Jerimaya 7:30 - FỊAFỊA BAỊBỤLỤ

³⁰ “Juda ḅẹ apụ siye mịẹ tẹẹ. Ini ịna oru-afụḅara ma kẹ ị̀ warị ḅio koroma tẹ anị pilema tẹẹ.

Jerimaya 7:30 Iomraidhean Croise

2 Amadapụ 21:3

Kẹ gotẹ ọkọ ḅẹẹarị, ò siin oru awarị ma namam, ọ̀ ḍa Hẹzịkaya kan aị ma; tẹ nwẹnị tọnwa ebeka nama Balị pịrị, Ehabụ Izirẹlị ḅẹ amadaḅọ ḅe wẹrịtẹ mịẹ tẹ sunsin tẹ fịrịmẹnjị kẹ So-ḅio sime aị mamgba piri ḅara.

2 Amadapụ 21:4

KỊNỊNYANAḄỌ ḅe warị-ḅio ḅụ ori ebeka nama saram, aniemẹ tẹ KỊNỊNYANAḄỌ ḅe ḅẹẹm, “Jeruselemu ḅụ mie àrị ị̀ ẹrẹ mẹ kẹ sụa ḅarịye” ḅẹẹ anga mẹ.

2 Amadapụ 21:7

Asịra oru-fụḅara mẹ tẹ ọ̀ tẹmẹ ye mẹ ọ̀ kẹ anị warị mẹ ḅio sịẹmam, anị warị mẹ tẹ KỊNỊNYANAḄỌ Devidi na, ori owiḅọtụḅọ Sọlọmọnị na ḅẹẹm, “Mị warị mẹ ḅio na Jeruselemu na tẹ arị Izirẹlị afuro mamgba ḅụ sẹlẹ-ọkị anga mẹ ḅụ, arị ị̀ ẹrẹ kẹ sụa gbamaso ḅa;

2 Amadapụ 23:12

Ahazi warị mẹ ḅẹ ọgọnọ ḅẹ ḅio mẹ isun ọgọnọ sime ebeka mẹ, aniemẹ tẹ Juda ḅẹ amadapụ ma nama ye mẹ na, Manasẹ KỊNỊNYANAḄỌ ḅe warị mẹ ḅẹ anụngọ ma ḅụ nama ebeka ma na, kan sara tẹ kẹ pakịrị-pakịrị puu tẹ dọkịma fọọn mịẹ, tẹ nwẹnị arịḅẹ afọn ma kẹ Kidirọnị ḍaḅa ḅio nguma.

2 Paka-aị 33:15

Ọ̀ nwẹnị igoni atamụnọ ma na, ọ̀ kẹ ye kịka ma tẹmẹ-aị mamgba saakị siin KỊNỊNYANAḄỌ ḅe warị mẹ ḅụ, tẹ ebeka ma tẹ ò Jeruselemu ḅụ nama aị ma na KỊNỊNYANAḄỌ ḅe warị mẹ ḅẹ tụndụ mẹ ọgọnọ nama aị mamgba na kan siin, tẹ ọ̀ nwẹnị arị kẹ opu ama mẹ ḅio pakama tẹ kẹ gbin nguma.

2 Paka-aị 33:3

Kẹ gotẹ ọkọ ḅẹẹarị, ò siin gele ayeyọ ma tẹ ọ̀ ḍa Hẹzịkaya kan-sara tẹ anga ma namam, tẹ ebeka nama Balị ma pịrịm tẹ Asẹra oru-afụḅara tẹmẹm, tẹ sunsin So-ḅio simearị aị mamgba pịrị tẹ fịrịmẹnjị arị pịrịm.

2 Paka-aị 33:7

Ọ̀ ḅara kẹ ye kịkama tẹ tẹmẹ-aị ma, ọ̀ kẹ Tamụnọ warị mẹ ḅio dẹẹ koromam, anie Tamụnọ Devidi na, ori owiḅọtụḅọ Sọlọmọnị na ḅẹẹm, “Mị warị mẹ ḅio na, àrị Izirẹlị afuro mamgba ḅụ sẹlẹ ọkị tẹ Jeruselemu mẹ ḅio àrị ị̀ ẹrẹ mẹ kẹ sụa gbamaso ḅa” nwẹn ḅẹẹ anga mẹ ḅụ,

Ayịzaya 66:4

Mie ḅụ àrị opu ḅụụ-fụka ọkị-ḅo ịna ọgọnọ gbana ḅa — in gotẹ ḅalafaarị aị ma — à sịn sakị gbọrụḅọ-sọ ḅịḅị-ọkịya ẹrẹsị, anịanịa à ḍuko ye poki. Ini ị̀ ḅịḅị kan na siye mịẹ na sẹlẹ-ọkịm.”

