Jerimaya 7:28 - FỊAFỊA BAỊBỤLỤ

²⁸ Í ḍuko ịn pịrị ḅa mịnẹ ịna sịẹ mẹ yẹrị ịn Nyana Tamụnọ ḅe ḅịḅịpoki-poki-a, anịanịa ịn daa tẹ fomu-ḅara ḅụ ye-ḍawọ. Ḅioḅẹngbọ kẹ ḅụụ ḅụ gbana na-iḅi ḅara sime mẹ fịtẹ. Kịnị ḅarị jen kẹ anị gboloma ye ḍuko-a.

Jerimaya 7:28 Iomraidhean Croise

Devidi-Anume 12:2

Inimgba iruo jụmọ-jụmọ pịrịarị: ịn kịnị furuma-ẹkwẹn kẹ oḅori kẹ ọrụḅọ-ọrụḅọ sịn-arị.

Devidi-Anume 50:17

Ọ́ ḍụkụ tẹ àrị ọ́ daa-karakarama-a sakị; à tọn kuroma aị ma sọ ọ́ sịkị tẹ sakị.

Egberima-Ẹkwẹn 1:7

Í nimi nyana ḅarị ḅẹḅẹ, tarị-tarị KỊNỊNYANAḄỌ ḅe mangịma tẹ ọ̀ ḅịḅị pokii. Yefieye-naa-a atomi nimi kẹ ye-sịn-a, ịn pịkị ye ḍawọ ḍụkụ-a.

Ayịzaya 30:9

Sakị mamgba ịn kọngọ kụrọma Tamụnọ pịrịarị, sakị mamgba ini iruoarị, sakị mamgba ịn ḍụkụ tẹ KỊNỊNYANAḄỌ ḅe toluma-aị ma poki-a.

Jerimaya 11:10

Ịn pịkị ịna elemu aḍapụ ma asi ma da tẹ ọḅụ kẹ ì gbin tẹ, anie ḍụkụ tẹ à ḍuko ye mịẹ-a apụ ma in sunsin oru-atamụnọ pịrịm. Ini maa apụ ma, Izirẹlị na Juda na, à kẹ ịna elemu aḍapụ ma na fị ọḅọkụ mẹ kan tẹ.

Jerimaya 17:23

Ịna elemu-aḍapụ ma poki-a anịanịa anị kẹ ye kala ye sọ sịn. Anie nakara ịn kọngọ-kụrọmam; ini ị̀ ḅịḅị poki ḍụkụ-a anịanịa ị̀ ḅara ye ḍawọ.”

Jerimaya 2:30

Arị í fomum, kụma anị gbọrụ iḅi sọ kẹ ị́ mịẹ-a. Ị́ ḍụkụ tẹ arị ị́ datụkụma-a. Í ekirearị ọkụkụ kịka tẹ ị́ ịkịankoroapụ ma ḅaa tẹ.

Jerimaya 32:33

Ini ọḅụ pịkị í gbinm; karakaraye à ye kẹ in toluma-toluma-tolumarị sọ, in poki tẹ ye ḍawọ ḍụkụ-a.

Jerimaya 5:1

Jeruselemu ḅẹ apụ, ọ́ mangị etela ma ikelemaa! Ó ḍiki ikelemaa! Ọ́ ḅarana ẹrịị! Ó bebe ogumaḅiri mẹ ḍọkị-ḍikii! Ọmịnị inetẹ gbọrụḅọ ẹrị ḅẹ ḅoto, kuraye mịẹarị ḅọ tẹ ḅụụkụrọma tẹ ḅioḅẹngbọ kẹ ḅụụ ḅụ gbana na-iḅi ḅara sime Tamụnọ pịrị-ḅọ? Í inetẹ ḅarị ḅẹḅẹ, KỊNỊNYANAḄỌ ḅe si-wẹrịso Jeruselemu pịrị ḅa.

Jerimaya 5:3

Tụkụmaye, KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi ḅara sime ḍumo ẹrị ḅẹ-ḅiiarị. Ọ̀ kụrọma ye kẹ ó fomum, kụma ọ́ bala-a; Ori ọ́ gbẹẹ-kọsịmam, kụma ọ́ ḍụkụ tẹ ye ḍawọ-a. Ọ́ kọngọ-kụrọma tẹ ọmịna asi ḅụ pịkị ḍụkụ-a.

Jerimaya 6:17

Anịtẹso KỊNỊNYANAḄỌ ḅe ama-koru owiapụ tọnm ịn ḅeri nụnụ ọdụ mẹ poki. Kụma ini mẹ, “Wa poki ḅịa.”

Jerimaya 6:28

Inimgba kọngọ-kụrọma tẹ ḅiotọn ye kịngẹ mịẹarị apụ, ojo na ikulele na kụrọ ḅara kụrọ. Inimgba ḅụrụ-kọsị wararị, mẹnjị ma ḅọrọ tẹ ịba-fị ama ikelema.

Jerimaya 6:8

Jeruselemu ḅẹ apụ, yee mịna ḅụụ-fụka ma ḅeri nụnụ ye sọ ọ́ pịrị, ọkọ-a kụma arị ọ́ kẹ gbin koroma tẹ so ḅa; arị ọmịna opu ama mẹ pịkịma-ḅo ịkpa sọma ḅa, gbọrụḅọ-sọ anga-a yọ.”

Hosiya 4:1

KỊNỊNYANAḄỌ ḅe kẹ amakiri mẹ ḅụ angarị apụ ma sịḅị sẹịn ḅẹ ḅẹrẹ nyana wararị. Izirẹlị, ọmịnị ò ḍukoarị ye pokii: “Amakiri mẹ ḅụ mininiye-mịẹ na ḅẹlẹma na ofori, tẹ tomi ma pịkị ị̀ kẹ ịna Tamụnọ ḅara ọkị-a.

Zẹfanaya 3:2

Amụ anị KỊNỊNYANAḄỌ ḅe poki-a, anịanịa ò ḅeri nụnụ fomu-ḅara mẹ daa-ọkị. Amụ anị KỊNỊNYANAḄỌ ḅe kẹ ḅiokpọma-a, anịanịa ọ̀ ḅarasụa ḅii.

Zẹfanaya 3:7

À kuromam mịnẹ anịtẹso ị̀ atomi mangịma nyana ị̀ pịrị ḅa, tẹ arị ịn da karakarama gotẹ kẹ in fomu ye mẹ daa-ọkị ḅa, mịnẹ ịn ḅarị gbala-gbala à kẹ in toluma ye mẹ kẹ ḅioḅọrọma ḅịa. Kụma ala-a ịn paa elemu ịn mịẹ-mịẹ gbọrụ ḅara mẹ mịẹarị.”