Jerimaya 7:18 - FỊAFỊA BAỊBỤLỤ

¹⁸ Awọmẹ ma sanga kolokoloarị, owiapụ ma fịnị tọnọarị, tẹ ereme ma fịlawa kpoo-kpoo tẹ kẹ kiki mịẹ-mịẹ ịn kẹ So-ḅẹ-Amada-Ẹrẹḅọ nwẹn sịn ẹrẹ oru ma pịrịarị. Ịn pịkị iru sara oru-atamụnọ pịrịarị, kẹ ị̀ ḅụụ-sịnịsịnịma ḅẹ ḅara.

Jerimaya 7:18 Iomraidhean Croise

1 Amadapụ 14:9

kụma ị́yẹrị si mịẹ ị́ ọḅụjụ ama-da so tẹ apụ mamgba nẹngị fama tẹẹ, tẹ mu ja oru-atamụnọ nyana, tẹ ḅara kẹ ye kịkama tẹmẹ tẹ kẹ ị́ ḅụụ pịrị tẹ ị̀ kẹ ị́ ọḅụjụ gbin-koroma tẹẹ, tẹ ịganị sịn sakị tẹ ì ḅụụ ḅụ;

1 Amadapụ 16:2

“À fọọn mẹ ḅio ị́ saakị-gelema tẹ ị́ kẹ ị̀ atomi Izirẹlịapụ ma tọrọkọ-tarịḅọ mịẹ kụra-ḅio, í mu Jerobohamụ mẹnjị etela mẹnjị tẹ, mịẹtẹ ị̀ atomi Izirẹlịapụ ma si mịẹ tẹẹ, tẹ ịna asi ma ḅụ ị̀ ịganị sịn-saakịma tẹẹ.

Devidi-Anume 16:4

Mangị-mangị oru-atamụnọ dama-muarị apụ ma, tọnwa ḅụụ-fụka dogi-ḅo ịna aḅụụ pịrịarị. Àrị ini na sọ tẹ ịna agba ma mịẹ ḅịa, à pịkị ịna oru-atamụnọ ma tẹkẹ ḅịa.

Ayịzaya 3:8

Inn, Jeruselemu fa tẹẹ! Juda ḅịkị koroarị! In ḍukoarị ye na mịẹarị ye na goyegoye KỊNỊNYANAḄỌ ḅe na tụḅụrụarị. Ịn ḅịḅị ḅọị-a ḅara kẹ KỊNỊNYANAḄỌ ḅe ḅioju mịẹ-simarị.

Ayịzaya 57:6

Ọ́ nwẹnị anịanga minimini aḍụḅarị ọkị so mu tamụnọ tọnma tẹ sunsin arị pịrị. Ọ́ nwẹnị iru sara arị pịrị tẹ mbịaka agba mịẹ-mịẹ anị pịrị. Ó kuromarị ma mamgba ị̀ ḅụụ-ḅẹlẹ arị aro?

Ayịzaya 65:11

“Kụma ọmịnị ị̀ sịkịarị apụ ma ye paka ọ́ pịrị ḅarị ḅara kịrị ḅa, anie Zayọnị, ị̀ fịafịa tụndụ mẹ ḍiki-tọrụsin-arị apụ ma, tẹ Gadi na Meni na anie iḅi-fụḅara na iḅi-so na kẹ kịnị pịrịarị nwẹn ḅẹẹ atamụnọ ma tẹkẹarị apụ ma.

Ayịzaya 65:3

Ḅụụ-jịrị gbọrụmgbọ-sọ nyana-a ḅara ḅụ ini ị̀ ịganịma-ịganịma-ịganịmarị. Ịn kẹ tọn-tọn ḅara wẹrị wararị fịlawa aḍụọ ḅio ini oru nimi apụ agba ma mịẹarị, tẹ oru nimi apụ agbamịẹ-anga ḅụ kụnụaị dọkịmarị.

Jerimaya 1:16

À fomu-ḅara kẹ ị̀ atomi pịrị ḅa, in si mịẹ tẹ ẹrẹsị; ini ị̀ sịkị tẹ agba mịẹ-mịẹ oru-atamụnọ pịrị tẹ ẹrẹsị, pịkị oru-afụḅara tẹmẹ tẹ sunsin arị pịrị tẹ.”

