Jerimaya 7:3 - FỊAFỊA BAỊBỤLỤ

³ Mie Kụrọmamgba nyana KỊNỊNYANAḄỌ, Izirẹlịapụ tẹkẹarị Tamụnọ ḅe, ḍukoarị ye. Ọmịnị ọmịna etela ma na mịẹ-aị ma na ḍima, anịsakị à ḍụkụ tẹ ọ́ mịẹ anga anga ḅa.

Jerimaya 7:3 Iomraidhean Croise

2 Amadapụ 17:13

Ịn ọkọ mịẹm, anịsọ KỊNỊNYANAḄỌ ḅe ịkịankoroḅọ goḅọ-goḅọ na, so-ḅịrịḅọ goḅọ-goḅọ na Izirẹlị na Juda na aḅeri nụnụ-nụnụ tẹ ḅẹẹm, “Ọmịnị ọmịna asi etela ma ḅụ pịkịị, tẹ à tọn ọ́ pịrị aị ma kokoo, anie Oloko mẹ tẹ à kẹ ọmịna atẹngịapụ pịrị ye mẹ pịkị kẹ ị̀ afịrịmẹnjịapụ ịkịankoroapụ ma ḅara ọ́ fịrịma ye mẹ ḅụ kẹẹ wararị aị ma.”

Ẹzịra 10:11

Anị ẹrẹsị, ọ́ mịọkụ ọmịna asi ma ḍuko pakama KỊNỊNYANAḄỌ ọmịna ḍapụ ma Tamụnọ ḅe pịrị, tẹ ọ̀ tọn ye mịẹ; ọmịnị ama mẹ ḅẹ apụ ma na, igoni ama ḅẹ ereme sime na ḅụ ọmịna ḅụụ ḅelemaa.”

Egberima-Ẹkwẹn 28:13

Gbala-gbala ḍumo ḅụ ị́ tọrọkọ mu ḅịa ị́ ị́ asi ḅọị ḅẹ ḍọkịarị ḅẹḅẹ. Arị ḍuko pakama tẹ arị ḅụ ḅara-siin; anịtẹso Tamụnọ ọkụrụkụrụ nyana ị́ pịrị ḅa.

Ayịzaya 55:7

Yee si-sịḅịḅio-sụapụ ma ịna ḍumo kọn ḅara mẹ ḅụ ḅara-siin, tẹ ịn ḅẹrẹ kuromarị ḅara mẹ ḍima. Yee ịn tọrụ pịkị KỊNỊNYANAḄỌ, wamịna Tamụnọ ḅe da; ori ọkụrụkụrụ nyana wararị tẹ sarama si-wẹrịsoarị.

Jerimaya 17:25

Anịtẹso amadapụ ma na amadapụ awọmẹ ma na Jeruselemu ogigo-aḅọkọ ma sọ mu ḅa ama-da opu ḅụ, Devidi nyana gberie mẹ. Ini na Juda na Jeruselemu na ḅẹ apụ ma na gbọrụ ḅụ, in kirimẹnjị-ọmụarụ ma na, asụ amẹẹ na kpọlị tẹ kẹ dọkụ ḅa, tẹ Jeruselemu mẹ tomi sakị mamgba anị ḅio ḅin ḅa.

Jerimaya 18:11

Mịọkụ ọkọ ẹrẹsị ḍuko Juda na Jeruselemu na ḅẹ apụ pịrị mịnẹ arị à kẹ ịn mị ḅẹ aị tọn-arị, tẹ ḅụụ-tẹlẹmarị fomu-ḅara kẹ ịn pịrị. Ḍuko ịn pịrị in si mịẹ ḍumo kọn dasịẹmaa — ịna etela ma na ịn mịẹarị aị ma na ḍimaa.

Jerimaya 18:8

anịtẹso anị sịẹ mẹ anị ḅẹ si ḅụ pịkị-pịkị, à ḅẹẹm à mịẹ ḅẹ ye mẹ à ḅarị mịẹ ḅịa.

Jerimaya 26:13

Ọmịnị ó ḍumo kọn-arị ḅara na ọ́ mịẹarị aị na ḍima tẹ pịkị KỊNỊNYANAḄỌ ọmịna Tamụnọ ḅe ḅịḅịpoki nyanam. Ọmịnị ọkọ mịẹm ḅẹḅẹ, ori ò kuroma ḍima ḅa, ọ̀ ḅẹẹm ori ọkị-ḅo ọmịna ọgọnọ gbana ḅa ḅẹ guluguluma mẹ gboloma ye ḅụ.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 35:16

Jonadabụ furo-ḅẹ-apụ ma ịna atẹngịḅọ sụa ịn pịrị oloko mẹ poki tẹ mịẹm, kụma ọmịnị mịna tomi ma amụ ị̀ ḅịḅịpoki-a.

Jerimaya 4:1

KỊNỊNYANAḄỌ ḅe mẹẹ: Izirẹlịapụ ọ́ pịkị ḅii ḅẹḅẹ, ọ́ pịkị ị̀ dama-ḅoo. Ọmịnị oru-afụḅara tẹ à ḍiki-ḅioḅuarị aị ma ḅelema tẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị ḅẹḅẹ,

Jerimaya 6:16

KỊNỊNYANAḄỌ ḅe ori atomi ḅẹẹm, “Ọmịnị etela ma jen-jen saḅa-ḅọrọ wararị anga mẹ ḅụ sịẹsime tẹ ḍiki. Ọmịnị elemu sakị ḅẹ mẹnjị ḅọrọ ayọ ma gbela nimii, pịkị iḅi tẹịn etela mẹ simearị anga na. Ọmịnị anị ḅụ mẹnjị, anịsakị ó dein ḅụ anga ḅa.” Kụma ini mẹ, “Ẹn-ẹn, wa mịẹ ḅịa!”

Jemụsị 4:8

Ó ḅo Tamụnọ kpekii, ori sọ ḅo ó kpeki ḅa. Si apụ, ọ́ ḅara sịkịrịị! Ọmịnị mịẹ tomi ḍie apụ, ọmịnị ọmịna aḅioḅẹngbọ wẹrị fịafịamaa!