Jerimaya 7:14 - FỊAFỊA BAỊBỤLỤ

¹⁴ Anie ḅụ, à kẹ Silo mịẹ ye mẹ à kẹ mie ị̀ Warị mẹ mịẹ ḅa, ọ́ kẹ ḅiokpọmarị ye mẹ. Mị yọ mẹ tẹ à kẹ ọmịna elemu aḍapụ na ọmịnị na pịrị ye mẹ, àrị à kẹ Silo mịẹ gbọrụ ye mẹ kẹ anị mịẹ ḅa.

Jerimaya 7:14 Iomraidhean Croise

2 Amadapụ 25:9

Ọ̀ nwẹnị KỊNỊNYANAḄỌ ḅe warị mẹ na, amadaḅọ ḅe warị mẹ na, Jeruselemu ḅẹ awarị mamgba dọkịma; opu warị goyegoye ọ̀ dọkịmam.

2 Paka-aị 7:21

“Anịsakị mị warị mẹ tẹ saakị geletẹ ye mẹ ḅụ mẹnjị-ḅọrọ ḅọ ḅọrọ ḅọ ḅụụ-bua tẹ ḅẹẹ ḅa, ‘Tiye gotẹ KỊNỊNYANAḄỌ ḅe mị ḅara kẹ mị ama mẹ na, mị warị mẹ na mịẹ?’

Devidi-Anume 78:60

Ọ̀ Silo ḅẹ Tamụnọ-warị mẹ sịkịm, anie ọ̀ kẹ ò sime-yọ mịẹ sime anga mẹ wamịna ogboku ḅụ.

Ayịzaya 64:11

tẹ wamịna Tamụnọ-warị mẹ, fịafịa iḅi yọ mẹ tẹ wamịna elemu-aḍapụ sime tẹ í tokini-tokini anga mẹ, fịnị anị dọkịma guluguluma tẹ. Wa ḅẹlẹma sime anga mamgba sii kọsị tẹ koro-simearị.

Jerimaya 12:7

KỊNỊNYANAḄỌ ḅe mẹẹ, “Àrị Izirẹlị kẹ gbin koroma-so tẹẹ; Arị ị̀ sịẹ tẹ à sẹlẹ ọkị tẹ apụ ma sịkị tẹẹ. Àrị à ḅẹlẹmarịapụ ma kẹ si kẹ ịn tọn-arị apụ kụrọ ḅara-ḅio suu tẹẹ.

Jerimaya 23:39

piki-pikiye-ofori ḅara ḅụ arị ịn saakị ọkị tẹ ịn kẹ ị̀ ḅụ wakị ḅelema ḅa, ini na opu ama mẹ tẹ à kẹ ini na ịna elemu aḍapụ na pịrị ye mẹ na.

Jerimaya 26:18

Hẹzịkaya ama-daarị sakị Juda ḅụ, ịkịankoro Mayịka, Morẹsẹtị ḅẹ ḅọ ḅe, ḍuko tomi ma pịrịm mịnẹ Kụrọmamgba nyana KỊNỊNYANAḄỌ ḅe ḍuko tẹẹ: Ini opu anama fọnọ-mẹnjịarị kiri soku ikulele kẹ Zayọnị kẹ ḍụọ kọrị kiri kịkama soku ḅa. Jeruselemu sara sọ ḅa, tẹ Tamụnọ-warị mẹ opu-piri sọ ḅa.

Jerimaya 26:4

KỊNỊNYANAḄỌ ḅe ḍuko ị̀ pịrịm à tomi ma ḅẹẹ, “Yẹrị, KỊNỊNYANAḄỌ ḅe ọkọ ḅẹẹm mịnẹ ọmịnị ị̀ ḅịḅịpoki nyanam, à kẹ ọ́ pịrị tẹ tolumaye mẹ ḍukamẹnjị ḅụ,

Jerimaya 7:10

Ọ́ mịna à ḍiki-ḅioḅuarị aị ma mịẹarị, tẹ ḅo ị̀ tọrọkọ sịẹ tẹ ị̀ ḅara-kuḅu ḅẹ Warị mẹ ḅio ḅẹẹarị: “Wa la-la ye ofori!”

