Jerimaya 7:9 - FỊAFỊA BAỊBỤLỤ

⁹ Ó furuarị, kịnị ḅaarị, sẹfịarị, ye karị tẹ iruo aị ḍukoarị, agbamịẹ Balị pịrịarị, tẹ sunsin ó nimi sọ nimi wẹrị-a atamụnọ pịrịarị.

Jerimaya 7:9 Iomraidhean Croise

1 Amadapụ 18:21

Ịlayịja nwẹnị sọma-ḅo tomi mamgba kpeki tẹ ḅẹẹ, “ọmịnị ọmịna kuroma ḅụ maa warị kpọọ oḅori sọ mu tọ sakị la ḅẹ? KỊNỊNYANAḄỌ ḅe anie Tamụnọ ḅẹḅẹ, ọmịnị ò ḍuka mẹnjịị, ori-a, kụma Balị anie Tamụnọ ḅẹḅẹ, ọmịnị ò ḍukamẹnjịị.” Kụma tomi ma gbọrụ ẹkwẹn-ḅịḅị sọ kẹ ọ̀ pakịrị-a.

Paka-so 20:3

Ì sikima tẹ ọ́ sunsin oru-atamụnọ pịrị ma.

Ayịzaya 1:13

Ị́ kẹ ḅoarị aḍiepịrị-aị ma papaa mịẹ-aị. Kụnụaị dọkịma-agba ma ị̀ ḅụụ si lama tẹẹ. Ọmịna Ịwọ Akalụ Alalị ma na, Ịnyọsara-Ene mẹ na Tẹkẹ-akobiri ma na, ọmịna asi arị ḅụrụma kọsịma fama tẹẹ; à ḅarị arị ḅii-a.

Ayịzaya 58:2

Ene-ḅaaene-ḅaaene in sunsin ị̀ pịrịarị, tẹ ọkịarị mịnẹ ịn kpọma ḅio-sẹsẹarị ì etela ma nimi pịkị ì oloko ma poki tẹ mịẹ ḅụ. Ini mẹẹ in ḅiiarị à karakara oloko sụa ịn pịrị, tẹ mịẹ tẹ in sunsin ị̀ pịrịarị ye ḅụ tọrụ-ḅẹlẹ nyana ḅarị ḅara.”

Jerimaya 1:16

À fomu-ḅara kẹ ị̀ atomi pịrị ḅa, in si mịẹ tẹ ẹrẹsị; ini ị̀ sịkị tẹ agba mịẹ-mịẹ oru-atamụnọ pịrị tẹ ẹrẹsị, pịkị oru-afụḅara tẹmẹ tẹ sunsin arị pịrị tẹ.”

Jerimaya 11:13

Juda ḅẹ opu ama ma kịẹn-ḅịḅị la ḅara mie ịna atamụnọ kịẹn-ḅịḅị sọ la ḅara, tẹ Jeruselemu ḅio angarị apụ ma opu ama mẹ etela mamgba ḅụ agbamịẹ-anga nama sịḅị-ngụngụnmarị Balị nwẹn-sịn tamụnọ ḅe pịrị tẹ.

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 13:10

Mịna si-mịẹapụ ma ḍụkụ tẹ ị̀ ḅịḅịpoki-a. Anịngẹ-kụraḅio ini ma anie kọngọ kụrọma-kụrọma tẹ pịkị si-sịḅịḅio-sụa-sụa apụ, tẹ in sunsin oru-atamụnọ pịrị tẹ fịrịmẹnjị ịn pịrịm. Ọkọ ẹrẹsị ịn mị okolo-kapa mẹ kịka ḅa, anie ḅarị gbọrụ iḅiye ḅụ sọ-sọ ḅịa ye mẹ.

Jerimaya 18:15

Anịsọ ị̀ atomi ị̀ kẹ ḅioḅọrọma tẹẹ; ịn kụnụaị dọkịma-dọkịma oru-afụḅara pịrịarị. Ịn mẹnjị ḅii etela mẹ ḅụ ịn pụmbụ tẹ; elemu etela ma ḅụ ịn ḅarị mẹnjị-a; elekima ofori mẹnjị-ḅọrọ-anga ma mie ịn mẹnjịarị.

