Jerimaya 8:1 - FỊAFỊA BAỊBỤLỤ

¹ “Anị sakị mẹ ḅụ Juda ḅẹ amadapụ ma na opu fịrịmẹnjịapụ ma na, pịkị agbamịẹapụ ma na, ịkịankoroapụ ma na, Jeruselemu ḅụ anga sime osi apụ ma na ḍụẹịn mgbe ma na ịn soku pakama-ḅo ḅa ịna aḍuḅu ḅio ḅụ.

Jerimaya 8:1 Iomraidhean Croise

1 Amadapụ 13:2

Ịkịankoroḅọ ḅe nwẹnị oloku agbamịẹ-anga mẹ pịrị tẹ ḅẹẹ, “Yei agbamịẹ-anga, agbamịẹ-anga, mịẹ KỊNỊNYANAḄỌ ḅe ḍuko yee, ‘in Josaya kẹ sịịn ḅẹ gbọrụ owiḅọtụḅọ iyi Devidi warị mẹ pịrị ḅa. Ori ị́ ọgọnọ ḅụ gele anga ma ḅụ agbamịẹapụ ma kẹ agba mịẹ ḅa, tẹ tomina mgbe ọ̀ nwẹn dọkịma ḅa ị́ ọgọnọ ḅụ.’ ”

2 Amadapụ 23:16

Josaya tọrụ pịkị tẹso, ọ̀ nwẹnị anịanga tụndụ ọgọnọ ḅụ tọnwa ḍuḅu ẹrị; ọ̀ nwẹnị fịrịma mu mgbe ma tan ḅo ḍuḅu ma ḅio, tẹ arị dọkịma ebeka mẹ ọgọnọ tẹ kẹ anị pilema, KỊNỊNYANAḄỌ ḅe ẹkwẹn-ḅịḅị mẹ, tẹ mẹnịa ḅiri ḅụ Tamụnọ tomḅọ kpokpo gbolo ḅara kẹ wẹrịtẹ mịna aị ma ḍuko ḅara.

2 Amadapụ 23:20

Gele-ayeyọ ma ḅụ ebeka ma ḅụ sime agbamịẹapụ mamgba ori ịn ḅaa famam, tẹ tomina mgbe ma kẹ ebeka ma ọgọnọ dọkịmam. Anịtẹrẹmẹ ọ̀ pịkịma-so Jeruselemu mum.

2 Amadapụ 9:37

Anịsakị á ḍụẹịn mẹ nwẹnị sịra ọgọnọ ḅẹ fun sara ḅara sara ḅa Jẹzirili ye-yọ mẹ ḅẹ kiri mẹ ḅio, tẹ gbọrụḅọ-sọ inetẹ ḅẹẹ ḅịa, ‘Mie Jezibẹlị.’ ”

Devidi-Anume 53:5

Kụma ọkọẹrẹsị kịnị ịna tẹmẹ-naịn-naịnma ḅa, jene-jene amụ anị ịna ḅụ paka-a ḅara, gbala Tamụnọ si kẹ ori atomi ma tọn apụ ma igbe ma gala-galama ḅa. Tamụnọ ịn sịkị tẹẹ, ọkọẹrẹsị Izirẹlị gbọrsịḅị ịn nẹngịma fama ḅa.

Jerimaya 14:16

Ịn mịna aị ma ḍuko pịrịtẹ apụ ma sọ anị gbọrụ ḅọkọ mẹ ḅụ ḅọrọ tẹ fịị ḅa. Ini ịna oju-akpakpa ma kẹ Jeruselemu ḅẹ etela ma ḅụ gbin koroma tẹ àrị ḍiḅi ḅẹ gbọrụḅọ, sọ paka ḅịa. Miemẹ inimgba ḅụ paka ḅa ịna sime-ereme na, ịna owiapụ-awọmẹ na, ịna eremịna-awọmẹ na, kẹ sụa. À mịẹ tẹ ini ịna si-sịḅịḅio-sụa saa mẹ gbẹẹ ḅa.”

Izikẹlị 37:1

KỊNỊNYANAḄỌ ḅe kụrọ kẹ ị̀ ḅụụ ḅio sunm, tẹ nwẹnị ị̀ ọkị mu gbọrụ tụndụ suku koroma, anie mgbe-mgbe-mgbe kiri mẹ gbaịn wararị anga mẹ.

Izikẹlị 6:4

Agbamịẹ-anga ma à kan kiri lama ḅa, pịkị ịn dọkịma-agba mịẹarị ayọ ma kan sara ḅa. Anị anga sime apụ mamgba ḅaa ḅa ịna oru-afụḅara ma tọrọkọ.

Izikẹlị 6:5

Àrị Izirẹlịapụ ma fịtẹ oju-akpakpa ma gala-galama ḅa. Àrị ịna mgbe ma gala-galama ịna agbamịẹ-anga ma ikelema-koro ḅa.

Emọsị 2:1

KỊNỊNYANAḄỌ ḅe ḍukoarị, “Mohabụ ḅẹ apụ ma si kẹ jen-jen tongu mịẹ tẹẹ, tẹ mie gotẹ gbarị-a ḅara ḅụ àrị in fomu ḅa. Ịn kụn kẹ Idọmụ ḅẹ amadaḅọ ḅe mgbe ma pịrị-a tẹ arị dọkịma fọọn sọma ḅụ.