Jerimaya 7:19 - FỊAFỊA BAỊBỤLỤ

¹⁹ Kụma karakaramatẹ yẹrị mie in ye kẹ mịẹarị aro? Ẹn-ẹn, ịna ḅụụ mie ịn kẹ mịẹarị, tẹ ḅụụ-jịrị dogi-ḅo ḅụụ pịrịarị.

Jerimaya 7:19 Iomraidhean Croise

Ẹzịra 9:7

Wamịna aḍapụ ma ene ma ḅụ ḅo mịmgba la, wa gburo-gburo ḅara kẹ mịẹ gbẹẹ-a aị ḅio sime tẹẹ, anịsakị wamịna mịẹ-irima ma gotẹ, wamịnị na, wamịna amadapụ na, wamịna agbamịẹapụ na, mu ama mẹ ḅẹ amadapụ ma ḅara na, okologie na, kun-ḅara na, kụrọ-ḅara kẹ ye fọịn-ọkị na, mịẹḅẹ-ọkụ-ofori ḅẹ ḅụụ-jịrị na ḅio sọm, mịmgba ḅụ sọ wa paa simearị ḅara.

Jobu 35:6

Í si mịẹ kụma, ị́ kẹ ọ̀ mịẹ ye tiye? Anịsakị í oloko kan-kan sara kụma, ị́ kẹ ọ̀ mịẹ ye tiye?

Ayịzaya 1:20

Kụma ọmịnị ị̀ na tụḅụrụ ḅẹḅẹ, ọ́ fa tẹ, fịị sime ọ́ pịrịm. Yẹrị KỊNỊNYANAḄỌ ḅe ọkọ ḅẹẹm.”

Ayịzaya 1:24

Mie ḅụ, ọ́ Kụrọmamgba nyana KỊNỊNYANAḄỌ, Izirẹlị kụrọtẹ Tamụnọ ḅe ḍukoarị ye pokii mịọkụ, “Si kẹ ị̀ tọn-arị apụ, àrị ọmịna aḅụụ gbẹẹfị fị ḅa, tẹ ọ́ ḅarị jen kẹ ị̀ ḅụụ-fụkama ḅịa.

Ayịzaya 45:16

Oru-afụḅara mịẹarị apụ mamgba ḅụụ-jịrị ḅa; inimgba tọrụ-tuu ḅa.

Jerimaya 15:9

Amịna sọnọma owiapụ-awọmẹ fama ẹrẹḅọ ma naịn-ḅọrọ tẹ sịngị-ịnyọsararị. Árị eneḅaka bele mẹ pịkị-ḅo ḍin kanakana sọ tẹ; á tọrụ-tuu tẹ á ḅioḅẹngbọ ḅẹ obi kọn-arị. À wẹrịso tẹ si kẹ ọ́ tọn apụ ọmịna ḅụ paa ḍumo wararị apụ ma ḅaa ḅa. Yẹrị, KỊNỊNYANAḄỌ ḅe, ọkọ ḅẹẹm.

Jerimaya 2:17

Izirẹlị, ị́ ḅarana miemẹ dogi-ḅo ị́ ḅụụ pịrịm! Ị́ yẹrị KỊNỊNYANAḄỌ, ị́ Tamụnọ ḅe ḅụ mangị-som, yẹrị tọrọkọ tarị ị́ pịrị ma muarị ogbo.

Jerimaya 2:19

Ị́yẹrị ḅarana mịẹ si mie ị́ fomu ḅarịye, ị́ ị̀ ḅụụ pịkị-so ye mẹ ḅẹrẹ kọn ị́ ḅara sima ḅa. Ị́ ḍawọ ḅo ḅa anị akụ tẹ kura-a la ḅara ị́ KỊNỊNYANAḄỌ ị́ Tamụnọ ḅe koroma mangị-so ye mẹ tẹ ḅarị jen kẹ ḅioḅẹngbọ-kẹ-sịrẹrẹ-niḅi ḅara sime ị̀ pịrị-a. Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ, Kụrọmamgba Nyanaḅọ ḅe ọkọ ḅẹẹm.”

Jerimaya 20:11

Kụma, KỊNỊNYANAḄỌ, ị̀ jụ emi, ị́ kụrọ tẹ opu kụrọ nyana wararị, tẹ ḅaa-ḅọkọ kẹ ị̀ ḍọkịarị apụ ma ḅịkị ḅa. Ịna tọrụ-tuu gbamaso ḅa, in ḅiiarị ye ini inetẹ nyana ḅịa ẹrẹsị. Ịna tọrụ-tuu mẹ gbala-gbala ḅioḅọrọ ḅịa.

Jerimaya 22:22

Fẹrụ ọmịna sịḅịdapụ ma ofuro so ḅa, Tẹ ọmịna jụ ḅẹ apụ ma ini ikoliapụ ḅara kẹ ini ọkị so ḅa ọmụ ḅio, ini ọmịna opu ama mẹ tọrụ-tuu tẹ anị ḅụụ-jịrịma ḅa ọ́ mịẹ tẹ asi-aị mamgba ẹrẹsị.

Jerimaya 25:7

Kụma KỊNỊNYANAḄỌ ḅe ḅioju ḅẹẹarị mịnẹ ọ́ ḍụkụ tẹ ò poki-a. Anie nakara, ọmịnị ori ịganịma tẹ ọmịna oru-afụḅara ma ḅụ, tẹ mị fomu-ḅara mẹ dogi-ḅo ọmịna ọgọnọ gbanam.”

Jerimaya 3:25

Wa ḅụụ-jịrị ḅụ ḅịkị-koro gbẹẹm, tẹ ye tọrụ-tuu ḅụ wa gbaịn sime. Wamịnị na wamịna elemu aḍapụ ma na sakị mamgba si kẹ KỊNỊNYANAḄỌ wamịna Tamụnọ ḅe mịẹ tẹ; gbala-gbala amụ wa ọ̀ tọn wa pịrị aị poki tẹ mịẹ-a.

Jerimaya 44:3

ịna atomi ma mịẹ asi tẹ ị̀ ịganịma ye mẹ ẹrẹsị. Ini agba mịẹ pịkị fịrịmẹnjị oru-atamụnọ pịrịm, oru-tamụnọ tẹ ini-o, ọmịnị-o, ọmịna elemu-aḍapụ-o jene-jene amụ sunsin pịrị-a aị.

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Jerimaya 9:19

Zayọnị ḅụ owu-pọkọ fiearị ye pokii, “Wa fa tẹẹ! Wamịna tọrụ-tuu fama tẹẹ! Jen mịẹ-mịẹ ḅara ofori wa wamịna amakiri koroma-so ḅa; Wamịna sime-ayọ ma ịn kan sara tẹẹ.”

Izikẹlị 16:26

Ị́ ị́ na kpeki tẹ anga apụ tẹ ḅụụ-ọlọlọ-a Ijiputi-ḅẹ-apụ ma na tiim, tẹ ị́ ama-mẹnjị eremịna mịẹ mẹ kẹ ị̀ ịganịmam.”

1 Kọrịntị 10:22

Anịanịa, wa ḅọrọ KỊNỊNYANAḄỌ ḅe ịganịma ḅẹ ḍọkịarị ḅoto? Wa ọkịarị wa kụrọ ọ̀ nẹngị wararị ḅoto?

Ditẹrọnọmị 32:16

In ò jikemam igoni oru-atamụnọ na afana sọọ Tọn-tọn amịẹaị mịẹ kẹ in ori ịganịmam.