Jerimaya 8:19 - FỊAFỊA BAỊBỤLỤ

¹⁹ Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Jerimaya 8:19 Iomraidhean Croise

Devidi-Anume 135:21

Ọ́ KỊNỊNYANAḄỌ ḅe tokini Zayọnị ḅụ, Jeruselemu ò sime-yọ mẹ ḅụ. Ọ́ KỊNỊNYANAḄỌ ḅe tokinii!

Devidi-Anume 137:1

Babịlọnị ḅẹ piri ọgọnọ ḅẹ atọrụ ma akaka wa lẹgị simem; anịanga wa owum, wa Zayọnị kẹ ḅiokoroma sakị.

Devidi-Anume 146:10

KỊNỊNYANAḄỌ ḅe ama-da gbamasoarị. Ị́ Tamụnọ ḅe, yei Zayọnị, ama-da ḅa sakị mamgba. Ọ́ KỊNỊNYANAḄỌ ḅe tokinii!

Devidi-Anume 149:2

Izirẹlị, ḅioḅẹlẹẹ, ị́ Tẹmẹḅọ ḅe gotẹ Zayọnị ḅẹ apụ, ó ḍerekuu, ọmịna amadaḅọ ḅe gotẹ!

Devidi-Anume 31:6

Í sunsin oru pịrịarị apụ ḍiki ḅioḅuarị, kụma yẹrị àrị ị́ kẹ ḅiokpọmarị.

Ayịzaya 1:4

Yei, si amịẹaị mịẹarị sịẹ, ọ́ fa tẹẹ! Ọmịnị anie ḅụrụ-kọsịtẹ si-mịẹapụ. Ọmịna asi ma ọ́ jịjịma tẹ iku ọ́ ḅaa ḅẹ-yearị! Ọ́ KỊNỊNYANAḄỌ, Izirẹlịapụ tẹkẹarị Fịafịa Tamụnọ ḅe sịkị tẹ ọḅụ kẹ ò gbin tẹ.

Ayịzaya 12:6

Yee Zayọnị ḅụ angarị ḅọ goḅọ-goḅọ oloku-oloku nume su! Izirẹlị tẹkẹarị Fịafịa Tamụnọ ḅe ọ̀ ḍụḅam, tẹ ori ori atomi ogboku angarị.

Ayịzaya 13:5

Ala lamatẹ, kiri kunoma ḅụ sime apụ, mie ḅoarị. Ori ịganị ḅụ KỊNỊNYANAḄỌ ḅe bebe ama mẹ fama ḅẹ ḅoarị.

Ayịzaya 33:22

Kẹ gotẹ ọkọ ḍukoarị, KỊNỊNYANAḄỌ ḅe anie wamịna ḅẹrẹkọnḅọ; KỊNỊNYANAḄỌ ḅe anie oloko sụa wa pịrịarị-ḅọ. KỊNỊNYANAḄỌ ḅe anie wamịna amadaḅọ, ori mie wa ḅọrọma ḅarịye.

Ayịzaya 39:3

Anịtẹso Ịkịankoro Ayịzaya nwẹnị Amadaḅọ ḅe dama-mu tẹ ò gbela, “Mịna tomi ma ịn tọ-anga sime tẹ ḅo, tẹ in tiye ḍuko ị́ pịrị?” Hẹzịkaya nwẹnị pakịrị, “Kpọma alatẹ ama ḅụ in sime tẹ ḅom, Babịlonịya ḅụ.”

Ayịzaya 52:1

Jeruselemu, kụrọ tẹ siin opu sọọ! Tamụnọ fịafịa kịrị opu ama, tọrụ-gbẹ ḅara sime! Oru nimi apụ ma ḅarị gbala-gbala jen kẹ í ogigo-aḅọkọ ma sọ-mu ḅịa.

Jerimaya 10:15

In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 14:9

Tiye ẹrẹsị í ye bẹkẹ-ḅara-kẹ paka pịrị tomḅọ kịkarị, gbala ọmụḅọ tẹ ḅarị kẹ ḅarasụa ḅẹ kụrọ nyana-a ḅọ ọkụ? Piki-pikiye-ofori ḅara ḅụ, KỊNỊNYANAḄỌ, ị́ wamịnị na emi! Wamịnị ị́ atomii; wa kẹ gbin-koroma so ma.

Jerimaya 2:5

KỊNỊNYANAḄỌ ḅe mẹẹ: Ọmịna elemu aḍapụ ma tọ ḅẹrẹ ḍuko ị̀ ọgọnọ gbana? Tiye ịn mịẹ tẹ ini ọḅụ kẹ ì gbin tẹ mẹnjị-so? Ịn sunsin ye-ḅụ-sọ-a oru-afụḅara pịrịm tẹ ini ma ḅioju sọ nwẹnị ḅo papaa ḅara sime.

Jerimaya 27:10

Inimgba oḅori kẹ ọ́ sịn-arị, tẹ ọ́ mịẹ tẹ ini ọ́ kẹ so ala-jụ, ọmịna amakiri mẹ ḅụ ḅẹlẹ lama yọ mu ḅa. Àrị ó dee-pakama ḅa, tẹ ini ọ́ ḅaa guluguluma ḅa.

Jerimaya 31:6

Inn, sakị mẹ ḅoarị anie ama-koruapụ Iferemu atụndụ ma ḅụ sime tẹ oloku pakama ḅarị sakị mẹ, Ó yee wa Zayọnị mu, KỊNỊNYANAḄỌ wamịna Tamụnọ ḅe dama-mu.”

Jerimaya 32:30

Izirẹlị na Juda na ḅẹ apụ ma ḅẹ tarị suku ḅụ saakị kụra ḅio ini ì ḅioḅẹngbọ sima tẹ ị̀ ịganịma tẹ ịn mịẹ tẹ aị ḅụ.