Jerimaya 7:12

Silo muu, à tarị sẹlẹ ọkịm in sunsin ị̀ pịrị ḅẹm nwẹn ḅẹẹ anga mẹ, tẹ à kẹ anị mịẹ ye ẹrị, ị̀ atomi Izirẹlị asi gotẹ.

Jerimaya 7:4

Ọmịnị mịna oḅori-kẹ-kịnịsịn ẹkwẹn ma minini mẹ dasịẹmaa, anie: “Wa la-la ye ofori! Mie KỊNỊNYANAḄỌ ḅe warị mẹ, mie KỊNỊNYANAḄỌ ḅe warị mẹ, mie KỊNỊNYANAḄỌ ḅe warị mẹ!”

Kururu Owu-apọkọ 2:7

KỊNỊNYANAḄỌ ḅe ori agbamịẹ-anga ḍiki-sima, tẹ ọ̀ fịafịa yọ mẹ sịkị tẹ; arị amadapụ awarị ḅẹ onu ma, ọ̀ ḅọrọma kịnị-na-fịya-a ḅọ ḅe ḅara-ḅio suu tẹ; owu-ḅara-iḅi oloku KỊNỊNYANAḄỌ ḅe warị ḅio fiem, gbala ene pẹlẹ tẹ fịarị kopini alalị ọkụ.

Kururu Owu-apọkọ 4:1

Ndẹẹ golu mẹ ḅo ḅutuḅutu tẹ ḅara, ndẹẹ karakara golu mẹ ḍima ḅara! Fịafịa aḍụḅarị ma gala-gala mu etela goyegoye sịḅị ḅụ sara wararị.

Izikẹlị 23:31

Ị́ mbịra aḅụọ sịẹ tẹ so kiri mie í ḍukamẹnjị ye, tẹ mie ḅụ sọ gbọrụ fomu-ḅara kọpụ mẹ ḅio ḅuu ḅa.”

Izikẹlị 24:21

Mị oku mẹ kẹ ọmịnị Izirẹlịapụ ma pịrị: Ọ́ Tamụnọ-warị mẹ ḅẹ ịnyọ mẹ kẹ ḅụụ-tọn-arị. Anị ḍikiḍiki tẹ mu-mu anị la ọ́ ḅụụ-ḅẹlẹarị, kụma KỊNỊNYANAḄỌ ḅe anị kẹ tọn-tọn-a ḅara wẹrị ḅẹ-yearị. Anịsakị ọmịna asambịrịma apụ ma tẹ warị-warị ḅụ Jeruselemu ḅụ kirikọn-apụ ini ịn ḅaa ḅa ọmụ ḅio.

Ditẹrọnọmị 12:5

Kụma ọmịnị ọ́ KỊNỊNYANAḄỌ ọmịna Tamụnọ ḅe furo-furo mamgba ḅụ sẹlẹ pakama-ḅo ḅarị anga mẹ tẹ ori ẹrẹ kẹ sụa tẹ anịjụ kẹ ò sime anga mịẹ ḅẹ ḅara ḍọkị ḅa, anịjụ mie ó mu ḅarịye,

Ditẹrọnọmị 28:52

Ọmịna ama mamgba ḅụ ini ọmịnị ikelema-koro tẹ owu kẹ ọ́ paka ḅa, nwenii ọmịnị ọmụ gotẹ mịẹ kụrọma geletẹ onu ma tẹ ó ḅioḅẹngbọ kẹ gbana aị ma ịn nwẹn kan sara fama ḅa ọmịna ama mamgba ikelema-koro ḅụ; tẹ ọmịna ama mamgba tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ ama mamgba ḅụ ini ọmịnị ikelema-koro tẹ owu kẹ ọ́ paka ḅa.