Jerimaya 7:2 - FỊAFỊA BAỊBỤLỤ

² Mie KỊNỊNYANAḄỌ warị mẹ ḅẹ ogigo-ḅọkọ sịẹ tẹ mịẹ oku mẹ ḍuko-wasamaa. Ọmịnị Juda ḅẹ apụ mamgba tẹ mịna ogigo-aḅọkọ ma ḅụ ḅọrọ ḅo sunsin KỊNỊNYANAḄỌ ḅe pịrị apụ, ọ́ KỊNỊNYANAḄỌ ḅẹ ẹkwẹn mẹ naa.

Jerimaya 7:2 Iomraidhean Croise

1 Amadapụ 22:19

Mayịkaya nwẹnị ḅẹẹ. “Ọkọẹrẹsị KỊNỊNYANAḄỌ ḅe ẹkwẹn-ḅịḅị mẹ naa: À KỊNỊNYANAḄỌ ḅe ẹrịm ori ori emine ọgọnọ ḅụ lẹgị sime wararị, tẹ So-ḅio simearị apụ mamgba ori ama-ḅara na ori ere-ḅara anga na ḅụ sịẹsime wararị ori akaka ḅụ:

Devidi-Anume 122:2

Tẹ mịọkụ wa mịanga emi, Jeruselemu ogigo-aḅọkọ ma ḅụ ḅọrọ sọ mu tẹ sịẹsime wararị.

Ayịzaya 1:10

Jeruselemu, í ḅio ḅụ ḅẹrẹtọn-arị apụ na ị́ atomi na ịn Sọdọmụ na Gomora na ḅẹ apụ na kịka tẹ. KỊNỊNYANAḄỌ ḅe ḍuko ị́ pịrịarị ye poki. Wamịna Tamụnọ ḅe kẹ í tolumarị ye kẹ ye-sịn.

Jerimaya 10:1

Izirẹlịapụ, ọ́ KỊNỊNYANAḄỌ ḅe nyana ọ́ pịrị oku pokii,

Jerimaya 11:6

Anịtẹso KỊNỊNYANAḄỌ ḅe nwẹnị ị̀ ḅẹẹ, “Juda ḅẹ opu ama ma na Jeruselemu etela-ogbo ma na muu. Ì oku mẹ ḍuko wasama arị anga ḅụ, tẹ ḍuko tomi ma pịrị tẹ ini ọḅọkụ mẹ sịẹ pịrị aị ma poki.

Jerimaya 19:14

Anịtẹso à Tofẹti koroma-som, anie KỊNỊNYANAḄỌ ḅe ị̀ fịrịmam à mu ori oku ḍuko wasama ḅẹ anga mẹ, tẹ mu Tamụnọ-warị mẹ ogigo ḅio sịẹsime tẹ ḍuko kịnị mamgba pịrịm

Jerimaya 2:2

à mị oku mẹ ḍuko wasama ḅẹḅọ-ḅẹḅọ pịrịị Jeruselemu ḅụ: Ị́ ịwọ sakị ḅụ í ḅioḅẹngbọ-kẹ-sịrẹrẹ-niḅi ḅara simem mẹ, à kẹ ḅiokoromarị, wa tarị simearị simearị ị́ kẹ ị̀ ḅẹlẹma ḅara mẹ, í ì ḍuka ịkpa mẹ ḅio mẹnjị ḅọrọ ḅara mẹ, kịnị amụ ye ḍiḅi-a kiri mẹ ḅụ tolu-ḅọrọ.

Jerimaya 2:4

Ọmịnị Jekọbụ ọrụ ḅụ iyi apụ, ọmịnị Izirẹlị ḅẹ furo, ọ́ KỊNỊNYANAḄỌ ḅe oku mẹ pokii.

Jerimaya 26:2

KỊNỊNYANAḄỌ ḅe ị̀ ḅẹẹm, “Tamụnọ-warị mẹ ḅẹ ogigo mẹ ogboku sịẹsime tẹ à tọn ị́ pịrị tẹ í ḍuko ḅẹ aị mamgba ḍuko wasama Juda ḅẹ ama ma ḅụ sime tẹ ḅo sunsin Tamụnọ pịrị ḅẹ apụ ma pịrịị. Gberie-sọ siin ma.

