Jerimaya 8:10 - FỊAFỊA BAỊBỤLỤ

¹⁰ Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Jerimaya 8:10 Iomraidhean Croise

Jobu 31:10

yee anịrẹ ị̀ ta mu ye gbẹẹ jụmọ pịrị, anịsakị yee jen-apụ árị ọgọnọ iḅo.

Ayịzaya 28:7

Ịkịankoroapụ ma agbamịẹapụ na kịngẹ sọ iru ḅuu nwenii tẹ pụmbụma-pụmbụmarị. Ịn waịnị na kụrọ iru na pikiri ḅuu ḅụrama tẹ pụmbụ tẹ. Ịkịankoroapụ ma iru ḅuu ḅaka tẹ ḅarị Tamụnọ kẹ fịrịmarị ịkịan ma fiearị ye naa-a, tẹ agbamịẹapụ ma sọ iru ḅuu ḅaka tẹ ḅarị inetẹ ịn kẹ ịna tọrọkọ ḅo aḅẹrẹ kọn-pẹlẹa.

Ayịzaya 57:17

Ịna asi na opu-pọkọḅẹngbọ sụa na mie à gotẹ in ḍiki-ịganị tẹ fomu-ḅara kẹ ịn pịrị tẹ ịn kẹ gbin koroma so yee. Kụma ini ma anie kọngọ-kụrọma-apụ, tẹ paa ịna etela mẹnjị ma-muarị.”

Jerimaya 14:14

Kụma KỊNỊNYANAḄỌ ḅe pakịrịm, “Ịkịankoroapụ ma iruo aị ḍukoarị ị̀ ẹrẹ ḅụ; yẹrị ịn fịrịma-a, à pịkị gberie-sọ tọn ịn pịrị-a, anịanịa gbọrụ ẹkwẹn sọ kọn ịn pịrị. Ini ẹrị tẹ arị gboloma aị ḍukoarị ịkịan ma ị̀ ḅara ḅo-a; tọrọkọ paka ḅa nwẹn ḅẹẹ tẹ in ḍukoarị ye-ḅụ-sọ-a aị ma ini ḅarana kuroma tẹ ḍukoarị aị.

Jerimaya 14:18

À ḍụọ ḍiḅi apiri ma ḅio sọ-muarị sakị ọmụ ḅio ịn ḅaa owiapụ ḍụẹịn mie arị ẹrịarị; arị ama ma sọ-muarị sakị, ḅuru-ḅaarị apụ mie arị ẹrịarị. Ịkịankoroapụ na agbamịẹapụ na ịna kọrịnama kọrịarị, kụma ịn mịẹarị ye tiye-o tiye-o in nimi-a.

Jerimaya 17:11

Kịnị mingirima ḅọkọ kẹ igbigi nyanarị ḅọ mẹ, mḅọ kịkarị ye anie feni tẹ ori koroma-a anyị kẹngẹarị feni. Ori asambịrịma sakị ḅụ ori ngọ mamgba faa ḅa, anịsakị kunoma ḅụ ori ḅarị gbọrụḅọ-sọ gbọrụḅọ-a, kụma oḅori-ḅọ.

Jerimaya 22:17

Kụma í inetẹ ye iḅi ngẹrị pịrị ḅẹ ḅara ḍikiarị; ị́ mịẹye-ofori apụ ma ḅaarị tẹ kụrọ ḅara kẹ ị́ atomi ponomarị. KỊNỊNYANAḄỌ ḅe ọkọ ḅẹẹm.

Jerimaya 32:32

anie Juda na Jeruselemu ḅẹ apụ ma na, ịna amadapụ na sịḅịdapụ na ịna agbamịẹapụ na ịkịankoroapụ na mịẹ tẹ si-aị mamgba gotẹ.