Jerimaya 11:17

“Yẹrị Kụrọmamgba nyana KỊNỊNYANAḄỌ ḅe anie Izirẹlị na Juda kẹ sịn ḍiḅi ḅara ḍiḅi ye, kụma mịọkụ àrị opu ḅụụ-fụka kẹ ini ẹrẹmarị. Ini mie ḅarana miemẹ ọkị-ḅo ịna ọgọnọ gbana ye, in kura-aye mịẹ tẹ ẹrẹsị; ini agba mịẹ Balị pịrị ye ḅụ ịn ḅọrọ tẹ ị̀ ịganịma tẹẹ.”

Jerimaya 17:2

Ị́ atomi agbamịẹ-anga suku na, elekima kẹ sụa wẹrị wararị ayọ ma na, ḍumo wararị sịn goyegoye suku na, tụndụ ma ọgọnọ na sunsin Asịra nwẹn-sịn ẹrẹḅọ-oru ma pịrịarị,

Jerimaya 19:13

Jeruselemu ḅẹ awarị ma na, Juda ḅẹ amadapụ awarị ma na, tẹ karakara-ḅara-ḅụ warị mamgba tẹ ini arị isun ọgọnọ kụnụaị dọkịma lolia ma pịrị tẹ aị ma, pịkị iru sara ḍiepịrịye kẹ oru-atamụnọ pịrị tẹ ayọ ma — arịmgba fịafịa-a ḅara sime ḅa Tofẹti sime-ḅara.”

Jerimaya 25:7

Kụma KỊNỊNYANAḄỌ ḅe ḅioju ḅẹẹarị mịnẹ ọ́ ḍụkụ tẹ ò poki-a. Anie nakara, ọmịnị ori ịganịma tẹ ọmịna oru-afụḅara ma ḅụ, tẹ mị fomu-ḅara mẹ dogi-ḅo ọmịna ọgọnọ gbanam.”

Jerimaya 32:29

tẹ anị dọkịma ḅa. Ịn dọkịma ḅo kiri lama ḅa. Tomi ma arịḅẹ isun ọgọnọ-jụ ḅụ kụnụaị dọkịma-dọkịma Balị pịrị tẹ pịkị iru sara oru-atamụnọ pịrị-pịrị tẹ kẹ ị́ ịganịma sime awarị ma sọ dọkị ḅa.

Jerimaya 44:25

Mie Kụrọmamgba nyana KỊNỊNYANAḄỌ, Izirẹlị Tamụnọ ḅe, ḍukoarị ye: Ọmịnị na ọmịna ereme na ọ́ mịẹarị aị ḅụ ḍie-pakama tẹẹ, ó minini ye mẹ ọ́ ḅẹẹ sakị, ‘Ḅịḅị ḍima-a ḅara ḅụ wa minini ịlọ ma wa suma ḅa, mịnẹ wa kụnụaị dọkịma ḅa, pịkị iru sara So ḅẹ Ama-da Ere-oru ma pịrị ḅa.’ Ọkọ ḅẹḅẹ, ọ́ mịẹ ma-muu, ọmịnị ó minini ye mịẹẹ. Ọmịnị ọmịna ịlọ ma sumaa!

Jerimaya 44:4

Àrị ị̀ afịrịmẹnjịapụ ịkịankoroapụ ma kẹ ịn fịrịma-fịrịmam, anie mịẹ ḅalafama ye mẹ tẹ à ḍiki-ḅioḅuarị ye mẹ ḍuko ọ́ pịrị apụ ma.

Jerimaya 7:17

Juda ḅẹ opu ama ma ḅio na Jeruselemu etela ogbo ma ḅio na ịn mịẹarị aị ị́ ẹrị-a?

Kururu Owu-apọkọ 5:13

Kụrọ ḅara ḅụ asawọ ma ye gbẹẹ ḍụḅarị ḅụ ye gbẹm; anịsakị owiapụ-awọmẹ fịnị-apuku dogi-dogi tẹ arị na pụmbụm.