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Jerimaya 44:3

ịna atomi ma mịẹ asi tẹ ị̀ ịganịma ye mẹ ẹrẹsị. Ini agba mịẹ pịkị fịrịmẹnjị oru-atamụnọ pịrịm, oru-tamụnọ tẹ ini-o, ọmịnị-o, ọmịna elemu-aḍapụ-o jene-jene amụ sunsin pịrị-a aị.

Jerimaya 44:8

Ó tiegotẹ ị̀ ịganịmarị oru-afụḅara tẹkẹ na agba mịẹ oru-atamụnọ ma pịrị na ḅụ, mị yọ Ijiputi mẹ ḅio, ọmịnị anga ḅẹ ḅo yọ mẹ. Ọ́ ḅọrọ ọmịna aḅụụ fama ḅẹ-ḅiiarị mụnọọ, mịẹ tẹ tomikiri ḅẹ goyegoye ó ḍiki-iderima tẹ ọmịna ẹrẹ kẹ ye karị?

Jerimaya 44:9

Juda ḅẹ ama ma ḅio na, Jeruselemu etela-ogbo ma ḅụ na ọmịna elemu-aḍapụ na. Juda ḅẹ amadapụ ma na ịna ereme na, ọmịnị na ọmịna tapụ na mịẹ tẹ si-sịḅịḅio amịẹaị ma ọ́ kẹ ḅioḅọrọma tẹ?

Jerimaya 48:35

À Mohabụ ḅẹ apụ ma dasịẹma ḅa dọkịma-agba na ja agba na mịẹ-mịẹ ịna atamụnọ ma pịrị ḅụ in sunsin ịn pịrịarị ayọ ḅụ. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 5:2

Ọmịnị ọkịarị ó sunsin KỊNỊNYANAḄỌ ḅe pịrịarị sọ, ó ḍukoarị ye na ó fiearị ye na gberie-a.

Jerimaya 5:7

KỊNỊNYANAḄỌ ḅe nwẹnị gbela, “À tiegotẹ ị̀ atomi asi ma wẹrịso ḅẹ? Ini ị̀ kẹ gbin-koroma-so tẹ karakaramatẹ tamụnọ-a aị ma mie in sunsin pịrịarị. Àrị ịn pịrị fị furo ḅinmam, kụma ịn sẹfịm tẹ ama-mẹnjị-ereme na koro-simem.

Jerimaya 7:6

Ọ́ jen asịẹ ḅẹ apụ na, ḍapụ-na-iyingiapụ-na-fịtẹ-awọmẹ na, diapụ-fịtẹ-ereme na inoma dasịẹmaa. Ọ́ mịẹye-ofori apụ ḅaa dasịẹmaa, mị amakiri mẹ ḅụ. Ó sunsin oru-atamụnọ pịrị dasịẹmaa, kẹ gotẹ ọkọ ḍukoarị, anị ọ́ ḅaa guluguluma ḅa.

Izikẹlị 18:18

Ọ̀ ḍa, osi pakịrị anga kẹ anị ḍiki ḅụ, kịnị-inomam pịkị kụrọ-ḅara kẹ furum, tẹ sakị mamgba siye kẹ ḅẹḅọ-ḅẹḅọ mịẹm. Tẹ anie ḅụ ọ̀ fịịm, ori ḅarana mịẹ si-aị ẹrẹsị.”

Izikẹlị 20:30

Mie ḅụ ḍuko Izirẹlịapụ ma pịrị yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye mẹ: Tiye ẹrẹsị ọmịnị ọ́ mịẹ-a-so ḅịa ḅara kẹ ọmịna aḍapụ ma mị gbọrụ asi ma mịẹ-mịẹ tẹ mangị oru-afụḅara tẹkẹ ḍukarị?

Izikẹlị 23:39

Anị gbọrụ ene mẹ tẹ ini ị̀ awọmẹ kẹ agbamịẹ ḅẹ tẹ ḅaa ene mẹ ḅụ, in ḅo ị̀ Warị la tẹ anị kẹ tọn-tọn-a ḅara wẹrịm!”

