Jerimaya 7:20 - FỊAFỊA BAỊBỤLỤ

²⁰ Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 7:20 Iomraidhean Croise

2 Amadapụ 22:17

Kẹ gotẹ ọkọ ḅẹẹarị, ini ị̀ sịkị tẹ kụnụaị dọkịma tẹ kẹ oru-atamụnọ pịrị tẹẹ, mịẹtẹ ịn ḅara kẹ mịẹ aị ḅụ ini ị̀ ḅụụ ịganị saakị ḅẹ ḅara, ọkọẹrẹsị ị̀ ịganị mị yọ mẹ ḅụ saakị ḅa, tẹ biin ḅịa.’

Ayịzaya 10:17

Tamụnọ, Izirẹlị bele ḅe, ḅo kọrị-fịnị sọ ḅa. Izirẹlị tẹkẹarị Fịafịa Tamụnọ ḅe ḅo fịnị ḅẹlẹ sọ tẹ kpọkpọ gbọrụ ene ḅaka ḅụ ye goyegoye dọkịma siin ḅa, jen-a jen-a nangị ma ọmị ma na.

Ayịzaya 42:25

Mie ḅụ ori ịganị ḅẹ kụrọ wamịna ḅụ ịnọm tẹ wa ọmụ kụrọ-ḅara ḅẹ tọrụsiẹrị ẹrịm. Ori ịganị fịnị kịka tẹ kọrị Izirẹlị ikelemam, kụma gbala-gbala paka sime ye tiye-o tiye-o wa nimi-a; anị ḅụ wa ḍawọ ḅo gberie-sọ ofori.

Ayịzaya 66:24

In soarị sakị ịn fịtẹ-apụ ma oju akpakpa ma ẹrị ḅa, anie kọngọ-kụrọma ị̀ pịrị ḅụ fịtẹ-apụ ma aḍụẹịn ma. Arị pẹịarị angule ma gbala-gbala ịn fịị ḅịa, tẹ ịn dọkịmarị fịnị mẹ sọ gbala-gbala in biinma ḅịa. Tọrụngbọ kẹ ini ẹrị mẹ tomikiri ḅẹ atomi mamgba ḅụ kpọma sii ḅa.”

Jerimaya 11:16

Gbọrụ sakị ḅụ àrị ịnyịnya sụa sara wararị olivu-sịn kẹ ịn sịnm, iḅi tẹ mgbọlụ sụa ḅinma wararị ye; kụma mịọkụ so-alagba ḍụrụkụ ḅara, àrị anị ḅẹ ịnyịnya ma ḅụ fịnị sụa tẹ anị ḅe aḅara ma anyịma ḅa.”

Jerimaya 12:4

Wamịna amakiri mẹ samụnọ mu tọ sakị la ḅẹ, tẹ ḍụọ ma ḅio mamgba nama fị ḅẹ osuka mamgba kpatụ fama ḅẹ? Nama ma na feni ma na fịịarị wamịna ama ḅẹ apụ ma si-sịḅịḅio ẹrẹsị, anie ḅarị apụ ma, “Wa mịẹarị aị ma Tamụnọ ẹrị-a.”

Jerimaya 14:16

Ịn mịna aị ma ḍuko pịrịtẹ apụ ma sọ anị gbọrụ ḅọkọ mẹ ḅụ ḅọrọ tẹ fịị ḅa. Ini ịna oju-akpakpa ma kẹ Jeruselemu ḅẹ etela ma ḅụ gbin koroma tẹ àrị ḍiḅi ḅẹ gbọrụḅọ, sọ paka ḅịa. Miemẹ inimgba ḅụ paka ḅa ịna sime-ereme na, ịna owiapụ-awọmẹ na, ịna eremịna-awọmẹ na, kẹ sụa. À mịẹ tẹ ini ịna si-sịḅịḅio-sụa saa mẹ gbẹẹ ḅa.”

Jerimaya 17:27

Kụma ini ị̀ ḅịḅịpoki nyanam, tẹ Ịnyọsara-Ene mẹ kẹ fịafịa ene ḅara wẹrị. Gbọrụ ikuye sọ in dogi Jeruselemu ogigo-aḅọkọ ma sọ mu nyana-a anị ene mẹ ḅụ, kẹ gotẹ ọkọ ḍukoarị, ịn mịẹ-mịẹ à fịnị kẹ Jeruselemu ogigo-aḅọkọ ma ḅụ sụa ḅa. Fịnị Jeruselemu ḅẹ amada-awarị ma dọkịma kiri gbin ḅa, tẹ gbọrụḅọ-sọ inetẹ anị biinma ḅịa.”

Jerimaya 17:4

Ọmịnị à kẹ ọ́ pịrị amakiri mẹ ḅụ ḅara-siin nyanam, tẹ àrị ọ́ mịẹ tẹ ọ́ fịrịmẹnjị si kẹ ọ́ tọn apụ ma pịrị ḅa, ọmịnị anị gboloma gberie sọ nimi-a amakiri ḅụ, ị̀ ịganị ẹrẹsị, anị fịnị kịkarị, tẹ kọrị gbamaso ḅa.”

