Jerimaya 8:16 - FỊAFỊA BAỊBỤLỤ

¹⁶ Si kẹ wa tọn apụ ma mu Danị opu ama sọ tẹẹ; wa ịna asụ ma ọngọrịarị ye naarị. Bebe amakiri mẹ oju-sẹkịarị ini ịna asụ ma olokuarị ye naarị sakị. Si kẹ wa tọn apụ ma wamịna amakiri mẹ na anị ḅio simearị ye goyegoye na, wamịna opu ama mẹ na anị ḅẹ atomi mamgba na guluguluma ḅẹ ḅo tẹ.”

Jerimaya 8:16 Iomraidhean Croise

Jobu 39:20

Ị́yẹrị mịẹ tẹ ori igurube pẹị ḅẹ feni awọmẹ ẹrị tẹ ḍosi ḅara ḍosiarị Ọ̀ sararị opu ịnyọ mẹ tẹmẹ-naịn-naịnma ḅara simem.

Devidi-Anume 24:1

Tomikiri mẹ na anị ḅio sime aị mamgba na sime KỊNỊNYANAḄỌ ḅe pịrịm; kiri mẹ na anị ọgọnọ angarị aị mamgba na ò nye.

Jerimaya 10:25

Ị́ ịganị pịkị siin sunsin ị́ pịrị-pịrị-a apụ ma ọgọnọ gbana pịkị ị́ sịkịarị apụ ma ọgọnọ sọ. Ini ị́ atomi ḅaa tẹẹ; Ịn gbọrsịḅị wa ḅaa-guluguluma tẹ wamịna ama kaan-sara tẹ yọ sọ tẹẹ.

Jerimaya 3:24

Kụma wa sunsin Balị pịrịarị ye mẹ, anị ḅụụ-jịrịma tamụnọ ḅe, mịẹ tẹ wa anana na ja anama na ogbo-ogbo ma fama tẹ, owiapụ-awọmẹ na eremịna-awọmẹ na sọ, ye goyegoye tẹ wamịna elemu aḍapụ elemu sakị kụra ḅio kọrị pakama-ḅo aị ma.

Jerimaya 30:16

Kụma mịọkụ, ó kuun-pẹịarị apụ mamgba ini in kuun-pẹị ḅa, tẹ si kẹ ọ́ tọn-arị apụ mamgba ini ikoliapụ ḅara kẹ ini ọkị so ḅa. Ó ponomarị apụ mamgba ini in ponoma ḅa, tẹ ọmịna aị fọịn soarị apụ mamgba ini ịna aị fọịn so ḅa.

Jerimaya 30:5

“À tẹmẹ-naịn-naịnma owu pọkọ naam, ḅalafa owu pọkọ tẹ dein ye-a.

Jerimaya 4:24

À tụndụ ma ḍikim — arị jike simem, tẹ tụndụ ma nwẹnị yọngọ ama-ḅara na ere-ḅara na da.

Jerimaya 4:7

Ori ọkụkụ ḅara kẹ ọ̀ ḅọị sime yọ ḅụ Saakị paka sịẹ-sịẹ ma ḅaa-guluguluma ḅẹ ḅara kẹ ḅoarị. Ò Juda ḅaa-guluguluma ḅẹ ḅoarị. Juda ḅẹ opu ama ma kan-sara sime ḅa, tẹ gbọrụḅọ-sọ arị aḅio anga ḅịa.

Jerimaya 47:3

Ini asụ aḅụọ kiri ḅụ fiearị ye naa ḅa, kirimẹnjị-arụ ma kiri ḅụ gbolokiarị ye, arịḅẹ aḅụọ ma ḍarị ye na. Ḍapụ-na-iyingiapụ-na tọrụ pịkị ọḅụ ḍiki ḅịa ịna awọmẹ gotẹ, ịna aḅara ma ịna akaka kpalasaịma siin sara ḅa.

