Jerimaya 7:21 - FỊAFỊA BAỊBỤLỤ

²¹ Ì atomi, ọmịna agba ma ḅẹ jaị ọ́ dọkịma famarị agbamịẹ-anga ọgọnọ ḅụ, tẹ ọ́ mịẹ-mịẹ ḅara ḅụ, jaị ḅụ ọmịnị anga fịarị. Kụma yẹrị KỊNỊNYANAḄỌ ḅe mẹẹ mịnẹ mimgbe ọ́ gbọrsịḅị arịmgba fị fama ḅarị ya.

Jerimaya 7:21 Iomraidhean Croise

Devidi-Anume 50:8

Àrị ọmịna agba ma gotẹ ó ḍiki-ịganị-a, tẹ sakị mamgba ọ́ dọkịma-dọkịma ị́ pịrịarị agba ma sọ à gotẹ ó ḍiki-ịganị-a.

Ayịzaya 43:23

Anana kẹ mịẹarị dọkịma-agba mẹ í ọkị-ḅo ị̀ pịrị-a; ị́ ị́ agba ma kẹ ị̀ kụn-a, À ḍiepịrị-aị ịgbanị ikuye kẹ ó ponoma-a anịanịa kụnụaị ḅii-ḅii-ḅii kẹ ịnyọ kẹ ị́ tama-a.

Jerimaya 14:12

In ḅuru-ịmọ sọ, ịn ḅarasụa gotẹ kọn-arị owu mẹ à poki ḅịa; ịn dọkịma-agba na mgbọlị fịye agba na mịẹ-mịẹ ị̀ pịrịarị sọ, ịna mịẹ ye ị̀ ḅụụ-ḅẹlẹ ḅịa. Anie nakara, arị ịn ḅaa ḅa ọmụ ḅio na, ḅuru-ḅa na obi na ḅụ.”

Jerimaya 6:20

Sẹba ḅụ ini ọkị-ḅo ị̀ pịrịarị kụnụaị dọkịma aị ma à kẹ tiye mịẹ ḅẹ, anịanịa sụma-jụ ḅẹ amakiri ḅụ ḅo kụnụaị ma? Ịn kẹ ḅoarị ḍiepịrị-aị ma à da ḅịa, anịanịa ịna agba ma ị̀ ḅụụ-ḅẹlẹ aị sọ.

Izikẹlị 33:25

“Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, ḍukoarị ye ḍuko ịn pịrị: Ọmịnị paa ọmbie nyana wararị nama pẹịarị. Ó sunsin oru-afụḅara pịrịarị. Ọ́ kịnị ḅaarị. Tiye ọ́ mịẹ tẹ ó kuromarị mịnẹ amakiri mẹ sime ọ́ pịrịm?

Hosiya 8:13

Ini agbamịẹ-mịẹ ị̀ pịrị tẹ arịḅẹ nama mẹ pẹịarị. Kụma yẹrị KỊNỊNYANAḄỌ ḅe, ịna mịẹ ye ḅẹlẹma-a, tẹ mịọkụ arị ịna si kẹ ḅiokoroma tẹ anị gotẹ in fomu ḅa; arị ịn kẹ pịkị Ijiputi fịrịma ḅa!”

Ditẹrọnọmị 12:27

tẹ meni mẹ na, ọmbie mẹ na kẹ ọmịna dọkịma agba mịẹ ḅa KỊNỊNYANAḄỌ ọmịna Tamụnọ ḅe agbamịẹ-anga mẹ ọgọnọ; ọmịna agba ma ḅẹ ọmbie mẹ ọmịnị anị kẹ KỊNỊNYANAḄỌ ọmịna Tamụnọ ḅe agbamịẹ-anga mẹ ọgọnọ sara ḅa, kụma meni mẹ ọmịnị inetẹ pẹị ḅa.