Jerimaya 8:17 - FỊAFỊA BAỊBỤLỤ

¹⁷ KỊNỊNYANAḄỌ ḅe mẹẹ, “Ọmịnị ẹbị-o! À si oronwi amẹẹ kẹ ọmịna ogboku fịrịmarị, oronwi-ḅịrịḅọ inetẹ ḅẹrẹtọn pịrị ḅịa aị, tẹ ini ọ́ gbọn ḅa.”

Jerimaya 8:17 Iomraidhean Croise

Devidi-Anume 58:6

Yei Tamụnọ, mịna ḅalafamarị ọkụkụ ma aka ma anyịmaa.

Nimi Tolumaḅọ 10:11

Oronwi ọ̀ gbọn ḅẹ ye gbọn tẹrẹmẹ ò pile ḅẹ ḅọ ò pile-pile, pile ḅọ ḅe gbọrụ sọye sọ mịẹ-a.

Ayịzaya 14:29

Filisiteniapụ, ó fomu sime sịn-ikiḅa mẹ anyị tẹ, kụma ó gotẹ ḅioḅẹlẹ ḅẹ ye ofori. Gbọrụ oronwi fịịarị sakị, sii ọ̀ nẹngị ye ọ̀ tọrụ ḍima tẹ paka-ḅoarị. Oronwi anyị kẹngẹ kụma, anị fiin-arị opu ẹfẹrẹfẹ sụa mamataḅaye, tẹ kọrị fịnị sara-pakama-ḅoarị si nama pakama-ḅoarị.

Emọsị 5:19

Anị kịka ḅarịye tomḅọ ọkụkụ ḅụ mangị-soarị tẹ ḅo tuu na bịamam. Anịanịa anị kịka ḅarịye tomḅọ ḅo warị la tẹ amịna ḅara kẹ warị akaka pono tẹ ododo ọ́ gbọnm!

Emọsị 9:3

Kamẹlị Tụndụ ọgọnọ-jụ ḅụ ịn ḅọị sọ, arị ịn ḍọkị tẹ in kun ḅa. Ini abajị suku-ḅio ḅụ à ḅarị ini ẹrị ḅịa ḅara gotẹ ḅọị sọ, à kụrọ kẹ abajị mamataḅaye ḅe pịrị tẹ ori aka kẹ in onwi ḅa.

Kịẹn-aḅịḅị 21:6

Anịtẹso KỊNỊNYANAḄỌ ḅe nwẹnị ḅalafama si oronwi kẹ tomi ma ogbo-ḅio fịrịma, tẹ ịn tomi ma gbọnm, anie mịẹtẹ Izirẹlị ḅẹ tọnwa apụ fịịm.

Ditẹrọnọmị 32:24

Ḅuru-pọkọtarị ḅụ ịn gulugulu ḅa, tẹ ye dọkịmarị ọfịrị na, ama gbaịn kịnị ḅaa obi na ịn guluguluma ḅa; anịsakị à piri-ḅio-ḅẹ anama kẹ fịrịma ịn da-paka ḅa, fọọn ḅio ikiriarị aị ma kịnị ḅaa fịla arị ḅụụ sọ ḅa.

Mịẹfinji 9:19

Gbala asụ ma kụrọ mẹ ịna aḅịḅị ḅio emi, pịkị ịna etemi ma na ḅụ. Ịna etemi ma ododo na kịkam, ịn pịkị sịḅị nyana wararị, tẹ ini arị kẹ ye kẹ tomi lamarị.