Jerimaya 7:4 - FỊAFỊA BAỊBỤLỤ

⁴ Ọmịnị mịna oḅori-kẹ-kịnịsịn ẹkwẹn ma minini mẹ dasịẹmaa, anie: “Wa la-la ye ofori! Mie KỊNỊNYANAḄỌ ḅe warị mẹ, mie KỊNỊNYANAḄỌ ḅe warị mẹ, mie KỊNỊNYANAḄỌ ḅe warị mẹ!”

Jerimaya 7:4 Iomraidhean Croise

1 Amadapụ 9:7

anịrẹ àrị ị̀ atomi Izirẹlịapụ ma ḅelema ḅa à kẹ ịn pịrị tẹ ama mẹ ḅụ. À pịkị mị Tẹkẹ-warị mẹ tẹ à tomi sunsin ị̀ pịrị ḅẹ anga wẹrị ḅara kẹ wẹrị fịafịama tẹ anga mẹ sọ kẹ gbin-koroma tẹ so ḅa. Anga-anga ḅụ simearị atomi mamgba Izirẹlị kẹ kpọọti ḅa tẹ ye-sịn-a ḅara kẹ arị na mịẹ ḅa.

Ayịzaya 48:2

Anịsọ ọ́ paa ḅụụ-boma-boma tẹ ḅarị mịnẹ ọmịnị fịafịa opu ama mẹ ḅẹ apụ tẹ ọ́ pịkị Izirẹlị Tamụnọ ḅụ sịrẹrẹarị, anie Kụrọmamgba nyana KỊNỊNYANAḄỌ kẹ ẹrẹ fị wararị ḅọ ḅe.

Ayịzaya 59:4

Ọ́ ḅẹrẹ-siri muarị kụma ọ́ ḅẹrẹ karakara nyana-a. Iruo aị ḅụ mie ọ́ sịrẹrẹ wararị kẹ ọmịna ḅẹrẹ ḍuko ọkị. Ọ́ tọn-arị aị tọn-arị aị kẹ ye kẹ ja apụ lama.

Ayịzaya 66:1

KỊNỊNYANAḄỌ ḅe mẹẹ, “So anie ì emine, tẹ Kiri mẹ ị̀ ḅụọ-gbana-ịkasie. Ọkọ kụma ọmịnị inetẹ tọ-ḅara sime warị nama ị̀ pịrị ḅẹ, à tọ-ḅara sime yọ ḅụ sọ tẹ anga ḅẹ?

Jerimaya 28:15

À miemẹ ḍuko Hananaya pịrịm, tẹ mie kẹ sụa ḍukom, “Hananaya, pokii! KỊNỊNYANAḄỌ ḅe ị́ fịrịma-a, tẹ ị́ mịẹ tẹ mịna atomi ma iruo ye mininiarị.

Jerimaya 29:23

Miemẹ sime ịn pịrị tẹ ịna ḅụ paka ḅẹ ye sọ ḅa, ịn ḅalafama asi mịẹ tẹ ẹrẹsị — ịn sẹfị tẹ pịkị KỊNỊNYANAḄỌ ḅe ẹrẹ ḅụ iruo aị ḍuko tẹẹ. Miemẹ KỊNỊNYANAḄỌ ḅe ḅiiarị ye na tụḅụrụm; ori ịn mịẹ tẹ ye mẹ nimi wararị, ori ḅẹrẹ-kiri sime-ḅọ sọ tẹ ini na tụḅụrụ wararị.’ ” KỊNỊNYANAḄỌ ḅe ọkọ ḅẹẹm.

Jerimaya 29:31

“Mị oku mẹ kẹ kun-so apụ mamgba fịrịmaa: ‘Mie KỊNỊNYANAḄỌ ḅe Sẹmaya, Nehelamụ ḅẹ ḅọ ḅe ḅụ ḍukoarị ye, Sẹmaya ịkịankoro ọ́ pịrịtẹ ẹrẹsị, karakaraye yẹrị ọ̀ fịrịma-a sọ, tẹ mịẹ tẹ ọmịnị iruo ye minini tẹ,

Jerimaya 6:14

Ịn mịẹarị ḅara gbala ì atomi ma la aị ma papaa ọgọnọ-ọgọnọ ye oju-kiri gọrọrọ ye ọkụ. Ini mẹẹ, ‘Ye-mẹmgba iḅi wararị’, ye-mẹmgba iḅi-a ogbo ḅụ.

Jerimaya 7:14

Anie ḅụ, à kẹ Silo mịẹ ye mẹ à kẹ mie ị̀ Warị mẹ mịẹ ḅa, ọ́ kẹ ḅiokpọmarị ye mẹ. Mị yọ mẹ tẹ à kẹ ọmịna elemu aḍapụ na ọmịnị na pịrị ye mẹ, àrị à kẹ Silo mịẹ gbọrụ ye mẹ kẹ anị mịẹ ḅa.

Izikẹlị 13:19

Ọ́ kụn kẹ ị̀ pịrị-pịrị-a ị̀ atomi tọrọkọ, paa kẹ mịẹ tẹ ọ́ bali mgbọlị fịye kalịye na fịturu apakịrị-apakịrị na nyana ḅẹ ḅara. Ọ́ fịị na-iḅi-a apụ ḅaarị, tẹ ḍumo sime gbẹẹ-a apụ ḍumomarị. Mị-ḅara ḅụ iruo aị ḍuko-ḍuko ị̀ atomi pịrị tẹ ini ó mininiarị.”

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Zẹfanaya 3:11

Anị ene mẹ ḅụ, ọmịnị ị̀ atomi ma gotẹ ḅụụ-jịrị-jịrị ye ḅarị paka ḅịa, mịnẹ ọ́ kọngọ kụrọma ị̀ pịrịm. Ḅẹḅọ-ḅẹḅọ tẹ ḅụụ-gelema tẹ opu ẹkwẹn kọn-arị ḅo arị mḅọ saakị siin ḅa, anịsakị gbala-gbala ọ́ ḅarị jen kẹ kọngọ kụrọma ị̀ pịrị ḅịa ị̀ fịafịa tụndụ mẹ ọgọnọ.

Luku 3:8

Ọmịna asi ḅụ ọ́ pịkị tẹ mẹ ḍie-pakama ḅẹ amịẹaị ọ́ nwẹn mịẹ, tẹ ḅarị ḅẹẹ ma mịnẹ Ebira-amụ anie ọmịna atẹngịḅọ. À ḍuko ọ́ pịrịarị mịnẹ Tamụnọ inetẹ mịna aḍụḅarị ma kẹ awọ sọma Ebira-amụ pịrị ḅa!