Jerimaya 7:22 - FỊAFỊA BAỊBỤLỤ

²² Àrị Ijiputi ḅụ ọmịna elemu aḍapụ ma pakama-ḅo sakị à dọkịma-agba gboloma aị tọn koroma ịn pịrị-a, anịanịa osi kịrị-kịrị agba ma.

Jerimaya 7:22 Iomraidhean Croise

Devidi-Anume 40:6

Ị́ agba mịẹ-mịẹ ị́ pịrị na, ḍiepịrị-aị na ḅii-a; bebe ḅara kẹ agba mịẹ anga ḅụ dọkịma ị̀ pịrị ḅẹ anama sọ í ḅii-a; anịanịa si siin ḅẹ agba mịẹ-mịẹ ị́ pịrị; anie nakara í ḅeri kẹ ị̀ pịrị tẹ à kẹ ị́ naa,

Jerimaya 32:30

Izirẹlị na Juda na ḅẹ apụ ma ḅẹ tarị suku ḅụ saakị kụra ḅio ini ì ḅioḅẹngbọ sima tẹ ị̀ ịganịma tẹ ịn mịẹ tẹ aị ḅụ.

Hosiya 6:6

Àrị ọmịna ḅara ḅiiarị ye sakị mamgba emi ḅẹlẹma, nama agba-a. À ḅiim ị̀ atomi ị̀ nimi, dọkịma-agba mịẹ-mịẹ ị̀ pịrị-a.”

Matiyo 9:13

Ó mu mị Fịafịa Ḍiri mẹ ḍuko ye mẹ fiearị ye ḍọkị-nimii, ‘Iḅi anga kẹ tomi na kọn mie à ḅiiarị ye, nama kẹ mịẹ agba-a.’ À tomi kẹ ye sịn-arị apụ sịn ḅụụ pịrị ḅẹ ḅo-a, kụma tomi sịkịtẹ apụ.”

Makị 12:33

Anịsakị tomḅọ amịna ḅioḅẹngbọ mẹmgba, amịna kuroma mẹmgba, amịna ịnyọ mẹmgba kẹ Tamụnọ ḅẹlẹmaa; pịkị mḅọ amịna ḅụụ ḅẹlẹma ḅara kẹ mḅọ pembe tomḅọ ḅẹlẹmaa. Mịna maa oloko ma poki tẹ mịẹ kụrọ nyana nama na jaị na kẹ mịẹ Tamụnọ pịrịarị agba ma nẹngịm.”

Ditẹrọnọmị 17:3

tẹ mu tẹ fịrịmẹnjị oru-atamụnọ, anịanịa ịrụa mẹ, anịanịa akalụ mẹ, anịanịa, ḅẹẹye-ḅẹẹye tẹ So-ḅio sime ye tẹ à tọn-tọn-aị ma pịrị tẹ sunsin ịn pịrị,

1 Samụẹlị 15:22

Samụwẹlị nwẹnị ḅẹẹ, “KỊNỊNYANAḄỌ ḅe ọ̀ ḅịḅịpoki ḅụ nyana gburo-gburotẹ tọrụ-ḅẹlẹ na gbasị ye, nyana dọkịma-agba na, agbamịẹ-aị na emi? Ḍikii, ḅịḅịpoki iḅi agbamịẹ nẹngịm; anịsakị ḍukoye naa iḅi ejimina ḅẹlẹkị nẹngịm.