Izikẹlị 16:26

Ị́ ị́ na kpeki tẹ anga apụ tẹ ḅụụ-ọlọlọ-a Ijiputi-ḅẹ-apụ ma na tiim, tẹ ị́ ama-mẹnjị eremịna mịẹ mẹ kẹ ị̀ ịganịmam.”

Izikẹlị 20:28

Àrị ini ọkị-ḅo à minini ịn pịrị amakiri mẹ lamam. In gele atụndụ ma na ịwọ asịn ma na ẹrị sakị ini arịmgba ḅụ agba mịẹm. Ini ị̀ ịganịmam ịn mịẹ dọkịma-agba na iru ḍiepịrị-aị agba na tẹ ini ọkị-ḅo aị na ḅụ.

Izikẹlị 8:16

Mie ḅụ ori ị̀ kẹ Tamụnọ-warị mẹ ḅẹ kala-ḅio mẹ mum. Anịjụ fịafịa-yọ mẹ sọ-sọ anga mẹ ḅụ, agbamịẹ-anga mẹ na mẹnjị-ḅọrọ-anga mẹ na ogboku, si sọnọ apụ finji pembe tomi ḅịḅị simem. Ini ọḅụ kẹ fịafịa-yọ mẹ gbin tẹ tuu ideri-koro ịrụa-saakịarị-anga mẹ da tẹ sunsin saakị paka-ḅoarị ịrụa mẹ pịrịarị.”

Izikẹlị 8:17

KỊNỊNYANAḄỌ ḅe nwẹnị ị̀ ḅẹ, “Fịị-fịị tomḅọ, aniemẹ ị̀ kọkọ ẹrịarị? Mịna Juda ḅẹ apụ ma, mịanga ị́ ẹrị tẹ ịn mịẹarị sịḅị-ngụngụnma aị mamgba ngẹrị mịẹ mẹ ịna furo ḅin-a, arị na kụrọ-kụrọ amịẹaị tẹ bebe amakiri mẹ ḅụ ịn mịẹarị ma na. Ẹn-ẹn, ịn mịanga Tamụnọ-warị mẹ ḅio ḅụ sọ mịẹ-a so ḅịa, tẹ ị̀ mịẹ tẹ arị ịganị ḅaka ḅẹ ḅara. Ḍiki ini ị̀ ḅụụ si tẹịn ḅẹ ḅara kẹ ini inetẹ ḅẹ ḅara-ḅara kẹ ị̀ mịẹ-simarị ḅara!

1 Kọrịntị 10:22

Anịanịa, wa ḅọrọ KỊNỊNYANAḄỌ ḅe ịganịma ḅẹ ḍọkịarị ḅoto? Wa ọkịarị wa kụrọ ọ̀ nẹngị wararị ḅoto?

Ditẹrọnọmị 32:16

In ò jikemam igoni oru-atamụnọ na afana sọọ Tọn-tọn amịẹaị mịẹ kẹ in ori ịganịmam.

Ditẹrọnọmị 32:21

In ì jikema tẹ arị aniemẹ tẹ tamụnọ-a ye na afana sọ tẹ, ini ịna akpokobịa ma kẹ ị̀ ịganịma tẹẹ. Anị ḅara mie à kẹ ịn jikema tẹ ini inima tẹ tomi-a tomi ma na afana sọ ḅarị ḅara; à ye-nimia gbọrụ opu sịẹ ḅụụ sọ tẹ ini ịganịma ḅa.

Ditẹrọnọmị 4:19

Anịsakị ọmịnị ọmịna aḅụụ ẹbị anieofori ó ḅofa ọmịna atọrụ saakị So daa, tẹ So-ḅio sime aị mamgba — ịrụa mẹ na, akalụ mẹ na, lolia ma na — ẹrị sakị ó ḅofa pịkị tẹ sunsin tẹ fịrịmẹnjị arị pịrị. KỊNỊNYANAḄỌ ọmịna Tamụnọ ḅe mịna aị ma kẹ bebe So mẹ suku-ḅio simearị asịẹ mamgba pịrị tẹẹ.