Jerimaya 8:12 - FỊAFỊA BAỊBỤLỤ

¹² Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 8:12 Iomraidhean Croise

Suku-saakị 19:34

Anị ḅẹ ene-ḅaa ḅụ, omongi ẹrẹḅọtụḅọ ma nwẹnị arị mbịra kalaḅọ ma ḅẹẹ, “Ḍikii, ḅịẹịn ḍin yẹrị na, ị̀ ḍa na ḅọlọlọ gbolomam, yee wa ọ̀ mịẹtẹ ọ̀ pịkị mị ḍin sọ iru ḅuu, anị sakị mẹ ḅụ ị́yẹrị pịkị mu ori na ḅọlọlọ gboloma ḅa, mịẹtẹ wa wamịna ḍaḅọ ḅụụ ḅụ ḅọrọ tẹ wamịna furo pakama ḅẹ ḅara.”

Devidi-Anume 52:1

Kụrọ tomḅọ, tiye ẹrẹsị í í si kẹ ḅụụ-bomarị? Tamụnọ ḅẹlẹma mẹ sime gbamasom.

Devidi-Anume 52:7

“Ḍikii, ḅieḅe anie ye ọ̀ la ḅịa gotẹ Tamụnọ ḅụ sịrẹrẹ-a tomḅọ ḅe, kụma anie nakara amịna kọn sara ngọ kẹ ḅiokpọma, tẹ ọkịm mịnẹ si-sịḅịḅio-sụa ḅụ mie ye ọ̀ la ḅịa ye.”

Ayịzaya 24:2

Tomḅọ goḅọ-goḅọ, gbọrụ siye mẹ mie mḅọ ḅụ paka ḅarịye — agbamịẹapụ ma na tomi ma na, omoniapụ na ịn nyana apụ na, fẹ-apụ na dẹrị-apụ na, igbigi kẹ kịnị ḅọlọarị apụ na igbigi ḅọlọ apụ na, ngọ-kọn apụ na igoin-apụ na.

Ayịzaya 3:9

Ịn kẹ ḅioḅẹngbọ sụa wararị aḅẹrẹ ma ḅẹrẹ kẹ ịna aḅara sima ḅa. Gege tọrụ mie ịn kẹ si mịẹarị, Sọdọmụ ḅẹ apụ mịẹ ḅara. Ịn fa tẹ, ini ḅara na anị dogi-ḅo ịna aḅụụ pịrịm.

Jerimaya 10:15

In kẹ mịẹ-mịẹ ye ofori, tẹ kịnị in ḍiki iderima ḅa; KỊNỊNYANAḄỌ ḅe ḅo ọ̀ kẹ ịn mịẹ ḅẹ ye kẹ ịn mịẹ sakị in gulugulu ḅa

Jerimaya 14:15

Yẹrị KỊNỊNYANAḄỌ ḅe à kẹ arị ịkịankoroapụ ma mịẹ ḅẹ ye ḍuko ị́ pịrịarị, anie à fịrịma-a tẹ ị̀ ẹrẹ ḅụ ḍuko tẹ ḅẹẹarị apụ ma mịnẹ ọmụ na ḅuru-ḅa na mị amakiri mẹ la ḅịa — àrị ịn ḅaa ḅa, ọmụ ḅio na ḅuru-ḅa na ḅụ.

Jerimaya 23:12

Ịn mẹnjị ḅarị ayọ ma sịnịnị ḅa, pịkị kanakana ḅa; arị ịn mịẹ tẹ ịn pụmbụ tẹ ḅịkị ḅa, Àrị opu ḅụụ-fụka ọkị-ḅo ịna ọgọnọ gbana ḅẹ-yearị; in fomu-ḅara da ḅẹ sakị mẹ ḅoarị. Yẹrị, KỊNỊNYANAḄỌ ḅe ọkọ ḅẹẹm.

Jerimaya 3:3

Anie mịẹ tẹ eene ḅarị koro-a, tẹ fẹngụ aya-ḅịḅị ḅẹ nwẹịn-nwẹịn eene mẹ sọ ḅo-a. Ḍiki-tọrụ ḅụ kịngẹ sọ ị́ ama-mẹnjị-ẹrẹḅọ kịkarị; ị́ ḅụụ sọ jịrị-a.”

Jerimaya 44:10

Kụma ḅo mịmgba la sọ amụ ọ́ paa ọmịna aḅụụ lẹgịma-a. Amụ ọ́ paa ị̀ kụn tẹ à sụa ọmịna elemu-aḍapụ ma pịrị oloko mamgba ḍiki anga-a.

Jerimaya 6:15

Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 6:21

Tẹ anie ḅụ à mịna atomi ma mịẹ tẹ ịn pụmbụ tẹ ḅịkị ḅa. Ḍapụ-na-iyingiapụ-na awọmẹ na fịị ḅa, tẹ anị gbọrụ ḅara mẹ anie anị paka ikiapụ na kpeki tẹ angarị apụ na pịrị ḅarị ḅara.”

Izikẹlị 23:18

Árị á ḅụụ finji-sara ama pịrị tẹ mịẹ tẹ ḅẹḅọ-ḅẹḅọ nimim mịnẹ árị ma anie ama-mẹnjị ḅụụ-kpọtẹ ẹrẹḅọọ. Á kẹ ị̀ ḅụụ-ngụngụma la ḅara anie arị mbịra ma sọ kẹ ị̀ ḅụụ sime-ḅara.

Hosiya 5:9

Fomu-ḅara ene ḅoarị, tẹ Izirẹlị faa-fama ḅa. Izirẹlịapụ, miemẹ paka-a so ḅịa!

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Ditẹrọnọmị 32:35

Gbẹẹfị ḅii na, gbẹẹ-pịkị na ị̀ nye, ịna ḅụọ sịnịnị ḅarị sakị ḅụ; gbala ịna ḅụụ-fụka ene mẹ ḅara-ku la tẹ anịsakị ịna fịị ḅẹrẹkọn fọnya ḅoarị.

Filipayị 3:19

Ẹlị ḅio mie ịna kunoma, kẹ gotẹ ọkọ ḍukoarị, ịna meni-oju mẹ sọlịmarị aị mie ịn kẹ ịna tamụnọ sọma wararị. Ịna ḅụụ-jịrịma na-iḅi ye mie ịn kẹ ḅụụ-tọn-arị ye, tẹ sime mị tomikiri mẹ pịrị aị ngẹrị mie in kuromarị.