Jerimaya 16:18

Àrị ịn mịẹ tẹ ịn maa kiri kẹ ịna si na si-sịḅịḅio na gbẹẹ ḅa, ịn fịtẹ tomḅọ oju akpakpa ḍumo nyana-a ḅara kẹ ḍumo nyana-a oru-afụḅara kẹ ị̀ amakiri mẹ pilema tẹ ẹrẹsị, tẹ ịn pịkị iruo atamụnọ kẹ anị ḅio ḅinma tẹ.”

Jerimaya 23:11

KỊNỊNYANAḄỌ ḅe mẹẹ: Ịkịankoroapụ ma na agbamịẹapụ ma na ịn Tamụnọ nimi-a; In siye mịẹarị tẹ arị in kun tẹ Tamụnọ-warị mẹ ḅio ḅioju ḅụ sọ.

Jerimaya 32:34

Ịn mịẹ nwenii tẹ ịna oru-afụḅara ma sọ kẹ ị́ Warị mẹ, nama tẹ kẹ sunsin ị́ pịrị ḅẹ yọ mẹ ḅio koroma tẹ anị pilema tẹẹ.

Jerimaya 32:35

Hinọmụ Tụndụ-suku mẹ ḅụ ini agbamịẹ-anga ma nama Balị pịrịm, kẹ ịna owiapụ-awọmẹ na eremịna-awọmẹ na kẹ agbamịẹ Molẹkị nwẹn-sịn tamụnọ ḅe pịrị ḅẹ ḅara. Yẹrị tọn ịn pịrị-a ịn miemẹ mịẹ, tẹ ì kuroma kịngẹ sọ anị sọ-a mịnẹ ini ọkọ sime ye mịẹ, tẹ Juda ḅẹ apụ ma mịẹ tẹ in si mịẹ.”

Izikẹlị 7:20

Sakị ḅẹ gbọrụ sakị ḅụ ini ịna iḅitẹ yela apọkọsụa-aị kẹ ḅụụ-tọn-tọnm, kụma mịọkụ ini arị kẹ sịḅị-ngụngụnmarị. Mie KỊNỊNYANAḄỌ ḅe gotẹ mịẹ tẹ ịna ngọ ma ịna aḅụụ siiarị ye.

Izikẹlị 8:3

Ọ̀ nwẹnị ị̀ tọrụ ḅụ ḅara kịkaye sụn-pakama tẹ kẹ ị̀ sịḅị-ḅẹ-inume ḅụ gịẹsịma ì kuun-sịẹma. Anịtẹso mịẹ ịkịan mẹ ḅụ Tamụnọ tẹmẹ nwẹnị ị̀ saakị gelema So-tọrụ sọ mu tẹ ị̀ kẹ mu Jeruselemu la. Ori ị̀ kẹ Tamụnọ-warị mẹ ḅẹ ọgọnọ-jụ ḅẹ ogigo-ḅọkọ sọ mu anga mẹ mum, anie Tamụnọ ịganịma ḅụra oru-fụḅara sime anga mẹ.

Danẹlị 11:31

Ori ọmụapụ ma ḅe jen-apụ Tamụnọ-warị mẹ pilema ḅa. Ini ene-ḅaaene-ḅaaene ḅẹ agba ma dasịẹma tẹ “Ḅalafama Sịḅị-jịrịmaye Mẹ” saakị sịẹma ḅa.

Danẹlị 9:27

Anị ḅẹrẹtọnḅọ ḅe tọnwa-apụ na kụrọ-nyanatẹ ḅịḅị-kẹ-ogbosọ nyana ḅa sọnọma kụra ḅụ, tẹ anị sakị mẹ kẹ maa anga ḍiya ḅẹ gbọrụ anga ḅọrọtẹ so ori agbamịẹ ma na ḍiepịrị-aị na dasịẹma ḅa. ‘Ḅalafa Sịḅị-jịrịmaye Mẹ’ ịn nwẹn kẹ Tamụnọ-warị mẹ ḅio geletẹịn anga ḅụ gbana ḅa, tẹ anịanga sime nwenii anị kẹ anị kẹ anịanga koroma ḅọ ḅe ḅo Tamụnọ tẹlẹma ọ̀ pịrị kunoma mẹ na bịama ḅa.”