Jerimaya 7:31 - FỊAFỊA BAỊBỤLỤ

³¹ Hinọnị Tụndụ suku-ḅio ini ịn kẹ Tofẹti sịn-arị agbamịẹ-anga nama tẹẹ, tẹ ịna owiapụ-awọmẹ na eremịna-awọmẹ na kẹ fịnị ḅio agbamịẹ ḅẹ ḅara. Yẹrị tọn ịn pịrị-a ịn miemẹ mịẹẹ — ì kuroma kịngẹ ḅụ sọ anị sọ-a.

Jerimaya 7:31 Iomraidhean Croise

2 Amadapụ 17:17

Ini ịna owiapụ-awọmẹ na eremịna-awọmẹ na dọkịmam kẹ agba mịẹ ḅara ḅụ, ịn ḅịrịapụ na majịkị-mịẹapụ na warị ye ḅiim, tẹ ịna aḅụụ kẹ KỊNỊNYANAḄỌ ḅe ḍiki-tọrụ ḅụ siye mịẹ dẹrịmam, kẹ ọ̀ mịẹ tẹ ori ịganị.

2 Amadapụ 23:10

Ọ̀ nwẹnị Bẹnị-hinomu ḅẹ tụndụ ogboku ḅụ sime Tofẹti pilema mịẹtẹ gbọrụḅọ-sọ ḅarị mḅọ owiḅọtụḅọ, anịanịa ẹrẹḅọtụḅọ dọkịma tẹ kẹ agba mịẹ Molẹkị pịrị ḅịa ḅara.

2 Amadapụ 23:20

Gele-ayeyọ ma ḅụ ebeka ma ḅụ sime agbamịẹapụ mamgba ori ịn ḅaa famam, tẹ tomina mgbe ma kẹ ebeka ma ọgọnọ dọkịmam. Anịtẹrẹmẹ ọ̀ pịkịma-so Jeruselemu mum.

2 Paka-aị 28:3

Tẹ Bẹnị-hinomu tụndụ-ogboku ḅụ kụnụaị dọkịmam, tẹ agbamịẹ ḅara ḅụ ori owiapụ-awọmẹ sọ dọkịmam, tọn-tọn amịẹaị ma tẹ KỊNỊNYANAḄỌ ḅe Izirẹlịapụ ma tọrọkọ dee opu asịẹ ma wẹrịtẹ mịẹ-mịẹ ḅara.

2 Paka-aị 33:6

Ori agbamịẹ ḅara ḅụ ori owiapụ-awọmẹ dọkịmam Hinọmụ tụndụ ogboku ḅụ, tẹ okoḅa-sarasara-ye-gbelapụ tẹ ye ḅii na, feni fie ye naa tẹ paka ḅẹ ye ḍuko na, arị amịẹaị na mịẹ, tẹ fụḅara-ḍiki-ḅịrịapụ na, arịapụ na mẹnjị kọn gboloma. Ọ̀ kpọma KỊNỊNYANAḄỌ ḅe ḍiki-tọrụ ḅụ siye mịẹ lamam, tẹ kẹ ori ịganị sịn saakịm.

Ayịzaya 30:33

Ala tẹ sakị ḅụ ịn gbọrụ yọ tẹlẹma wẹrịm, ini orumo kẹ Asiriya tomikiri mẹ dọkịma fama ḅẹ yọ. Anị pokolo tẹ finjima wararị, tẹ ịn pakịrị tan-tan anị ḅio sara tunduruma wararị. KỊNỊNYANAḄỌ ḅe ọwụ sara tẹ anị fịnị-ḅẹlẹ sọ tẹ veremuma anị kọrịma ḅa.

Ayịzaya 57:5

Ó fịye pakama oru ma tẹkẹ-tẹkẹ tẹ ọ́ kẹ tọn-tọn ḅara wẹrị wararị asịn suku-ḅio owiapụ na ereme na gboloma mịẹ mịẹarị. Ọmịnị ọmịna ḍọkọḍọkọ-awọmẹ kẹ mẹnjịarị minji akaka ḅẹ ịkụ fukuru ḅio agba mịẹarị.

Jerimaya 19:2

tẹ Ẹkẹkẹ-apakịrị Ogigo-Ḅọkọ mẹ ḅụ mẹnjị-toluḅọrọ mu Hinọmụ Tụndụ-suku mẹ la. Anị anga àrị ọ̀ kẹ ị́ pịrị ḅarị oku mẹ ḍuko wasama ḅẹm.

Jerimaya 2:23

Ndẹẹ í inetẹ ị́ ị́ ḅụụ pilema-a ḅẹẹ ḅẹ ḅara, mịnẹ jene-jene amụ í Balị tẹkẹ-a? Tụndụ suku mẹ ḅụ ị́ mịẹ siye ḍikii; ị́ mịẹ tẹ ye ẹrịị, Ọfịrị ḅụụ-ḅalaḅalamarị piri-ḅio-ḅẹ ike-sụa-nama ḅe mie ị́ kịkarị, kpọọ-a tẹ mangị ikele-ikelearị,

Jerimaya 32:34

Ịn mịẹ nwenii tẹ ịna oru-afụḅara ma sọ kẹ ị́ Warị mẹ, nama tẹ kẹ sunsin ị́ pịrị ḅẹ yọ mẹ ḅio koroma tẹ anị pilema tẹẹ.

