Jerimaya 7:32 - FỊAFỊA BAỊBỤLỤ

³² Tẹ mie ḅụ, sakị mẹ ḅo ḅa, ịn ḅarị jen kẹ Hinọnị Tụndụ-suku kẹ anị sịn ḅịa, kụma Kịnị-ḅa Tụndụ-suku. Ini anịanga kẹ kịnị ḍiḅi ḅa, kịnị ḍiḅi ḅẹ jen anga paka ḅịa ẹrẹsị.

Jerimaya 7:32 Iomraidhean Croise

2 Amadapụ 23:10

Ọ̀ nwẹnị Bẹnị-hinomu ḅẹ tụndụ ogboku ḅụ sime Tofẹti pilema mịẹtẹ gbọrụḅọ-sọ ḅarị mḅọ owiḅọtụḅọ, anịanịa ẹrẹḅọtụḅọ dọkịma tẹ kẹ agba mịẹ Molẹkị pịrị ḅịa ḅara.

Jerimaya 19:11

tẹ ḍuko ịn pịrị mịnẹ Kụrọmamgba nyana KỊNỊNYANAḄỌ ḅe ọkọ ḅẹẹm, “À mịna atomi ma na mị opu ama mẹ na ḅaa sara ḅa, tẹ anị fịị aḅaịn-jongo mẹ kịka ḅa, tẹ ḅarị inetẹ jen kẹ kpesi ḅịa. Kịnị Tofẹti ḅụ ịna aḍụẹịn ḍiḅi ḅa, jen ịn kẹ ḍiḅi ḅẹ anga ḅarị paka ḅịa ẹrẹsị.

Jerimaya 19:13

Jeruselemu ḅẹ awarị ma na, Juda ḅẹ amadapụ awarị ma na, tẹ karakara-ḅara-ḅụ warị mamgba tẹ ini arị isun ọgọnọ kụnụaị dọkịma lolia ma pịrị tẹ aị ma, pịkị iru sara ḍiepịrịye kẹ oru-atamụnọ pịrị tẹ ayọ ma — arịmgba fịafịa-a ḅara sime ḅa Tofẹti sime-ḅara.”

Jerimaya 19:2

tẹ Ẹkẹkẹ-apakịrị Ogigo-Ḅọkọ mẹ ḅụ mẹnjị-toluḅọrọ mu Hinọmụ Tụndụ-suku mẹ la. Anị anga àrị ọ̀ kẹ ị́ pịrị ḅarị oku mẹ ḍuko wasama ḅẹm.

Jerimaya 19:6

Mie ḅụ ọkọ ẹrẹsị, sakị mẹ ḅo ḅa, anie ịn ḅarị jen kẹ Tofẹti anịanịa Hinọmụ Tụndụ-suku kẹ mị yọ mẹ sịn ḅịa sakị mẹ. Anie nakara, ịn kẹ anị nimi ḅarị ẹrẹ anie — Kịnị-ḅaaḅa Tụndụ-suku.

Jerimaya 31:40

Bebe tụndụ-suku mẹ, ịn ḍụẹịn ḍiḅiarị pịkị fun sararị anga mẹ na ịn ḍụọ ḍiḅiarị ayọ mamgba na Kidirọnị ḍaḅa mẹ ọgọnọ-jụ ọkị mu nwenii mu Asụ Onu-ḅọkọ tẹ ịrụa saakị pakarị pakịrị anga emi ye mẹ la, fịafịa ayọ sọ ị̀ pịrị ḅa. Opu ama mẹ ịn ḅarị jen kẹ anị kan koroma anịanịa guluguluma ḅịa.”

Jerimaya 7:31

Hinọnị Tụndụ suku-ḅio ini ịn kẹ Tofẹti sịn-arị agbamịẹ-anga nama tẹẹ, tẹ ịna owiapụ-awọmẹ na eremịna-awọmẹ na kẹ fịnị ḅio agbamịẹ ḅẹ ḅara. Yẹrị tọn ịn pịrị-a ịn miemẹ mịẹẹ — ì kuroma kịngẹ ḅụ sọ anị sọ-a.

Izikẹlị 6:4

Agbamịẹ-anga ma à kan kiri lama ḅa, pịkị ịn dọkịma-agba mịẹarị ayọ ma kan sara ḅa. Anị anga sime apụ mamgba ḅaa ḅa ịna oru-afụḅara ma tọrọkọ.

Lẹvitikọsị 26:30

Àrị ọmịna geletẹ ayeyọ ma sukuruma-gbin ḅa, tẹ ọmịna kụnụaị ebeka ma pẹlẹ, pẹlẹ-gbin, tẹ ọmịna fịtẹ oju ma saakị, saakị ọmịna fịtẹ akpokobịa ma ọgọnọ gbana ḅa, tẹ ọmịnị ị̀ ḅụụ si ḅa.