Izikẹlị 5:11

“Ọkọ ẹrẹsị, yẹrị ḍumo wararị Tamụnọ ḅara ḅụ — miemẹ anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye — ị́ si na sịḅị-ngụngụnma aị na kẹ ị̀ Warị pilema ye ẹrẹsị arị ị́ pẹlẹ-gbin ḅa, ọkụrụkụrụ ofori ḅara ḅụ.

Hosiya 2:13

À fomu-ḅara kẹ á pịrị ḅa árị ị̀ kẹ ḅioḅọrọma asakị ma gotẹ, anie á dọkịma-kụnụaị dọkịma Balị pịrị tẹ ye-ḅiri bụlụ-bụlụma tẹ mangị á ḅẹlẹmapụ ḍuka-ḍuka-mu asakị ma. Yẹrị, KỊNỊNYANAḄỌ ḅe, ọkọ ḍukom.

Hosiya 6:9

Agbamịẹapụ ma kịkarị apụ kụrọ-ḅara kẹ ja apụ aị ọkị ḅẹ tẹ piri akaka tomḅọ ẹbịarị apụ ogbo. Mẹnjị Sẹkẹmụ ḅụ ḅọrọ mu fịafịa yọ la-la etela ogbo mẹ kịngẹ ḅụ sọ ịn kịnị ḅaarị. Tẹ mị si mẹmgba ịn tọrụ-gelegele mịẹarị!

Emọsị 4:5

Ó mu ma-mu tẹ ọmịna fịturu kẹ ịmịẹtẹ kẹ Tamụnọ ḅẹẹ, tẹ jaị-jaị tẹ ọ́ kẹ ḅo gbanama ḅẹ aị ma kẹ ḅụụ boma! Mie pembema ye mie ọ́ ḅẹlẹma tẹ mịẹ-mịẹ ye.”

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

Romu 2:2

Tamụnọ ḅẹrẹ-ḅarasii pẹlẹ ọkọ sime apụ pịrịarị sakị, wa ẹrịm ọ̀ karakara ḅụ emi.

Ditẹrọnọmị 32:17

In agba mịẹ si-atẹmẹ tẹ tamụnọ-a aị pịrịm, ịn mịẹ gbala-gbala amụ in nimi-a atamụnọ pịrịm, kẹ ịwọ oru-atamụnọ tẹ sakị ḅụra tẹ sọ-ḅo aị pịrịm, arị aị ma tẹ ọmịna aḍapụ gbala-gbala amụ ḍiki-ḅalafa-a aị ma,

Mịẹfinji 21:8

Kụma mịẹ ḅẹ ye ẹrị tẹ ḅụụ gwẹ-gwẹarị apụ na, tomi kẹ ja apụ ḅara-ḅio dẹrịmarị apụ na, amịna ḍumo kọn pengemarị apụ na, kịnị-ḅaapụ na, ḅụụ wẹrị kpaịnma-a apụ na, ḍiri ibiam tii-arị apụ na, oru tẹkẹ apụ na, iruo apụ mamgba na, arị atomi ma sime anga anie, ọpọlị balị kọrị ḅara kọrịarị tọrụ mẹ ḅio, aniemẹ anie maaịn karama fịị mẹ.”

Mịẹfinji 22:15

Kụma opu ama mẹ ḅio sọ-a apụ ma anie amịna ḍumo kọn pengemarị apụ na, ḍiri ibiam tii-arị apụ na, ḅụụ kpaịnma-a ḍumo kọn-arị apụ na, kịnị-ḅaapụ na, oru tẹkẹ apụ na, pịkị iruo-apụ na, ịn kọn-arị ẹkwẹn ma na ịna amịẹaị na ḅụ.

Ḅẹrẹkọn-apụ 5:8

Ini oru-atamụnọ sẹlẹ-ọkị sakị, anị sakị ọmụ korom ogigo-aḅọkọ ma ḅụ. Izirẹlị ḅẹ kịnị sọnọa puku ogbo-ḅio (40,000) ḅụ kịnị ekpeke anịanịa sụḅa ẹrị-a!