Jerimaya 7:25 - FỊAFỊA BAỊBỤLỤ

²⁵ Àrị Ijiputi ḅụ ọmịna elemu aḍapụ ma pakama-ḅo ene ọkị-ḅo mịẹ gbọrụ ene mẹ la, àrị ị̀ fịrịmẹnjịapụ ịkịankoroapụ ma kẹ ọ́ fịrịma-fịrịma-fịrịmarị.

Jerimaya 7:25 Iomraidhean Croise

2 Paka-aị 24:19

Anịsọ ori ịna ogboku ḅụ ịkịankoroapụ ọkị tẹ kẹ in fịrịmam, in pịkịma-ḅo KỊNỊNYANAḄỌ ḅe pịrị ḅẹ ḅara; mịnapụ ma ịna mịẹ-irima mẹ ḍuko in pịrịm, kụma ini anị ọkị tẹ kẹ ye mịẹ-a.

2 Paka-aị 36:15

KỊNỊNYANAḄỌ ḅe, ịna aḍapụ ma Tamụnọ ḅe, tịngị-tịngịma ori afịrịmẹnjịapụ ḅụụ ịgbanịm, gbala ọ̀ sịḅị-kụrụkụrụ nyana ori atomi na, ò sime anga na pịrịm ẹrẹsị;

Ẹzịra 9:7

Wamịna aḍapụ ma ene ma ḅụ ḅo mịmgba la, wa gburo-gburo ḅara kẹ mịẹ gbẹẹ-a aị ḅio sime tẹẹ, anịsakị wamịna mịẹ-irima ma gotẹ, wamịnị na, wamịna amadapụ na, wamịna agbamịẹapụ na, mu ama mẹ ḅẹ amadapụ ma ḅara na, okologie na, kun-ḅara na, kụrọ-ḅara kẹ ye fọịn-ọkị na, mịẹḅẹ-ọkụ-ofori ḅẹ ḅụụ-jịrị na ḅio sọm, mịmgba ḅụ sọ wa paa simearị ḅara.

Nehimaya 9:26

“Anịsọ in ḅịḅị poki-a, tẹ sịḅị kụrọma ị́ pịrịm, tẹ ị́ oloko kẹ ịna ọḅụ gbin koromam. Ini ịkịankoroapụ ma tẹ ịn pịkị-ḅo ị́ pịrị ḅẹ apụ ma ḅaam tẹ gburo-gburoma ḅịḅị kẹ ị́ lamam.

Nehimaya 9:30

Ị́ tọnwa kụra kẹ inoma fị in pịrịm, tẹ ị́ ịkịankoroapụ ḅụụ ḅụ ị́ Tẹmẹ kẹ fịrịmatẹ ịna ḅeri nụnụm. Anịsọ in poki-a. Anịẹrẹsị ị́ ịn kẹ ama ma ḅio ḅẹ atomi ma ḅara-ḅio sunm.

Ayịzaya 5:4

Anị ḅio mịẹ na-iḅi aị mamgba à mịẹ tẹẹ. Anịtẹso tiye ẹrẹsị anị aka-ḅumarị mgbọlụ sụa tẹ ḅarị yẹrị ḅiiarị iḅi mgbọlụ ma sụa-a?”

Jerimaya 11:7

Àrị Ijiputi ḅụ ịna elemu aḍapụ ma pakama-ḅo sakị, à tẹmẹ-la ḅara kẹ ịna aḅeri nụnụ-nụnụ nwenii ḅo mịmgba lam.

Jerimaya 25:3

“si tẹra akụra finji ḅụ, Josaya, Amọnị tụḅọ ḅe Juda da tẹ oyi tẹrẹị finji karama kụra ḅụ ọkị-ḅo mịmgba la, KỊNỊNYANAḄỌ ḅe ẹkwẹn ị̀ pịrị tẹẹ, amụ à pịkị gbarị-a gbala-gbala, ori ị̀ ḅẹẹ ye ḍuko ọ́ pịrị ḅụ. Kụma ọ́ kẹ ye-sịn-a.

Jerimaya 25:4

Ó poki ḍụkụ-a, anịanịa kẹ ye-sịn, karakaraye KỊNỊNYANAḄỌ ḅe ori afịrịmẹnjịapụ, ịkịankoroapụ ma kẹ fịrịma, siin fịrịma tẹ sọ.

Jerimaya 29:19

Miemẹ ịna ḅụ paka ḅa ini arị ị̀ fịrịmẹnjị ịkịankoroapụ ma ḅụ ḅọrọtẹ kẹ ịn fịrịma-fịrịma-fịrịmarị oku mẹ poki tẹ mịẹ-a ẹrẹsị. In poki ḍụkụ-a.

Jerimaya 35:14

Jonadabụ furo-ḅẹ-apụ ma ọ̀ sụa ịn pịrịm ini iru ḅuu ma nwẹn ḅẹẹ oloko mẹ kokoarị, tẹ ḅo mịmgba ḅẹ ene mẹ la sọ ịna ḅụ gbọrụḅọ-sọ gbọrụ iru sọ ḅuu-a. Kụma yẹrị ẹkwẹn, siin ẹkwẹn ọ́ pịrịarị, tẹ ọmịnị ị̀ ḅịḅị poki-a.