Jerimaya 18:23

Kụma KỊNỊNYANAḄỌ, ini ị̀ ḅaa ḅẹ gotẹ ḅiya aḅẹrẹ mamgba í nimi wararị. Ịna si mẹ kẹ ḅioḅọrọma ma anịanịa ịna si-wẹrịso. Ịn kẹ kiri gbin owu-ḅara-sii ḅụ, tẹ ị́ ịganịarị ogbo ị́ kẹ ini na mịẹ ḅẹ ḅara kẹ ini na mịẹẹ.”

Jerimaya 21:12

Yei Devidi warị, mie KỊNỊNYANAḄỌ ḅe ḅẹẹ ye: ‘Ọmịnị aḍụa ofori ḅẹrẹ kọọn, ene mamgba; ọ́ jụmọ ponomarị ḅọ mẹ pụkọ-pakamaḅo mḅọ inomarị ḅọ ḅara-ḅio ḅụ. Ọkọ-a kụma ì opu ịganị fịnị kịka tẹ kọrị paka ḅa ọ́ mịẹ tẹ siye mẹ ẹrẹsị — anị kọrị tẹ biinma ḅẹ ḅọ paka ḅịa.

Jerimaya 42:18

“KỊNỊNYANAḄỌ ḅe, Izirẹlịapụ tẹkẹarị Tamụnọ ḅe mẹẹ, ‘Ị̀ ịganị na ì owi-ịganị na ọsụma Jeruselemu ḅẹ apụ ma ọgọnọ sara gbọrụ ḅara mẹ, mie ì owi-ịganị ọsụma ọmịnị Ijiputi muarị apụ ma ọgọnọ sara ḅarị ḅara. Ọ́ sịḅị-kanakanama ye sọ ọmịnị ẹrịḅọ-ẹrịḅọ pịrị ḅa, tomi ḍiki-iderima ḅara kẹ ọmịnị na mịẹ ḅa, tẹ ọmịna ẹrẹ kẹ ye karị ḅa. Ọ́ ḅarị jen kẹ mị yọ ẹrị ḅịa.’ ”

Jerimaya 44:6

Mie ḅụ arị ị̀ ịganị na ì owi-ịganị na ọsụma Juda ḅẹ ama ma na Jeruselemu ḅẹ etela ogbo ma na ọgọnọ sara tẹ fịnị kẹ arị ḅụ sụam. Arị kan-sara sime tẹ sịḅị-kanakanama ye sọ ḍiki apụ pịrịm, ḅo mịmgba la sọ arị simearị ḅara mẹ.

Jerimaya 6:11

KỊNỊNYANAḄỌ, ị́ ịganị tẹ sime ịn pịrị ye mẹ, ị̀ ḅụụ ḅio sọ fịnị kọrị ḅara kọrịarị, tẹ à ḅarị inetẹ jen kẹ anị ọlọ-sịẹma-a.” Anịtẹso KỊNỊNYANAḄỌ ḅe ị̀ ḅẹẹm, “Ị̀ ịganị mẹ ọsụma etela ogbo ma ḅụ simearị awọmẹ ma ọgọnọ sara-a, pịkị asawọ ma tẹ kobiri wararị apụ ma ọgọnọ sọ. In diapụ na sime-ereme na ọkị-so ḅa, tẹ omongi lamatẹ apụ kịngẹ sọ ịn wẹrịso ḅịa.

Jerimaya 6:12

Ịna awarị ịn kẹ ja apụ pịrị ḅa, anie ịn pịkị kẹ ịna ḍụọ kọrị akiri na ịna sime-ereme na kẹ mịẹ ḅarị ḅara. À fomu-ḅara kẹ mị amakiri ḅẹ apụ ma pịrị ḅa.

Jerimaya 8:13

“À ḅiim à tomḅọ fịaị soku sakị ò soku aị kobiri ḅara kẹ ì atomi kobiri, kụma mgbọlụ sụa-a kụrọ-sịn mie ịn kịkarị, gbala ịla sịn tẹ ịla mgbọlụ sụa ye ọkụ. Ọkọ ẹrẹsị à minini anị gboloma-a apụ pịrịtẹ ini amakiri mẹ ọkị ịna nye sọmaa.”

Kururu Owu-apọkọ 4:11

KỊNỊNYANAḄỌ ḅe ọ̀ kụrọ ịganị ịḅụkụ mẹ finji koromam, ori ori ọfịrị ịganị mẹ sara pakamam; Tẹ ọ̀ Zayọnị ḅụ fịnị kẹngẹma saram, aniemẹ tẹ anị ḅẹ sukutarị-ḍụḅarị dọkịma ye mẹ.

