Jerimaya 8:15 - FỊAFỊA BAỊBỤLỤ

¹⁵ Wa dein nyana ḅẹ ḅiokpọ nyanam, pịkị gwọ sakị na, kụma anị gbọrụ iḅi sọ nyana-a; anie nakara tẹmẹ-naịn-naịnmaye.

Jerimaya 8:15 Iomraidhean Croise

Jobu 30:26

Kụma à tọrụ kẹ iḅiye ḍiki sakị, siye ḅom; tẹ à bele koru sakị kanakana mie ḅo ye

Jerimaya 12:12

Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 4:10

Anịtẹso à nwẹnị ḅẹẹ, “Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ gbọrsịḅị oḅori kẹ Jeruselemu sịn fama tẹẹ! Ị́yẹrị ḅẹẹm mịnẹ dein sime ḅa, kụma okologie ịna pọkọ-ḅẹ-ololo ma bịan-sịẹ tẹ.”

Jerimaya 6:25

Paka piri ọgọnọ mu kịngẹ sọ wa ḅarị ḅiokpọmatẹ paka mu-a, kịnị-na-fịya-a apụ ma owuna-aị ọlọ tẹ wa ikelema-koro wararị ye mẹ ḅẹ tẹmẹ-naịn-naịn gotẹ.”

Jerimaya 8:11

Ịn mịẹarị ḅara gbala ị̀ atomi ma la aị ma papaa oju kiri ḅụ ọgọnọ-ọgọnọ gọrọrọ ye ọkụ. Ịn ḅẹẹarị, ‘Ye mamgba iḅi wararị’, ye mamgba iḅi-a sakị ḅụụ.

Izikẹlị 7:25

Ḅioḅẹngbọ-ḅịkị ḅoarị. Ó dein ḍọkị ḅa, kụma ọmịnị anị ḍọkị ẹrị ḅịa gbala-gbala.

Mayịka 1:12

KỊNỊNYANAḄỌ ḅe ḅụ fịị na fa na ideri-ḅo, Jeruselemu ogigo-ḅọkọ mẹ la tẹ ẹrẹsị Marọtị ḅẹ apụ ma, ḅio-sẹsẹ ḅara ḅụ ḅarasụa korum.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.