Jerimaya 7:6 - FỊAFỊA BAỊBỤLỤ

⁶ Ọ́ jen asịẹ ḅẹ apụ na, ḍapụ-na-iyingiapụ-na-fịtẹ-awọmẹ na, diapụ-fịtẹ-ereme na inoma dasịẹmaa. Ọ́ mịẹye-ofori apụ ḅaa dasịẹmaa, mị amakiri mẹ ḅụ. Ó sunsin oru-atamụnọ pịrị dasịẹmaa, kẹ gotẹ ọkọ ḍukoarị, anị ọ́ ḅaa guluguluma ḅa.

Jerimaya 7:6 Iomraidhean Croise

2 Amadapụ 21:6

Ori ori owiḅọtụḅọ dọkịmam kẹ agba mịẹ ḅara ḅụ, tẹ fụḅara-ḍiki-ḅịrịapụ na, ye ḅii amịẹaị na mịẹm, tọrụ tolu tẹ okoḅa-sarasara-ye-gbelapụ na, arịapụ na aḅara ḅụ. Ọ̀ KỊNỊNYANAḄỌ ḅe ḍiki-tọrụ ḅụ ḅaka si mịẹm, kẹ ori ịganị sịn-saakịma.

2 Amadapụ 24:4

na pịkị mịẹye-ofori apụ tẹ ọ̀ ḅaa ye mẹ. KỊNỊNYANAḄỌ ḅe mị si mẹ wẹrịso ọ̀ pịrị ḍụkụ-a.

Devidi-Anume 106:38

In mịẹ si ofori ḍọkọḍọkọ-awọmẹ ma ḅaam, tẹ arị akịnị-ḅa mẹ amakiri mẹ pilemam.

Egberima-Ẹkwẹn 23:10

Gbala-gbala elemu sakị ịn sụa kiri elekima siin ma, anịanịa ḍapụ na iyingi apụ na fịtẹ-apụ kiri ọkị í nye sọma.

Ayịzaya 59:7

Sakị mamgba ọ́ gbọrụ siye tọn-arị, tẹ ḅụụ-fụkamam ó koru tẹ anị mị. Mịẹye-ofori apụ ma ḅaa ḅụ gbala-gbala ó ḅio-maaịn-tọn nyana-nyana-a. Ó mu anga mu anga sima na guluguluma na mie ọ́ mịẹ koroma tẹ soarị,

Jerimaya 13:10

Mịna si-mịẹapụ ma ḍụkụ tẹ ị̀ ḅịḅịpoki-a. Anịngẹ-kụraḅio ini ma anie kọngọ kụrọma-kụrọma tẹ pịkị si-sịḅịḅio-sụa-sụa apụ, tẹ in sunsin oru-atamụnọ pịrị tẹ fịrịmẹnjị ịn pịrịm. Ọkọ ẹrẹsị ịn mị okolo-kapa mẹ kịka ḅa, anie ḅarị gbọrụ iḅiye ḅụ sọ-sọ ḅịa ye mẹ.

Jerimaya 19:4

À gotẹ miemẹ mịẹ ḅẹ-yearị, ị̀ atomi ma ị̀ kẹ gbin koroma-so tẹ agba mịẹ-mịẹ oru-atamụnọ ma pịrị ḅụ mị yọ mẹ pilema tẹẹ — oru-atamụnọ ma tẹ ịna elemu aḍapụ-o, Juda ḅẹ amadapụ ma-o arị gboloma ye ḅụ ḅẹ gberie-sọ nimi-a aị ma. Ịn mịẹye-ofori apụ ọmbie kẹ mị yọ mẹ ḅinma tẹẹ,

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Jerimaya 2:34

Ọmịna akapa ma igoin-apụ na mịẹ si ofori apụ na ọmbie arị ọmbịma wararị, warị kan sọ-sọ tẹ ye furuarị apụ ọmbie-a. Kụma ma mamgba ọgọnọ ḅụ sọ,

Jerimaya 26:15

Kụma ó miemẹ nimi lamaa, ọmịnị ị̀ ḅaam ḅẹḅẹ, ọmịnị na mị ama mẹ ḅẹ apụ ma na mịẹ si ofori tomḅọ ḅaa-ḅẹrẹ-ḅarasi nyana ḅa, KỊNỊNYANAḄỌ ḅe mie ị̀ fịrịma ye à mị ḅeri nụnụ ẹkwẹn mẹ kẹ ọ́ pịrịị ẹrẹsị.”

Jerimaya 26:23

Ini ọ̀ kẹ pịkị-ḅo Ama-da Jehohakịmụ pịrịm, tẹ ọ̀ nwẹnị ọ̀ ḅaa tẹ ori oju akpakpa mẹ kẹ ama ḍụẹịn ḍiḅi piri-ḅio gbin koroma.)

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 5:28

anie ẹrẹsị ịn ḍụḅa tẹ iḅi fịye fị apụ ḅara simearị. Ịna si amịẹaị ma daasịẹ anga nyana-a. In sime ḍapụ na iyingiapụ na fịtẹ awọmẹ karakara kẹ ịn pịrị-pịrị-a, anịanịa ja apụ ponomarị apụ ma la kiri ịgbanị ịn pịrị.

Jerimaya 7:5

Ọmịnị ó ḍumo kọn-arị ḅara ḍimaa, pịkị ọ́ mịẹarị aị ma dasịẹmaa. Ọmịnị inoma ofori ḅara kẹ Jụmọ-jụmọ na mị.

Jerimaya 7:9

Ó furuarị, kịnị ḅaarị, sẹfịarị, ye karị tẹ iruo aị ḍukoarị, agbamịẹ Balị pịrịarị, tẹ sunsin ó nimi sọ nimi wẹrị-a atamụnọ pịrịarị.