Jerimaya 32:35

Hinọmụ Tụndụ-suku mẹ ḅụ ini agbamịẹ-anga ma nama Balị pịrịm, kẹ ịna owiapụ-awọmẹ na eremịna-awọmẹ na kẹ agbamịẹ Molẹkị nwẹn-sịn tamụnọ ḅe pịrị ḅẹ ḅara. Yẹrị tọn ịn pịrị-a ịn miemẹ mịẹ, tẹ ì kuroma kịngẹ sọ anị sọ-a mịnẹ ini ọkọ sime ye mịẹ, tẹ Juda ḅẹ apụ ma mịẹ tẹ in si mịẹ.”

Izikẹlị 16:20

“Anịtẹso í í iyi ị̀ pịrịtẹ owiapụ-awọmẹ ma na eremịna-awọmẹ ọkị tẹ kẹ agbamịẹ oru-afụḅara pịrịm, ḅioḅẹngbọ-kẹ-sịrẹrẹ-niḅi-a ḅara sime ị̀ pịrị ye mẹ boowa wararị ya.

Izikẹlị 20:26

Àrị ịn wẹrịso tẹ ini ịna soku-ḅẹ ḍiepịrị-aị kẹ ịna aḅụụ pilemam tẹ ịn wẹrịso tẹ ini ịna mgbe ma kẹ agbamịẹ. Mie kẹ fomu-ḅara kẹ ịn pịrị tẹ kẹ ịn ḍie mịnẹ yẹrị anie KỊNỊNYANAḄỌ ḅe.

Izikẹlị 20:31

Mịmgba mẹ sọ ọ́ paa gbọrụ ḍiepịrị-aị ma pịrịarị tẹ ọmịna aḅụụ pilemarị ọmịnị ọmịna awọmẹ kẹ fịnị ḅio dọkịmarị agbamịẹ mẹ ḅụ. Anị tẹso, ọmịnị Izirẹlịapụ ma tọrụ-gelegele ḅo à tọn ye tiye mọ gbelarị! Piki-pikiye-ofori ḅara ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe anie ḍumo wararị Tamụnọ ḅee ẹrẹsị, à ḍụkụ tẹ ó gberie-sọ gbela ḅịa.

Lẹvitikọsị 18:21

Ị́ awọmẹ ḅụ, gbọrụḅọ-sọ pịrị pakama tẹ ịn kẹ agba mịẹ Molẹkị nwẹn-sịn oru ḅe pịrị tẹ mị-ḅara ḅụ ị́ Tamụnọ ḅe ẹrẹ mịẹ-sima ma.”

Mayịka 6:7

“Àrị ejimina maa ẹndẹ oyia asi finji kẹ agba mịẹ, anịanịa pulo aposini arụ-arụ kẹ agba mịẹ tẹ anị KỊNỊNYANAḄỌ ḅe ḅụụ ḅẹlẹ ḅẹ? Anịanịa à ḅọrọ ị̀ tarị tụḅọ kẹ à kan oloko ma gotẹ agba mịẹ, anịanịa arị iyi tụḅọ kẹ ị̀ ḅara ḅẹ asi ma gotẹ agba mịẹ ḅẹ mụnọọ?”

Ditẹrọnọmị 12:31

Ọmịnị ọkọ kẹ sunsin KỊNỊNYANAḄỌ ọmịna Tamụnọ ḅe pịrị ma, kẹ gotẹ ọkọ ḅẹẹarị, tọn-tọnye tẹ KỊNỊNYANAḄỌ ḅe ḍiki-ḅioḅuarị ye goyegoye ịn mịẹ ịna oru-atamụnọ ma pịrị tẹ; kẹ gotẹ ọkọ ḅẹẹarị, ịna owiapụ-awọmẹ na, ịna eremịna-awọmẹ na sọ ịn fịnị ḅio dọkịma ịna oru-atamụnọ ma pịrị tẹ.

Ditẹrọnọmị 17:3

tẹ mu tẹ fịrịmẹnjị oru-atamụnọ, anịanịa ịrụa mẹ, anịanịa akalụ mẹ, anịanịa, ḅẹẹye-ḅẹẹye tẹ So-ḅio sime ye tẹ à tọn-tọn-aị ma pịrị tẹ sunsin ịn pịrị,

Ditẹrọnọmị 18:10

Ọmịna ogbo-ḅio ḅẹḅọ-ḅẹḅọ tẹ ori owiḅọtụḅọ, anịanịa ori ẹrẹḅọtụḅọ kẹ agbamịẹ ḅara ḅụ dọkịma ḅọ, ḅẹḅọ-ḅẹḅọ tẹ ḅịrịkọn-amịẹaị-mịẹḅọ, okoḅa-sarasara-ye-gbelaḅọ, anịanịa feni fieye naa tẹ tọrọkọ paka ḅẹ ye ḍuko ḅọ anịanịa arịḅọ,

Jọsụwa 15:8

anịtẹrẹmẹ oke mẹ inọmụ owiḅọtụḅọ ḅe Tụndụ Ogboku mẹ ḅẹ akaka ḅụ iwo ọgọnọ Jebusi ḅẹ suku-jụ pakịrị mẹ ḅẹ akaka (anie Jeruselemu) mu tẹ ịrụa-ideriarị-anga ḅụ Inọmụ Tụndụ Ogboku mẹ saḅa anga ḅụ iwo tụndụ mẹ sịḅị ọgọnọ ḅọrọm Rẹfayimu Tụndụ Ogboku mẹ ḅẹ ọgọnọ-jụ ḅẹ kunoma ḅụ.