29:5

Àrị ị́yẹrị na inji mamgba na kẹ ịkpa mẹ ḅio gbin ḅa. Í oju akpakpa kiri ọgọnọ ḅịkị koro tẹ ini anị ḍiḅi-a ḅara kẹ anị wẹrịso ḅa. Àrị anị kẹ fịye sọma feni amẹẹ na nama amẹẹ na pịrị ḅa.

Izikẹlị 39:5

Wulalatẹ simearị ḍụọ kọrị kiri mẹ ọgọnọ ịn fịị sara ḅa, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 6:5

Àrị Izirẹlịapụ ma fịtẹ oju-akpakpa ma gala-galama ḅa. Àrị ịna mgbe ma gala-galama ịna agbamịẹ-anga ma ikelema-koro ḅa.

Izikẹlị 8:16

Mie ḅụ ori ị̀ kẹ Tamụnọ-warị mẹ ḅẹ kala-ḅio mẹ mum. Anịjụ fịafịa-yọ mẹ sọ-sọ anga mẹ ḅụ, agbamịẹ-anga mẹ na mẹnjị-ḅọrọ-anga mẹ na ogboku, si sọnọ apụ finji pembe tomi ḅịḅị simem. Ini ọḅụ kẹ fịafịa-yọ mẹ gbin tẹ tuu ideri-koro ịrụa-saakịarị-anga mẹ da tẹ sunsin saakị paka-ḅoarị ịrụa mẹ pịrịarị.”

Zẹfanaya 1:17

KỊNỊNYANAḄỌ ḅe ḅẹẹarị, “Àrị ọkị-ḅo tomina ọgọnọ gbana ḅarị opu ḅụụ-fụka ḅụ, ọrụḅọ-ọrụḅọ tọrụngbọ-pụụntẹḅọ kịka ḅara kẹ ye ḅii ma mẹnjị ḅa. In si kẹ ị̀ mịẹ tẹẹ, mịọkụ ịna ọmbie minji sara ḅara sara ḅa, tẹ ịna oju-akpakpa ma kiri ọgọnọ sara sime tẹ ḅụrụ ḅa.”

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Fịrịmẹnjịapụ 7:42

Mie ḅụ Tamụnọ nwẹnị in ḍiki-tọrụsin, tẹ ịn nwẹnị So-tọrụ ḅẹ alolia ma tẹkẹ, anie ịkịankoroapụ ma ḍiri ḅio anị kẹẹ ḅara: Izirẹlị ḅẹ awọmẹ, ọ́ kụra amesi kẹ ịkpa mẹ ḅio sime sakị, ọ́ nama ḅaa tẹ mịẹ agba mẹ, ọ́ mịẹ ị̀ pịrị-a.

Ditẹrọnọmị 17:3

tẹ mu tẹ fịrịmẹnjị oru-atamụnọ, anịanịa ịrụa mẹ, anịanịa akalụ mẹ, anịanịa, ḅẹẹye-ḅẹẹye tẹ So-ḅio sime ye tẹ à tọn-tọn-aị ma pịrị tẹ sunsin ịn pịrị,

Ditẹrọnọmị 4:19

Anịsakị ọmịnị ọmịna aḅụụ ẹbị anieofori ó ḅofa ọmịna atọrụ saakị So daa, tẹ So-ḅio sime aị mamgba — ịrụa mẹ na, akalụ mẹ na, lolia ma na — ẹrị sakị ó ḅofa pịkị tẹ sunsin tẹ fịrịmẹnjị arị pịrị. KỊNỊNYANAḄỌ ọmịna Tamụnọ ḅe mịna aị ma kẹ bebe So mẹ suku-ḅio simearị asịẹ mamgba pịrị tẹẹ.