Izikẹlị 22:22

Jeruselemu ḅio in sime tẹ sanị ḅa, anie ye fọị tẹlẹma opu fịnị ḅio seleḅa sanịarị gbọrụ ḅara mẹ, anị tẹso, in nimi ḅa mịnẹ KỊNỊNYANAḄỌ ḅe ịganị mẹ ịna ḅụụ ịnọarị.”

Izikẹlị 7:12

Sakị mẹ ḅoarị. Eneḅaka mẹ ḅo kpekitẹ, fẹ na dẹrị na ḅarị fie ye nyana ḅịa sakị mẹ, Tamụnọ gbọrụ ḅara kẹ ḅo fomu-ḅara kẹ ḅẹḅọ-ḅẹḅọ pịrị ḅẹ ẹrẹsị,

Izikẹlị 7:14

Ọdụ mẹ fiearị, tẹ ḅẹḅọ-ḅẹḅọ ḅụụ-tẹlẹmarị. Kụma paka ọmụ muarị gbọrụḅọ-sọ ofori, Tamụnọ ịganị gbọrụ ḅara kẹ ọrụḅọ-ọrụḅọ ọgọnọ gbana ḅa gotẹ.

Danẹlị 9:11

Izirẹlị mamgba í oloko ma kan tẹ ḍụkụ tẹ í ḍuko ye poki-a. Wa si kẹ ị́ mịẹm, tẹ anie ḅụ í wori-anume ma tẹ Mozizi, ị́ fịrịmẹnjịḅọ kẹ koroma aị ọkị-ḅo wamịna ọgọnọ gbanam.

Lẹvitikọsị 26:28

anịrẹ owi ịganị ḅụ arị ọmịnị na tụḅụrụ ḅara mẹnjị ḅa, tẹ ọmịna asi gotẹ ḅarana arịḅẹ sọnọma akiri kẹ ó fomu ḅa.

Nahọmụ 1:6

Tụḅọ inetẹ ye ọ̀ ḅụụ-ḅẹsọ tẹ ọ̀ tọrọkọ sịẹsime ḅẹ? Tụḅọ inetẹ ori ịganị mẹ ḅẹ ọfịrị mẹ inema ḅẹ? Ọ̀ kụrọ ịganị fịnị ọsụma paka ḅara pakam, tẹ ori ịkụ ma kẹ pakịrị-pakịrị puu-puu saram.

Zẹfanaya 1:2

KỊNỊNYANAḄỌ ḅe ḅẹẹm, “À kiri ọgọnọ sime-ye sime-ye guluguluma ḅẹ-yearị,

Zẹfanaya 1:3

tomi mamgba na nama amẹẹ na, feni ma na inji na. À mịẹ tẹ si-sịḅịḅio-sụapụ ma ḅịkị ḅa. À tomi mamgba ḅaa guluguluma ḅa, tẹ fịị-a so ḅẹ ḅọ paka ḅịa. Yẹrị KỊNỊNYANAḄỌ ḅe ọkọ ḅẹẹm.”

Zẹkaraya 7:12

tẹ ịna aḅioḅẹngbọ mịẹ tẹ arị ịkụ kụrọ ḅara kụrọm. Ini iḅere-iḅerea kụra ḅio ḍumo sime ịkịankoroapụ ma ḅụ ḅọrọ tẹ kẹ ịn fịrịma tolumaye mẹ poki ḍụkụ-a ẹrẹsị, à kpọma ịganịm.

Malakayị 4:1

Kụrọmamgba nyana KỊNỊNYANAḄỌ ḅe ḅẹẹarị, “Gbọrụ ene ḅụ, ḅụụ-gelemarị apụ ma na si-mịẹapụ ma na asịra dọkị ḅara kẹ dọkị ḅa. Anị ene mẹ ḅụ, ịn dọkị faa ḅa, tẹ gberie-sọ ịna ḅụ kọọn ḅịa.

Matiyo 3:12

Ọ̀ ḅara ḅụ ọ̀ kẹ ẹsịma saratẹ mbịaka gugu ḅẹ ye-guguye emii. Ò gugu famatẹ ḅẹḅẹ ọ̀ fị na-iḅi mbịaka mgbọlị ma tan mu fịye koko anga ḅụ suu wẹrị ḅa, tẹ fun ma tan mu biin-biin-a kọrị fịnị ḅio dọkịma ḅa.”

Mịẹfinji 14:10

mḅọ ḅarana Tamụnọ iru mẹ ḅuu ḅa, anie ori opu ịganị mẹ ḅẹ iru mẹ, tẹ ọ̀ kẹ ori ịganị mẹ ḅẹ kọpụ mẹ ḅio, gwa-a ḅara, kẹ sụa ḅinma wararị ye mẹ. Miemẹ mịẹ apụ mamgba kọrị fịnị na ịn kẹ sọlụfọ sịn-arị ḍụḅarị mẹ na ḅụụ-fụka da ḅa, Tamụnọ fịafịa enjẹlị ma na Anana Tụḅọ ḅe na tọrọkọ ḅụ.