Jerimaya 35:15

Àrị ịkịankoroapụ ị̀ fịrịmẹnjịapụ ma kẹ sịkọpẹlẹ-a ḅara kẹ ọ́ fịrịmarị, tẹ in ḍuko ọ́ pịrịarị ọmịnị ọmịna si etela ma ḅụ ḅara-siin tẹ kuraye mịẹẹ. Ini ọmịna aḅeri nụnụm mịnẹ ó sunsin oru-atamụnọ pịrị ma, pịkị fịrịmẹnjị arị pịrị ma, pịkị fịrịmẹnjị arị pịrị ma, mịẹ tẹ ọ́ mị amakiri mẹ tẹ à kẹ ọmịnị na ọmịna atẹngịapụ pịrị ye mẹ ḅụ anga tọrọkọ-tọrọkọ mu ḅẹ ḅara. Kụma ọmịnị ì poki ḍụkụ-a anịanịa ị̀ kẹ ye-sịn.

Jerimaya 44:4

Àrị ị̀ afịrịmẹnjịapụ ịkịankoroapụ ma kẹ ịn fịrịma-fịrịmam, anie mịẹ ḅalafama ye mẹ tẹ à ḍiki-ḅioḅuarị ye mẹ ḍuko ọ́ pịrị apụ ma.

Jerimaya 7:13

Ọ́ mịna asi mamgba mịẹ tẹ, karakaraye arị ẹkwẹn ọ́ pịrị, pịkị siin ẹkwẹn ọ́ pịrịm sọ, ọ́ ḍụkụ tẹ poki-a. Àrị ọ́ sịn sakị ọ́ pakịrị-a.

Izikẹlị 2:3

“Fịị-fịị tomḅọ, arị ị́ kẹ Izirẹlị ḅẹ apụ fịrịmarị. Ịn kọngọ-kụrọma tẹ pịkị tẹ ị̀ na tụḅụrụ tẹẹ, tẹ mịọkụ sọ ini paa kọngọ-kụrọma-apụ, anie ịna elemu-aḍapụ ma sime gbọrụ ḅara mẹ.

Hosiya 11:7

Ini ịgbanịarị ini ị̀ ḅụ pịkị so. Ịna kọngọ jịjịmarị kọngọ-kpọ-sịn mẹ gotẹ ini oloku pakama ḅa, kụma gbọrụḅọ-sọ anị saakị sin ịn pịrị ḅịa.

Hosiya 12:10

“Àrị ẹkwẹn ịkịankoroapụ ma pịrị tẹ tọnwa ịkịan kẹ in ḍiem, tẹ ịkịankoroapụ ma ḅụ mie à ḅọrọ tẹ tọnwa ḅeri nụnụ aị kẹ ị̀ atomi pịrị ye.

Emọsị 2:11

Àrị ọmịna owiapụ ḅẹ ja apụ sẹlẹ-ọkị tẹ ini ịkịankoroapụ sọm, tẹ ọmịna asawọ ḅẹ ja apụ kẹ Nazarẹtị (anie sime Tamụnọ pịrị apụ) sọmam. Izirẹlịapụ, miemẹ karakaraye-a? Yẹrị KỊNỊNYANAḄỌ ḅe ọkọ ḅẹẹm.

Malakayị 3:7

Ọmịna elemu aḍapụ ma tẹ ọmịna tọrọkọ paka apụ ma kịka ḅụ, ọmịnị ì oloko ma ḅụ pịkị-so tẹ ḅarị arị koko-a. Ọ́ pịkịma ị̀ dama-ḅoo, tẹ à tọrụ-pịkị ọ́ da ḅa. Kụma ó gbelarị, ‘Ndẹẹ wa mịẹ na-iḅi ye, pịkịma ị̀ dama-ḅo ḅụ?’

Luku 11:49

Miemẹ gotẹ Tamụnọ amịna Nimi ḅụ ḅẹẹm, ‘Àrị ịkịankoroapụ na oku-mẹnjịapụ na kẹ fịrịma ḅa; ini ịna ḅụ ḅẹ ja apụ ḅaa ḅa, tẹ pịkị ḅaa-ḅọkọ kẹ ja apụ ḍọkị ḅa.’

Ditẹrọnọmị 9:7

Ọ́ sịḅị-kụrọma kụrọma KỊNỊNYANAḄỌ ḅe pịrịm ọmịnị Ijiputi ḅẹ ama ḅio paka-ḅo ene, nwenii ó ḅo mịanga la sakị la, ọ́ kẹ ịkpa mẹ ḅio KỊNỊNYANAḄỌ ọmịna Tamụnọ ḅe ịganị sịn saakị tẹ ori ịganị ḅara kẹ ḅiokoroma tẹ anị kẹ ḅioḅọrọma ma.