Jerimaya 28:5

Anịtẹso agbamịẹapụ ma na tomi mamgba tẹ anị jụ sịẹsime-sime apụ na tọrọkọ Tamụnọ-warị mẹ ḅio, arị Hananaya ḅẹẹm:

Jerimaya 34:4

Zẹdẹkaya í gboloma ye tẹ à ḍuko ị́ pịrịarị ye pokii. Ini ọmụ ḅio ị́ ḅaa ḅịa.

Jerimaya 36:10

Anịtẹso, tomi mamgba pokiarị ogbo, Baruku in-ikoarị-abịlala mẹ ḅio sime ye goyegoye, tẹ àrị ọ̀ ḅẹ ye mẹ gom. Tamụnọ-warị mẹ ḅio ò miemẹ mịẹm, Gemaraya, Safani tụḅọ ḅe ḅio mẹ ḅụ, anie ama-da warị mẹ ḅẹ ḍiri-kẹẹḅọ ḅe ḅio ḅụ. Ò ḅio mẹ, ama-da warị mẹ ḅẹ ọgọnọ-jụ ḅụ Tamụnọ-warị mẹ ḅẹ Ịwọ Onu-ḅọkọ mẹ tolu-sọ anga mẹ kpekim.

Jerimaya 36:6

Kụma à ḅiiarị jen sakị tomi ma ḅuru-ịmọarị sakị ị́ anịanga mu. Ị́ mịẹ ḅarịye, in-ikoarị-abịlala mẹ ḅio sime ye mẹ go ịn pịrị gele pọkọ ḅụ, mịẹ tẹ KỊNỊNYANAḄỌ ḅe ị̀ ḅẹ tẹ à ḍuko tẹ ị́ kẹẹ ye goyegoye ịn naa ḅarị ḅara, Juda ḅẹ apụ tẹ ịna ama-ama ma ḅụ sime ḅo apụ ma sọ ịna ḅụụ sọ tẹ naa.

Jerimaya 44:24

Anịtẹso Jerimaya kịnị mamgba ḅẹẹm, ereme sọ ịna ḅụ simem, “Ọmịnị Juda ḅẹ apụ tẹ Ijiputi ḅụ simearị apụ, ọ́ KỊNỊNYANAḄỌ ḅe ẹkwẹn naa.

Jerimaya 7:1

Mie KỊNỊNYANAḄỌ ḅe ḅara ḅo Jerimaya pịrị ẹkwẹn mẹ,

Izikẹlị 37:1

KỊNỊNYANAḄỌ ḅe kụrọ kẹ ị̀ ḅụụ ḅio sunm, tẹ nwẹnị ị̀ ọkị mu gbọrụ tụndụ suku koroma, anie mgbe-mgbe-mgbe kiri mẹ gbaịn wararị anga mẹ.

Hosiya 5:1

“Ó miemẹ pokii, ọmịnị agbamịẹapụ! Izirẹlịapụ, ó ḅeri-tokolomaa! Ó pokii, ọmịnị amada-furo mẹ ḅẹ apụ! Kịnị ọmịnị inoma ofori ḅẹrẹ kọn ḅẹ tọrụ kẹ ó ḍikiarị — mie ḅụ ḅẹrẹkọn ọmịnị ọgọnọ gbana ḅa! Ó tuu wararị ọnya sọ wararị Mizipa ḅụ, sụa ịgbọ Tabọ Tụndụ ọgọnọ ḅụ,

Emọsị 7:16

Mie ḅụ mịọkụ KỊNỊNYANAḄỌ ḅe ḍukoarị ye pokii. Ị́yẹrị ị̀ ḅẹẹarị à ḅarị ịkịan koro ma, tẹ maa-tọrụsụaḅọ ḅara kẹ ẹkwẹn Izirẹlị ḅẹ apụ pịrị dasịẹmaa.

