Jerimaya 7:5 - FỊAFỊA BAỊBỤLỤ

⁵ Ọmịnị ó ḍumo kọn-arị ḅara ḍimaa, pịkị ọ́ mịẹarị aị ma dasịẹmaa. Ọmịnị inoma ofori ḅara kẹ Jụmọ-jụmọ na mị.

Jerimaya 7:5 Iomraidhean Croise

Ayịzaya 1:19

Ọmịnị ị̀ ḅịḅị poki ḅarị ḅẹḅẹ, ọmịnị amakiri mẹ pakama-ḅoarị iḅi aị ma fị ḅa.

Ayịzaya 16:3

In Juda ḅẹ apụ ḅẹẹarị, “Ọ́ wa mịẹ ḅẹ ye ḍuko wa pịrị. Ọmịnị eneḅaka ogbo ḅụ deinma ịrụa ofori kikima kịnị pịrịarị sịn kịka tẹ wa gbaịn ḅọrọma, tẹ yee wa ọmịna sịḅị-kikima-yọ ḅụ ịnyọsara. Wamịnị amịna ama koroma ḍumo-mangị kọn-arị apụ; ọ̀ wa kẹ gbọrụḅọ-sọ inetẹ wa ḍọkị-ẹrị ḅịa anga ḅụ ḅọị.

Jerimaya 21:12

Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.

Jerimaya 22:15

Anie mịẹ tẹ í iḅi ja amadapụ nẹngị í sida awarị nama ye mẹ ḅụ, iḅi jen-apụ aị nẹngị aị ma? Ị́ ḍa ḅin tẹ ḅioḅẹlẹ ḍumo kọn ị́ nẹngịm. Ọ̀ sakị mamgba kịnị-inoma-a iḅi ḍumo kọnm, tẹ lolom ọ̀ mịẹ ye mịẹ ye ḅụ.

Jerimaya 22:3

Yẹrị, KỊNỊNYANAḄỌ ḅe oloko-sụa ọ́ pịrịarị mịnẹ ọ́ jụmọ inoma ofori ye na kuraye na mịẹẹ. Ọ́ kịnị inomarị ḅọ mẹ gbaịn ḅọrọma mḅọ inomarị ḅọ mẹ ḅụ. Ó si ḅara anịanịa ponoma ḅara kẹ jen asịẹ ḅẹ apụ na, ḍapụ-na-iyingiapụ-na fịtẹ awọmẹ na, diapụ-fịtẹ-ereme na mịẹ ma, pịkị in ponoma ma. Mị fịafịa yọ mẹ ḅụ ọ́ mịẹye-ofori apụ ḅaa ma.

Jerimaya 26:13

Ọmịnị ó ḍumo kọn-arị ḅara na ọ́ mịẹarị aị na ḍima tẹ pịkị KỊNỊNYANAḄỌ ọmịna Tamụnọ ḅe ḅịḅịpoki nyanam. Ọmịnị ọkọ mịẹm ḅẹḅẹ, ori ò kuroma ḍima ḅa, ọ̀ ḅẹẹm ori ọkị-ḅo ọmịna ọgọnọ gbana ḅa ḅẹ guluguluma mẹ gboloma ye ḅụ.

Jerimaya 7:3

Mie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍukoarị ye. Ọmịnị ọmịna etela ma na mịẹ-aị ma na ḍima, anịsakị à ḍụkụ tẹ ọ́ mịẹ anga anga ḅa.

Izikẹlị 18:17

Ọ̀ ḍụkụ tẹ siye mịẹ-mịẹ-a, tẹ ọ̀ pịkị sọye gotẹ igbigi kẹ kịnị ḅọlọ-ḅọlọ-a. Ori ì oloko ma kokoarị, tẹ à tọn-koroma-aị ma poki tẹ mịẹarị. Ori ọ̀ ḍa asi ẹrẹsị fịị ḅịa, kụma karakaraye ḍuko ḅụ ò ḍumo ḅa.

Izikẹlị 18:5

“Ọkị mịnẹ karakaramatẹ iḅi wararị tomḅọ emi tẹ karakara mịẹarị pịkị kịnị mingirima-mingirima-a ḅọ.

Izikẹlị 18:8

Ọ̀ sọye gotẹ igbigi kẹ kịnị ḅọlọ-ḅọlọ-a. Ọ̀ ḍụkụ tẹ siye mịẹ-mịẹ-aa, tẹ maa apụ ye na ịgbanịyarị anga ḅụ ọḅụ-fị-a ḅara kẹ ḅẹrẹ-pẹlẹarị.

Lẹvitikọsị 25:17

Ó si kẹ jụmọ-jụmọ mịẹ ma, kụma ọmịnị ọmịna Tamụnọ mangịma ḅa; kẹ gotẹ ọkọ ḅẹẹarị, yẹrị anie KỊNỊNYANAḄỌ ọmịna Tamụnọ ḅee.”

Zẹkaraya 7:7

Mie KỊNỊNYANAḄỌ ḅe ọ̀ tarị pịrị-pịrị ḅẹ ịkịankoroapụ ma ḅụ ḅọrọ tẹ ḍuko ye Jeruselemu lọkọlọkọ wararị tẹ tọnwa atomi anị ḅio angarị sakị, opu ama mẹ ikelema-koro ama ma ḅio kịngẹ-a, kụma abajị-suku da anga ḅẹ iri ma na ịrụa-ideriarị-anga mẹ ḅẹ kala atụndụ ma ḅio na sọ.

Ḅẹrẹkọn-apụ 21:12

Ịn nwẹnị Jabẹsị-giliyadị ḅẹ apụ ma ogbo-ḅio ḅụụ-gboloa eremịna-awọmẹ, kịnị ẹndẹ (400) ḍọkị-ẹrị; tẹ ịn nwẹnị ịn kẹ Silo ḅẹ akpụrụ-warị mẹ tẹ Kenanị ḅẹ ama mẹ ḅio simearị ye mẹ ḅo.

Ḅẹrẹkọn-apụ 5:1

Anịtẹso Dibora na, Barakị Abinohamụ owiḅọtụḅọ ḅe na anị ene mẹ ḅụ nume-su Tamụnọ bomam: