Jerimaya 8:14 - FỊAFỊA BAỊBỤLỤ

¹⁴ Tamụnọ atomi ma gbelarị, “Tiye ẹrẹsị wa paa mị yọ lẹgị-sime wararị? Ó ḅoo, wa mangị kụrọnị opu ama ma mu tẹ arị anga ḅụ fịị. KỊNỊNYANAḄỌ, wamịna Tamụnọ ḅe, fịị ḅẹrẹ-pẹlẹ wamịna ọgọnọ gbana tẹẹ; ọ̀ kịnị-ḅaaḅa ye kẹ wa pịrị ḅuu tẹẹ, wa si kẹ ọ̀ mịẹ tẹ ẹrẹsị.

Jerimaya 8:14 Iomraidhean Croise

2 Samụẹlị 20:6

Tẹ Devidi nwẹnị Abisahị ḅẹẹ, “Mịọkụ Sẹba, Bikiri owiḅọtụḅọ ḅe siye kẹ wa mịẹ Abusalọmụ nẹngị ḅa. Ị̀ afịrịmẹnjịapụ ma ọkị tẹ ò ḍukaa, anieofori ò ḅofa ini ọmụ-aị kẹ mịẹ kụrọma-kụrọmatẹ opu ama nyana-nyana ọ̀ ḅụụ pịrị, tẹ ḅụụ-fụka kẹ wa pịrị.”

Devidi-Anume 39:2

À yaụ-simem, ẹkwẹn gbọrụmgbọ sọ kọn-a ḅara ḅụ, anị ḅọrọ iḅiye gbolomaye sọ! Kụma ị̀ ḅụụ-fụka mẹ sii tọrọkọ-tọrọkọ mum,

Devidi-Anume 69:21

Ḅuru ị̀ tarị sakị, kịnị-ḅaaḅa ye mie ịn kẹ ị̀ pịrịye; minji ḅuu ị̀ pọkọ tarị sakị, ịn tụgbakịtẹ iru kẹ ị̀ pịrịm.

Ayịzaya 47:5

KỊNỊNYANAḄỌ ḅe Babịlọnị ḅẹẹarị: Gbọsime na kanakana na ḅio lẹgịị; ịn ḅarị jen sịẹ-sịẹ ma amada-ẹrẹḅọ kẹ ị́ sịn ḅịa!

Jerimaya 14:20

KỊNỊNYANAḄỌ, wa si kẹ ị́ mịẹ tẹẹ; wa wamịna asi ḍuko-pakamarị, pịkị wamịna elemu aḍapụ ma asi sọ.

Jerimaya 14:7

Ị̀ atomi owu ị̀ pịrịarị: Tụkụmaye wamịna asi ḅẹrẹ kẹ wamịna sịḅị gbanarị sọ, KỊNỊNYANAḄỌ, ḅarasụa wa pịrịị, í minini tẹ ḅara ḅụ. Tọnwa asakị wa nwẹn kẹ ị́ ḅụụ pịkị-so tẹẹ; wa si kẹ ị́ mịẹ tẹẹ.

Jerimaya 23:15

Mie ḅụ mie yẹrị Kụrọmamgba nyana KỊNỊNYANAḄỌ ḅe mẹẹ ye Jeruselemu ḅẹ ịkịankoroapụ ma gboloma ye ḅụ: À pilema-pilema kẹ ịn pịrị tokuru ḅa, tẹ kịnị-ḅaaḅa ye kẹ ịn pịrị ḅuu ḅa, ịn Tamụnọ nimi-a ḍumo kẹ bebe amakiri mẹ ikelema-koro tẹ ẹrẹsị.

Jerimaya 3:25

Wa ḅụụ-jịrị ḅụ ḅịkị-koro gbẹẹm, tẹ ye tọrụ-tuu ḅụ wa gbaịn sime. Wamịnị na wamịna elemu aḍapụ ma na sakị mamgba si kẹ KỊNỊNYANAḄỌ wamịna Tamụnọ ḅe mịẹ tẹ; gbala-gbala amụ wa ọ̀ tọn wa pịrị aị poki tẹ mịẹ-a.

Jerimaya 35:11

Kụma Nebukadineza, Babịlonịya ḅẹ amadaḅọ owu kẹ mị ama mẹ paka sakị wa tọn pẹlẹm wa so Jeruselemu mu tẹ Babịlonịya na Siriya na ḅẹ apụ ma ọmụ-ogbo-ogbo ma aḅara gbarị. Anie wa gotẹ Jeruselemu ḅụ angarị.”