Mayịka 1:2

Ọ́ naa ọmịnị Izirẹlị na, Juda ḅẹ apụ mẹmgba na; Ó ḅeri-tokoloma tẹ pokii, yei tomikiri na anị ḅio sime apụ mamgba na; anịsakị Kụrọmamgba Nyana Tamụnọ ḅe ḅẹrẹ-kiri sime ḅọ sọ ọmịnị ẹngbẹsẹ ḅa. Ó pokii, So-ḅio ọ̀ fịafịa sime anga ḅụ ori ẹkwẹn-arị.

Mayịka 3:1

Ó pokii ọmịnị Izirẹlị ḅẹ sịḅịdapụ na, Izirẹlị ḅẹ awarị ma ḅẹ ḅẹrẹtọn-apụ na! Ọ́ karakara ḅẹrẹkọn nimi na-iḅi-a?

Mayịka 3:9

Ó miemẹ naa, ọmịnị Izirẹlị ḅẹ sịḅịdapụ na, Izirẹlị ḅẹ awarị ma ḅẹ ḅẹrẹtọn apụ na, tẹ karakara ḅẹrẹkọn mẹ ḍiki-ḅioḅu tẹ anị sịkị, tẹ vuunma pịkị tẹ ḅẹrẹ mamgba pịkị-pịkị iḅoarị apụ.

Matiyo 13:9

Tẹ Jizọsị ẹkwẹn gbaịn tẹ ḅẹẹm, “Ọkọẹrẹsị, ọ́ naa ḅẹ-ḅiiarị ḅẹḅẹ ó pokii!”

Jọnị 18:20

Jizọsị nwẹnị pakịrị, “Ama-ogbo mie sakị mamgba àrị ẹkwẹn tomḅọ goḅọ-goḅọ pịrị, pịrị ye; à tolumarị ye mẹmgba ama-awarị ḅio na Tamụnọ-warị mẹ ḅio na, anie tomi mamgba kobiri, kobiri anga ma, ḅụ mie à toluma fama ye. Jene-jene amụ à ḅọị anga gberie-sọ ḍuko-a.

Fịrịmẹnjịapụ 5:20

“Ó mu Tamụnọ-warị mẹ ḅio sịẹ tẹ mị ịwọ ḍumo mẹ gbolomaye mamgba ḍuko tomi ma pịrịị.”

Fịrịmẹnjịapụ 5:42

Tẹ ene gbarị-a ḅara Tamụnọ-warị mẹ ḅio na anga warị ḅio na ḅụ ịn paa ye toluma tẹ pịkị Jizọsị, Mẹsaya ḅe, Iḅi Oku mẹ gbolomaye ḍukom.

Mịẹfinji 2:11

“Ọkọẹrẹsị, ó ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii! “Owu-ḅara-iḅi nyana apụ ma, maaịn karama fịị mẹ ye kẹ ịn lama ḅịa.

Mịẹfinji 2:17

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii! “Owu-ḅara-iḅi mẹ nyana apụ ma à ḅọị wararị mana mẹ ḅẹ aị kẹ ịn pịrị fị ḅa. À pịkị pịna-pịna ḍụḅarị, tẹ ịwọ ẹrẹ anị ḅụ kẹẹ wararị ye, anie anị nyana wararị ḅọ sikima tẹ gbọrụḅọ-sọ inetẹ nimi, nimi-a ye, mẹ kẹ ịna ḅụ ọrụḅọ-ọrụḅọ pịrị ḅa.

Mịẹfinji 2:29

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii.

Mịẹfinji 2:7

“Í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii. “Owu-ḅara-iḅi nyana apụ ma à kụrọ kẹ ịn pịrị tẹ ịn Tamụnọ Ḍụọ mẹ ogboku so-pakarị ḍumo sịn mẹ ḅẹ mgbọlụ mẹ fị ḅa.

Mịẹfinji 3:13

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii!

Mịẹfinji 3:22

“Ọkọẹrẹsị, í ḅeri nyana tẹ kẹ ye naarị ḅẹḅẹ, Tẹmẹ ḅe ḍuko sọsị ma pịrịarị ye mẹ pokii!”

Mịẹfinji 3:6

“Ọkọẹrẹsị, ó ḅeri nyana tẹ kẹ ye naarị ḅẹḅẹ ọ́ Tẹmẹ ḅe ḍuko sọsị ma pịrịarị ye mẹ pokii!