Jerimaya 7:10 - FỊAFỊA BAỊBỤLỤ

¹⁰ Ọ́ mịna à ḍiki-ḅioḅuarị aị ma mịẹarị, tẹ ḅo ị̀ tọrọkọ sịẹ tẹ ị̀ ḅara-kuḅu ḅẹ Warị mẹ ḅio ḅẹẹarị: “Wa la-la ye ofori!”

Jerimaya 7:10 Iomraidhean Croise

1 Amadapụ 9:3

KỊNỊNYANAḄỌ ḅe nwẹnị ọ̀ ḅẹẹ, “Àrị ị́ tẹkẹ mẹ na ị́ ḅiiarị aị mamgba na naa tẹẹ. À mị Tẹkẹ-warị mẹ tẹ ị́ namam mịnẹ tomi sunsin ị́ pịrị ḅarị anga mẹ mịẹ fịafịama gbamaso ḅa. À tọrụ kẹ anị ḅụ wẹrị ḅa pịkị anị ḍikiḍiki ḅa sakị mamgba ḅụ.

2 Amadapụ 21:4

KỊNỊNYANAḄỌ ḅe warị-ḅio ḅụ ori ebeka nama saram, aniemẹ tẹ KỊNỊNYANAḄỌ ḅe ḅẹẹm, “Jeruselemu ḅụ mie àrị ị̀ ẹrẹ mẹ kẹ sụa ḅarịye” ḅẹẹ anga mẹ.

2 Paka-aị 33:4

Ọ̀ KỊNỊNYANAḄỌ ḅe warị mẹ ḅio ebeka nama-nama saram, anie KỊNỊNYANAḄỌ ḅe ḅẹẹ tẹ mịnẹ, “Jeruselemu ḅụ Ị̀ ẹrẹ mẹ sime gbamaso ḅa,” ḅẹẹ tẹ anga mẹ.

2 Paka-aị 33:7

Ọ̀ ḅara kẹ ye kịkama tẹ tẹmẹ-aị ma, ọ̀ kẹ Tamụnọ warị mẹ ḅio dẹẹ koromam, anie Tamụnọ Devidi na, ori owiḅọtụḅọ Sọlọmọnị na ḅẹẹm, “Mị warị mẹ ḅio na, àrị Izirẹlị afuro mamgba ḅụ sẹlẹ ọkị tẹ Jeruselemu mẹ ḅio àrị ị̀ ẹrẹ mẹ kẹ sụa gbamaso ḅa” nwẹn ḅẹẹ anga mẹ ḅụ,

Egberima-Ẹkwẹn 15:8

Anị KỊNỊNYANAḄỌ ḅe ḅụụ-ḅẹlẹ arị iḅi atomi tẹkẹarị sakị, kụma si-sịḅịḅio-sụapụ kẹ ḅo ọ̀ pịrịarị agbamịẹ-aị ma ò ḅioḅumarị.

Ayịzaya 48:2

Anịsọ ọ́ paa ḅụụ-boma-boma tẹ ḅarị mịnẹ ọmịnị fịafịa opu ama mẹ ḅẹ apụ tẹ ọ́ pịkị Izirẹlị Tamụnọ ḅụ sịrẹrẹarị, anie Kụrọmamgba nyana KỊNỊNYANAḄỌ kẹ ẹrẹ fị wararị ḅọ ḅe.

Jerimaya 32:34

Ịn mịẹ nwenii tẹ ịna oru-afụḅara ma sọ kẹ ị́ Warị mẹ, nama tẹ kẹ sunsin ị́ pịrị ḅẹ yọ mẹ ḅio koroma tẹ anị pilema tẹẹ.