Jerimaya 38:22

Anị ḅio ḅụ arị ẹrịm Juda ḅẹ Amada-Opu-warị mẹ ḅio kirikọn ereme mamgba ini ịn kẹ mẹnjị paka mu Babịlonịya ḅẹ amadaḅọ ḅe ọmụ-alapụ ma pịrịm.” In muarị sakị in ḍuko ye poki: Amadaḅọ ḅe ḅụụ iḅitẹịn ikiapụ ọ̀ da irima tẹẹ, ini rẹ ḅẹrẹtọn ọ̀ pịrịm. Tẹ mịọkụ ori aḅụọ opou ḅio ḍiḅi sọ-mu tẹso ori ikiapụ ma ò koroma-so tẹẹ.

Jerimaya 42:1

Anịtẹso ọmụ-sịḅịdapụ mamgba — Johananị, Kariya tụḅọ na; Azaraya, Hosaya tụḅọ na sọ ịna ḅụ simem — nwẹnị tomi ma ḅẹ opu-apụ na kala-apụ na kẹ ị̀ dama-ḅo

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Kururu Owu-apọkọ 4:13

Miemẹ anie árị ịkịankoroapụ asi ma na, árị agbamịẹapụ amịẹ-irima ma na gotẹ, inima tẹ árị ogboku ḅụ, karakaraye-mịẹapụ ḅaa apụ ma.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Emọsị 5:11

Ọmịnị igoin-apụ ma ponoma tẹ ịna mgbọlị afịaị ma pụkọ-ọkịarị. Tẹ mie ḅụ ọ́ nama tẹ ḍụḅarị awarị ma ḅio ọmịnị anga ḅịa, anịanịa ó ḍiḅi tẹ vaịnị aḍụọ ma ḅụ paka-ḅo iru ḅuu.

Mayịka 2:4

Anị ene mẹ ḅụ, tomi ọmịna fị-na-fa-na elekima mẹ kẹ ịlụkụ sọma gbaa ḅa, tẹ ọ́ la ye mẹ kẹ nwẹn sime ḅio-lọkọ nume-su ḅa; Wa la tẹ kọn ye ofori! KỊNỊNYANAḄỌ ḅe wamịna ama ọkị tẹ, tẹ anị kẹ inima tẹ wa kuun-ọkị apụ ma pịrị tẹ.”

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Mayịka 3:5

Mie KỊNỊNYANAḄỌ ḅe ịkịankoroapụ ma gboloma ye ḅụ ḅẹ ḅara, inima tẹ etela kẹ ị̀ atomi ma ḍie irima apụ ma; inima tẹ fị-fị ye nyana sakị ḅụ dein karị kụma ọmụ kẹ ye kẹ ịna aḅịḅị ḅio suu apụ ma na gbin-arị apụ ma.

Habakọkụ 1:6

À Babịlonịya ḅẹ apụ ma ọkị-ḅo kụrọ ḅara ḅụ simearị apụ sọma ḅẹ-yearị, arị ḅalafamarị tẹ gbene sime-sime-a atomi ma. In tomikiri mẹ mẹnjị saḅa ḅọrọ mu jen-apụ amakiri ọkịarị.

Zẹfanaya 1:13

Ịn nyana sara aị ma ja apụ ọkị so tẹ ịna awarị kan guluguluma ḅa. Gbala-gbala ịn namarị awarị ma ḅio ini anga ḅịa anịanịa in ḍiḅiarị vaịnị aḍụọ ma ḅụ ḅo iru ḅuu.”

Tayịtọsị 1:11

Igbigi pọkọ-ḅẹngbọ gotẹ, ịn ḅụụ-jịrị-a ḅara kẹ toluma na-iḅi-a ye kẹ warị, warị pịkị-tungboarị mẹ ẹrẹsị, ịna ḅịḅị gbaịn na-iḅim.

Tayịtọsị 1:7

Kẹ gotẹ ọkọ ḍukoarị, sọsị omongiḅọ mẹ mḅọ Tamụnọ atomi ḍikiḍikiarị sakị goyegoye, mḅọ ḅụụ ḅụ si ofori ḅara simee. Mḅọ opu ẹkwẹn kọn na owi ḅioḅẹngbọ na nyana ma, anịanịa iru ḅuu tọrụ-ḅaama, anịanịa kụrọ-kụrọ amịẹaị mịẹ, anịanịa igbigi kọn pọkọ-ḅẹngbọ sụa.