Jerimaya 7:11 - FỊAFỊA BAỊBỤLỤ

¹¹ Ọ́ sịn-arị ị̀ Warị mẹ ḅo warị kan-kan tẹ furuarị apụ ḅọị yọ sọ tẹ? Ọ́ mịẹarị ye àrị ẹrị tẹẹ.

Jerimaya 7:11 Iomraidhean Croise

2 Paka-aị 6:33

So-ḅio í sime anga mẹ ḅụ naa, tẹ igoniḅọ ḅe gotẹ wẹrịtẹ ị́ sịn ḅara mamgba mịẹ ọ̀ pịrịị; mịẹ tẹ tomikiri ḅẹ atomi mamgba ị́ ẹrẹ nimi tẹ í mangịma ḅarị ḅara ị́ atomi Izirẹlịapụ ma wẹrịtẹ í mangịma ḅara, anịsakị ịn nimi ḅa mịnẹ mị warị mẹ tẹ à nama ye mẹ ị́ ẹrẹ mie à kẹ anị kuro ye.”

Ayịzaya 1:12

Tụḅọ ị́ ḅẹ mịnẹ ma mamgba kẹ ḅo, í ḅo sunsin ị̀ pịrị ḅẹ ḅoarị sakị? Ḅarị ị̀ Warị mẹnjị iwo-na-ideri-na ma.

Ayịzaya 56:7

“Arị ọ́ kẹ Zayọnị ḅo ḅa, ị̀ fịafịa tụndụ mẹ, ị̀ tẹkẹ warị mẹ ḅio ḍereku kẹ ọ́ pịrị, tẹ pịkị ị̀ agbamịẹ-anga ọ́ mịẹarị agba ma daa-ọkị ḅa. Ịn kẹ ị̀ Warị mẹ sịn ḅarịye anie tomikiri ḅẹ asịẹ mamgba ḅẹ atomi ma tẹkẹ warị.”

Jerimaya 2:34

Ọmịna akapa ma igoin-apụ na mịẹ si ofori apụ na ọmbie arị ọmbịma wararị, warị kan sọ-sọ tẹ ye furuarị apụ ọmbie-a. Kụma ma mamgba ọgọnọ ḅụ sọ,

Jerimaya 23:24

Gbọrụḅọ-sọ inetẹ ḅọị tẹ arị inetẹ mḅọ ẹrị-a so ḅịa. Ó nimi-a mịnẹ So-ḅio na kiri ḅio na ḅụ yọ-yọ ḅụ arị emi?

Jerimaya 29:23

Miemẹ sime ịn pịrị tẹ ịna ḅụ paka ḅẹ ye sọ ḅa, ịn ḅalafama asi mịẹ tẹ ẹrẹsị — ịn sẹfị tẹ pịkị KỊNỊNYANAḄỌ ḅe ẹrẹ ḅụ iruo aị ḍuko tẹẹ. Miemẹ KỊNỊNYANAḄỌ ḅe ḅiiarị ye na tụḅụrụm; ori ịn mịẹ tẹ ye mẹ nimi wararị, ori ḅẹrẹ-kiri sime-ḅọ sọ tẹ ini na tụḅụrụ wararị.’ ” KỊNỊNYANAḄỌ ḅe ọkọ ḅẹẹm.

Jerimaya 7:10

Ọ́ mịna à ḍiki-ḅioḅuarị aị ma mịẹarị, tẹ ḅo ị̀ tọrọkọ sịẹ tẹ ị̀ ḅara-kuḅu ḅẹ Warị mẹ ḅio ḅẹẹarị: “Wa la-la ye ofori!”

Izikẹlị 35:13

Ọ́ tọrụ ḅọị-a ḅara kẹ ḅụụ-boma ị̀ pịrị ye mẹ, à naam.”

Danẹlị 9:18

Wa poki, Yei Tamụnọ; wa ḍiki, tẹ wa daarị ḅụụ-fụka mẹ ẹrị, pịkị ị́ ị́ ẹrẹ kẹ koro wararị opu ama mẹ tọrụsiẹrị mẹ na. Wa ị́ tẹkẹarị ị́ ọkụrụkụrụ nyana wararị ẹrẹsị, wa kuraye mịẹ tẹẹ ẹrẹsị-a.

Matiyo 21:13

tẹ ịn ḅẹẹ, “Fịafịa Ḍiri mẹ ḅio anị kẹẹ koro wararị, mịnẹ Tamụnọ ḅẹẹm, ‘Ịn kẹ ị̀ Warị mẹ sịn ḅarịye, tẹkẹ warị.’ Kụma ọmịnị anị kẹ furuapụ ḅọị, ḅọị tẹ paka mu furuarị anga mịẹarị!”

Makị 11:17

Anịtẹso ò ye kẹ tomi ma tolumam, “Fịafịa Ḍiri mẹ ḅio anị kẹẹ koro wararị, mịnẹ Tamụnọ ḅẹẹm, ‘Ị̀ Warị mẹ ịn kẹ anị sịn ḅarịye sịẹ-sịẹ mamgba ḅẹ atomi ma tẹkẹ warị.’ Kụma ọmịnị anị kẹ furuapụ fukuru sọma tẹ!”

Jọnị 2:16

tẹ ọ̀ nwẹnị tọn nwẹẹrẹsị dẹrị sime apụ ma pịrị, “Ọ́ mịanga arị kẹ paka soo. Ọ́ ḅarị ị̀ Ḍa warị mẹ kẹ fẹ-siri mịẹ ma.”

Hiburu 4:13

Tamụnọ ḅụ inetẹ kikima ḅarị gberie-sọ ofori, ori tẹmẹ ye goyegoye ọ̀ tọrọkọ finji sara wararị. Anịsakị ori mie wa pịkị kọn-arị mẹnjị kọn-arị mẹnjị ḍuko pịrị ḅarị ḅọ.