Jerimaya 7:19

Kụma karakaramatẹ yẹrị mie in ye kẹ mịẹarị aro? Ẹn-ẹn, ịna ḅụụ mie ịn kẹ mịẹarị, tẹ ḅụụ-jịrị dogi-ḅo ḅụụ pịrịarị.

Jerimaya 8:20

Tomi ma nwẹnị owu pakama, “Ịrụa kụra mẹ so tẹ, fịye-soku sakị mẹ ḅọrọtẹ, kụma amụ wa paa ḅọrọma-a.”

Jerimaya 9:16

Sịẹ-sịẹ tẹ ini anịanịa ịna elemu-aḍapụ amụ arị gboloma ye naa-a apụ ogboku ḅụ, arị ịn kẹ gala-galama ḅa, tẹ ọmụ-ogbo-ogbo kẹ ịn fịrịma nwenii tẹ àrị ịn ḅaa guluguluma fama ḅa.”

Izikẹlị 48:35

Onu mẹ ikelema-koro tọn tẹ paka ḅarịye mita maa puku na maa ẹndẹ oyia asi finji na lam. Tẹ opu ama mẹ ẹrẹ anị sakị tọrọkọ mu ḅụ anie “KỊNỊNYANAḄỌ ḄE MỊ YỌ EMI!”

Jowẹlị 2:32

Kụma KỊNỊNYANAḄỌ ḅe ḅara ḅarasụa ḅii apụ mamgba ḅọrọma ḅa. Anie KỊNỊNYANAḄỌ ḅe ḅẹẹ ḅara mẹ, ‘Jeruselemu ḅụ simearị ja apụ mangị-so ḅa; yẹrị sẹlẹ-ọkị tẹ apụ ma fịị-a so ḅa.’ ”

Jowẹlị 3:21

Ịna ọmbie ḅẹrẹ-ḅarasii tẹ amụ à wẹrịso-a ye mẹ, à wẹrịso ḅa.” Yẹrị, KỊNỊNYANAḄỌ ḅe, Zayọnị ḅụ angarị.

Obadaya 1:17

KỊNỊNYANAḄỌ ḅe ḅẹẹm mịnẹ Zayọnị Tụndụ ọgọnọ jen-apụ mangị-so ḅa, tẹ anị fịafịa yọ sọ ḅa. Jekọbụ atomi ma pịkị siin ịna amakiri mẹ nyana ọkị ḅa.

Mayịka 4:9

Í tiegotẹ mịọkụ peema-peema oloku-oloku owuarị? Ị́ ḅarị amadaḅọ nyana-a? Nimi ẹkwẹn kọn í tolumarị apụ ma fịị fa tẹ ẹrẹsị, ị́ iyiarị ẹrẹḅọ iyi akụ da ḅara kẹ tọrụsiẹrị aro?

Zẹfanaya 3:15

KỊNỊNYANAḄỌ ḅe ọmịna fomu-ḅara dasịẹma tẹẹ; Ò si kẹ ọ́ tọn apụ mamgba saakị sin tẹẹ. KỊNỊNYANAḄỌ ḅe, Izirẹlịapụ tẹkẹarị Tamụnọ ḅe, ọmịnị na emi; Mịọkụ ḅụ ó gotẹ ḅalafa ḅẹ ye ofori.

Zẹkaraya 2:9

“KỊNỊNYANAḄỌ ḅe ḅioju owu kẹ ọ́ paka ḅa, tẹ sakị ḅẹ gbọrụ sakị ḅụ ọmịna fịrịmẹnjịapụ ma ọ́ fọịn ḅa.” Miemẹ mịẹarị sakị, ḅẹḅọ-ḅẹḅọ nimi ḅa mịnẹ Kụrọmamgba nyana KỊNỊNYANAḄỌ ḅe ị̀ kẹ fịrịmam.

Fịrịmẹnjịapụ 14:15

“Ó tiegotẹ nwẹn sime ye mịẹarị? Wamịnị kọkọ ọmịna pembema tomi! Wa gotẹ mịanga ḅo ye Iḅi Oku mẹ ḍuko ọ́ pịrị tẹ ọ́ mịna papaa aị ma ḅụ pịkị ḍumo wararị tẹ So na Kiri na, tọrụ na, arị ḅio sime aị mamgba tẹmẹ Tamụnọ ḅe da ḅẹ ḅara.

Ditẹrọnọmị 31:17

Anịtẹso ọkụma ị̀ ịganị anị ene mẹ ḅụ kẹngẹma ịn ọgọnọ sara ḅa, tẹ arị ịn sịkị ḅa, tẹ ịna aḅụụ ị̀ tọrụ ḅọị ḅa, tẹ ini ịn ḅaa ḅa, anịsakị tọnwa asi-aị na, ḅụụ-fụka na, ḅo ini ọgọnọ gbana ḅa, anieḅụ anị eneḅaka ḅụ ịn ḅẹẹ ḅa: Wamịna Tamụnọ ḅarị wamịna ogbo-ḅio ofori ẹrẹsị mie mịna asi-aị ma gotẹ ḅo wamịna ọgọnọ gbana tẹ ye ọkọ-a?

Mịẹfinji 2:1

“Mị ḍiri mẹ kẹẹ tẹ kẹ Ẹfisọsị ḅẹ sọsị mẹ ḅẹ enjẹlị ḅe fịrịmaa: “Mie sọnọma alolia ma kẹ amịna ama-ḅara ḅụ ọlọ tẹ, sọnọma golu tọnjọ gbana aị ma ogboku mẹnjịarị ḅọ ḅe, kẹ fịrịma oku mẹ.