Jerimaya 8:18 - FỊAFỊA BAỊBỤLỤ

¹⁸ Ì kururuu, inetẹ gwọ ḅịa; Ḅioḅẹngbọ ḅụ àrị obiarị.

Jerimaya 8:18 Iomraidhean Croise

Devidi-Anume 143:7

KỊNỊNYANAḄỌ, mịọkụ-mịọkụ ị̀ ḅịḅị ọkị! À ḅarị gbọrụ ḅiokpọ sọ nyana-a. Ị́ ḅụụ kikima ị̀ pịrị ma, ọkọ-a kụma à koro ideri-mu fịị tẹ apụ tomikiri mẹ ḅẹ apụ ma ḅụ sọ ḅa.

Ayịzaya 22:4

Mịọkụ ọ̀ wẹrịso tẹ arị ngẹrị sime tẹ tẹmẹ-akụ ḅara kẹ ị̀ atomi mamgba tẹ fịtẹ apụ owu. Ọmịnị ì dedema ma.

Jerimaya 23:9

Ì ḅioḅẹngbọ kọsị-sara tẹẹ, ì oju sẹkịarị. KỊNỊNYANAḄỌ ḅe gotẹ, Ọ̀ fịafịa ẹkwẹn ma gotẹ, Arị iru ḅuu tọrụ-ḅaamatẹ tomḅọ kịkarị, iru ḅuu ḅụlụ-ḅụlụmatẹ tomḅọ.

Jerimaya 4:19

Akụ mẹ! Arị inetẹ akụ mẹ da-a! Ì ḅioḅẹngbọ kịrị ḅara kẹ kpim-kpimarị! Àrị inetẹ yaụ-sime-a; Àrị ọdụ ma fiearị ye naarị, pịkị ọmụ oloku ma sọ.

Jerimaya 6:24

Jeruselemu ḅẹ apụ ḅẹẹarị, “Wa paka ye mẹ naa tẹẹ, tẹ wamịna aḅara wamịna akaka kpịlasaịma koro-sime tẹẹ; opu tẹmẹ-akụ wamịna ḅụ sọ tẹẹ, iyi laa tẹ ẹrẹḅọ ọkụ.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Kururu Owu-apọkọ 5:17

Miemẹ gotẹ wamịna ḅioḅẹngbọ ḅo obi tẹẹ, mịna aị ma gotẹ wamịna atọrụngbọ ḅo ḅutuḅutu tẹẹ.

Habakọkụ 3:16

À mie mẹmgba naa tẹ oju sẹkịarị, ị̀ ḅịḅị-apakịrị ma jikearị ḅalafa ḅụ. Ì oju fịịarị, tẹ ị̀ aḅụọ pụmbụarị ì suku-ḅio ḅụ. À yaụ-sime tẹ ḅo ḅarị sakị mẹ koruarị Tamụnọ owu kẹ wa pakarị apụ ma fomu ḅẹ sakị mẹ.