Kururu Owu-apọkọ 4:13

Miemẹ anie árị ịkịankoroapụ asi ma na, árị agbamịẹapụ amịẹ-irima ma na gotẹ, inima tẹ árị ogboku ḅụ, karakaraye-mịẹapụ ḅaa apụ ma.

Izikẹlị 18:6

Ò sunsin Izirẹlịapụ ma oru-afụḅara ma pịrị-a, anịanịa kẹ oru pịrị tẹ agbamịẹ-aị fị tọn-tọn oru-awarị ma ḅụ. Ọ̀ jụmọ ta sịḅịḅio sima-a, anịanịa sakị-ẹrịarị ẹrẹḅọ na gboloma.

Izikẹlị 22:7

Opu ama mẹ ḅio emi tẹ amịna ḍaḅọ-na-iyingiḅọ-na kụn-arị ḅọ ofori. Ọ́ tọrụ-nimi-a jen asịẹ ḅẹ apụ mingirimarị, pịkị diapụ-fịtẹ-ereme na ḍapụ-na-iyingiapụ-na fịtẹ awọmẹ ma sime-ḅara gotẹ ọmịna ḅiotọn ḅara kẹ ini na mịẹarị.

Lẹvitikọsị 19:33

“Igoniḅọ ḅo ọmịna ama ḅio anga sakị, ó siye kẹ mḅọ mịẹ ma.

Lẹvitikọsị 25:17

Ó si kẹ jụmọ-jụmọ mịẹ ma, kụma ọmịnị ọmịna Tamụnọ mangịma ḅa; kẹ gotẹ ọkọ ḅẹẹarị, yẹrị anie KỊNỊNYANAḄỌ ọmịna Tamụnọ ḅee.”

Malakayị 3:5

Kụrọmamgba nyana KỊNỊNYANAḄỌ ḅe ḅẹẹm, “À ḅẹrẹkọnḅọ ḅara kẹ ọmịna ogboku tolu-sịẹ ḅa, tẹ anị-gbọrụ-kirikiri ḅẹrẹ ḍuko majịkị-mịẹapụ na, sẹfị-apụ na, ḅẹrẹ-siri ḅụ iruoye ḍukoarị ogbo-sịẹapụ na, fịrị kẹ ọkọ-apụ inomarị apụ na, diapụ-fịtẹ-ereme na ḍapụ-na-iyingiapụ-na-fịtẹ-awọmẹ na igoniapụ na tọrụ-pọnjịarị apụ ọgọnọ gbana ḅa — inimgba tẹ ị̀ mangịma-a apụ ma.”

Matiyo 27:25

Bebe tomina-ogbo mẹ nwẹnị Payịleti pakịrị, “Yee ọ̀ fịị mẹ ḅẹ fomu-ḅara mẹ ḅo wamịnị na wamịna awọmẹ na ọgọnọ gbana!”

Matiyo 27:4

Ori mẹẹ, “À si mịẹ tẹ, à si mịẹ-a tomḅọ kẹ dẹrịma tẹ ini ọ̀ ḅaa ḅẹ-yearị!” Ịn nwẹnị pakịrị, “Anie tọ-ḅara kẹ wa gboloma? Anie ị́ ḅẹrẹ!”

Ditẹrọnọmị 11:28

anịsakị wori-nume mẹ anie ọ́ KỊNỊNYANAḄỌ ọmịna Tamụnọ ḅe oloko ma poki-a, kụma etela mẹ tẹ à mịmgba tọn ọ́ pịrị ye mẹ ḅụ tọrụ pịkị akaka da, tẹ mu oru-atamụnọ tẹ amụ ó nimi-a aị ma ḍukamẹnjị-mẹnjị.

Ditẹrọnọmị 24:17

Ọ́ karakara ḅẹrẹkọn pịkị-iḅo jen sịẹ ḅẹ ḅọ, anịanịa ḍaḅọ-na-iyingiḅọ-na-fịtẹ-tụḅọ pịrị ma, anịanịa pakịrị ye ḅụ diḅọ-fịtẹ-ẹrẹḅọ ḅara ḅụ opu kapa da ọkị ma.

Ditẹrọnọmị 27:19

Wori-nume sime oriḅe tẹ jen sịẹ ḅẹ igoniḅọ na, ḍa-na-iyingi-na-fịtẹ-tụḅọ na, diḅọ-fịtẹ-ẹrẹḅọ na karakara ḅẹrẹ pịkị iḅo ḅọ ḅe pịrị. Anịsakị tomi mamgba ḅẹẹ ḅa, “Amẹnị!”

Ditẹrọnọmị 8:19

Anịsakị ọ́ nwẹnị KỊNỊNYANAḄỌ ọmịna Tamụnọ ḅẹ kẹ ḅioḅọrọma tẹ oru-atamụnọ ḍukamẹnjị, tẹ fịrịmẹnjị ịn pịrị, tẹ sunsin ịn pịrị-pịrị, à mịmgba ḅụ tẹmẹ-la ḅara kẹ ọmịna ḅeri nụnụarị mịnẹ karakara-ḅara-ḅụ ọ́ fịị faa ḅa.

Jemụsị 1:27

Tamụnọ Ḍaḅọ ḅe kẹ kpaịn tẹ, karakara Tamụnọ nimi sịn-arị ye anie mie: ḍapụ na iyingi apụ na fịtẹ awọmẹ na, diapụ-fịtẹ-ereme na, ḍikiḍiki ịna tọrụsiẹrị ḅụ, tẹ pịkị mị tomikiri mẹ ḅụ fịafịa ḅara kẹ ḅụụ wẹrị.