Jerimaya 9:14

Anie nakara, ịn kọngọ kụrọma tẹ sunsin Balị oru-afụḅara pịrịtẹ, anie ịna aḍapụ ma kẹ in tolumam ịn mịẹ ḅẹ ḅara mẹ.

Jerimaya 9:15

Mie ḅụ, ọkọ ẹrẹsị, Yẹrị, Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, kẹ ịn mịẹ ḅarịye pokii: àrị akụarị sịn kẹ fịye sọma ì atomi pịrị fị tẹ kịnị-ḅaaḅa ye kẹ ịn pịrị ḅuu ḅa.

Kururu Owu-apọkọ 3:19

Ị̀ ḅụụ-fụka na, ị̀ ikele-ikele na kẹ ḅiokoromaa pịkị akụarị ịnyịnya mẹ na, akụarị kịnị-ḅa ye mẹ na sọ.

Lẹvitikọsị 10:3

Anịtẹso Mozizi nwẹnị Erọnị ḅẹẹ, “Mie mẹ anie KỊNỊNYANAḄỌ ḅe ḍuko ye mẹẹ, ‘Inima tẹ ị̀ na kpeki apụ ma ogbo-ḅio ḅụ arị à fịafịa ḅara kẹ ị̀ ḅụụ ḍie-pakama ḅa, anịsakị tomi mamgba tọrọkọ ḅụ arị ebube nyana ḅa.’ ” Tẹ Erọnị amịna ḅụụ ọlọm.

Emọsị 6:10

Fịtẹ tomḅọ ḅe mịnaḅọ, sịḅịda tẹ ḍụẹịn mẹ ḍiḅi ḅẹ ḅọ ḅe, ḍụẹịn mẹ dogi paka ḅa warị mẹ ḅio. Mịnaḅọ ḅe nwẹnị warị mẹ ḅio paa emi ḅọ sịn tẹ gbela ḅa, “Paa ị́nịna emi ḅọ emi anịanga?” Gbọrụ pọkọ nwẹnị pakịrị ḅa, “Ẹn-ẹn!” Anịtẹso mịnaḅọ ḅe ḅẹẹ ḅa, “Yaụ-simee! Wa ẹbị nyana na-iḅim, KỊNỊNYANAḄỌ ḅe ẹrẹ gotẹ ḅụ.”

Habakọkụ 2:20

KỊNỊNYANAḄỌ ḅe ọ̀ fịafịa Warị ḅio emi; yee tomikiri sime-ḅọ sime-ḅọ yaụ-sime ọ̀ tọrọkọ ḅụ.

Zẹkaraya 2:13

Ọrụḅọ-ọrụḅọ yaụ-simee, KỊNỊNYANAḄỌ ḅe tọrọkọ, gbala ori ọ̀ fịafịa sime-yọ ḅụ sime tẹ ḅoarị.

Matiyo 27:34

Anịanga ḅụ ini akụ ye kẹ gwa tẹ iru kẹ Jizọsị pịrị ḅuu ḅẹm; kụma ọ̀ ḅẹlẹ kẹ anị lama ḍiki tẹso, ọ̀ ḅarị ḅuu ḍụkụ-a.

Ditẹrọnọmị 29:18

Ọmịnị ọmịna aḅụụ ẹbị anieofori ọmịna ogbo-ḅio gbọrụ owiḅọ, anịanịa ẹrẹḅọ, anịanịa gbọrụ ere-furo, anịanịa furo tẹ amịna ḅioḅẹngbọ mịmgba KỊNỊNYANAḄỌ wamịna Tamụnọ ḅe ḅụụ vuunma pịkị-so tẹ mu fịrịmẹnjị arị opu asịẹ ma ḅẹ oru-atamụnọ ma pịrị ḅẹ ḅọ ḅofa paka-ḅo; anieofori ọmịna ogbo-ḅio kịnị-ḅaaḅa akụarị sịnmgbọlị sụa gbọrụ sịn-kuno ḅofa paka.

Ditẹrọnọmị 32:32

Gbala Sọdọmụ na Gomora ḅẹ girepu-ḍụọ mẹ ḅio mie ịna girepu-aḍụọ ma ḅo yee; ịna girepu asịnmgbọlụ ma anie, kịnị-ḅaaḅa girepu asịnmgbọlụ. Arịḅẹ alikali ma akụarị.