Jerimaya 5:17

Ini ọ́ ḍụọ ḅio soku ḅo aị na ọmịna afịaị na fị siin ḅa. Ini ọmịna owiapụ-awọmẹ na eremịna-awọmẹ na ḅaa ḅa. Ini ọmịna anana na ja anama ogbo-ogbo ma na ḅaa sara ḅa, tẹ ọmịna kụrọ-asịn ma na figi-asịn ma na sima guluguluma ḅa. Ọ́ kẹ ḅiokpọmarị ọmụ dasịẹma ḅẹ ama ma ini ịna opu ọmụ-ogbo mẹ kẹ arị guluguluma ḅa.

Jerimaya 50:42

Ini ịna iboli na okologie na ọkị tẹ; ini ma anie kụrọ-kụrọ ḅara kẹ kịnị na mịẹarị tẹ ọkụrụkụrụ nyana-a apụ. Ini ịna asụ ọgọnọ sime tẹ ḅoarị tẹ anị fiearị ḅara Abajị ḍụrụkụarị ḅara kịkarị. Ịn tẹlẹma wararị Babịlonịya na ọmụgbin.

Jerimaya 51:29

Kiri mẹ sẹkị-sẹkị tẹ jikearị, KỊNỊNYANAḄỌ ḅe tọnm ọ̀ kẹ Babịlonịya mịẹ tẹ anị ịkpa sọ ḅa ḅẹ ye mẹ mịẹarị ẹrẹsị, gbọrụḅọ-sọ anga-a yọ.

Jerimaya 6:23

Ini ịna iboli ma na okologie ma na saakị tẹẹ; ini anie guda-guda apụ, ini ọkụrụkụrụ nyana-a. Ịna asụ aḅụọ fiearị ḅara ḍụrụkụarị abajị ọkụ, ini asụ ma kpọlị tẹ ḅọrọarị sakị. Ịn tẹlẹma wararị ọmụ kẹ kpọma-ḅẹlẹmarị Jeruselemu paka.”

Nahọmụ 3:2

Bẹkẹma mẹnjịarị arụ ḅẹ fie mẹ naa, kirimẹnjị-arụ ḅụọ fie mẹ naa, ḍosi-ḍosi mangịarị asụ naa, kiri sẹlẹ dọkụ-a kirimẹnjị-ọmụarụ gbii-gbiima dọkụarị naa!

Habakọkụ 3:10

Tụndụ ma ị́ ẹrị sakị arị jikem; minji paịn-saram So-tọrụ ma ḅụ. Kiri suku-ḅio ḅẹ aminji ma ḍarịm, arịḅẹ ọnụngọ ma gele-faam.

1 Kọrịntị 10:26

Kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Tomikiri mẹ na anị ḅio sime ye goyegoye na sime KỊNỊNYANAḄỌ ḅe pịrịm.”

1 Kọrịntị 10:28

Kụma kịnị ḅo ị́ ḅẹẹ mịnẹ, “Mị fịye mẹ ịn kẹ oru karịma tẹ fịye”, ḅẹẹ, ḅẹẹ, anị fịye mẹ fị ma, ye mẹ ḍuko ḅọ ḅe sịḅị ẹrẹsị, pịkị tẹmẹ ḅioḅẹngbọ gotẹ;

Ḅẹrẹkọn-apụ 18:29

Ịn nwẹnị ịna atẹngịḅọ Danị ẹrẹ kẹ anị kuro, tẹ Danị kẹ ẹrẹ kẹ anị sịn, oriḅe tẹ Izirẹlị ḅụ ini iyi ḅọ ḅe; kụma tarị sakị ḅụ opu ama mẹ ẹrẹ anie Lahisi.

Ḅẹrẹkọn-apụ 20:1

Anịtẹso Izirẹlịapụ mamgba Danị ḅụ ọkị mu Biyasẹba la, Gilẹdị ḅẹ ama mẹ kẹ sụa, nwẹnị paka-ḅo, tẹ gbọrụ tomḅọ ḅara kẹ Mizipa ḅụ kobiri KỊNỊNYANAḄỌ ḅe pịrị.

Ḅẹrẹkọn-apụ 5:22

Anịtẹso asụ ma ịna aḅụọ ḅẹ okuro ma kẹ ḍosi-ḍosi kiri mẹ tẹịn-tẹịn fiema ma-ḅom.