Jerimaya 34:15

Boowa ene ḅọrọtẹ so sakị ọmịnị ọmịna akuroma ḍima tẹ ì ḅioḅẹlẹma ye mịẹm. Ọmịnị-mgba ḅịḅị-kẹ-ogbosọm, ọmịna pembema Izirẹlịapụ ma ḅụụ-ḅarasin tẹ ini ịna asịḅị-atomi sọ, tẹ ọmịnị anị ḅẹ ọḅọkụ fịm ị̀ tọrọkọ ḅụ, Tamụnọ-warị tẹ in sunsin ị̀ pịrịarị yọ mẹ ḅio.

Jerimaya 44:9

Juda ḅẹ ama ma ḅio na, Jeruselemu etela-ogbo ma ḅụ na ọmịna elemu-aḍapụ na. Juda ḅẹ amadapụ ma na ịna ereme na, ọmịnị na ọmịna tapụ na mịẹ tẹ si-sịḅịḅio amịẹaị ma ọ́ kẹ ḅioḅọrọma tẹ?

Jerimaya 7:11

Ọ́ sịn-arị ị̀ Warị mẹ ḅo warị kan-kan tẹ furuarị apụ ḅọị yọ sọ tẹ? Ọ́ mịẹarị ye àrị ẹrị tẹẹ.

Jerimaya 7:14

Anie ḅụ, à kẹ Silo mịẹ ye mẹ à kẹ mie ị̀ Warị mẹ mịẹ ḅa, ọ́ kẹ ḅiokpọmarị ye mẹ. Mị yọ mẹ tẹ à kẹ ọmịna elemu aḍapụ na ọmịnị na pịrị ye mẹ, àrị à kẹ Silo mịẹ gbọrụ ye mẹ kẹ anị mịẹ ḅa.

Jerimaya 7:30

“Juda ḅẹ apụ siye mịẹ tẹẹ. Ini ịna oru-afụḅara ma kẹ ị̀ warị ḅio koroma tẹ anị pilema tẹẹ.

Izikẹlị 20:39

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Tẹ mịọkụ ọmịnị Izirẹlịapụ mamgba, ọmịnị ọmịna ḅụụ-ḅẹlẹye-ḅẹlẹye mịẹẹ! Ọ́ fịrịmẹnjị ọmịna oru-afụḅara ma pịrị tọrọkọ-tọrọkọ mu! Kụma àrị ọmịna aḅeri nụnụarị mịnẹ mie ḅọrọtẹ so ọmịnị ị̀ ḅịḅịpoki ḅa tẹ ị̀ fịafịa ẹrẹ kụn-a tẹ ye ḍie-ḍie oru-afụḅara pịrị dasịẹma ḅa.

Izikẹlị 23:29

Tẹ ini í ḍiki-ḅioḅuarị ẹrẹsị, ini ị́ namakọrị tẹ nyana-ye nyana-ye ọkị-so tẹ ị́ paụma koroma ḅa, gbala ama-mẹnjị-ẹrẹḅọ paụ-sara ḅara. Ị́ lẹlẹ na ị́ ama-mẹnjị ḍumo na mie dogi-ḅo ị́ ọgọnọ gbanatẹ.

Izikẹlị 23:37

Ịn sẹfị tẹ pịkị kịnị ḅaa tẹ — ịn sẹfịm in sunsin oru-afụḅara pịrị ye ḅụ tẹ kịnị ḅaam ini ini iyi ị̀ owiapụ-awọmẹ ḅaa ye ḅụ. Ini ị̀ owiapụ-awọmẹ kẹ agbamịẹ ịna oru-afụḅara pịrịm.

Izikẹlị 23:39

Anị gbọrụ ene mẹ tẹ ini ị̀ awọmẹ kẹ agbamịẹ ḅẹ tẹ ḅaa ene mẹ ḅụ, in ḅo ị̀ Warị la tẹ anị kẹ tọn-tọn-a ḅara wẹrịm!”

Izikẹlị 33:25

“Yẹrị, Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe, ḍukoarị ye ḍuko ịn pịrị: Ọmịnị paa ọmbie nyana wararị nama pẹịarị. Ó sunsin oru-afụḅara pịrịarị. Ọ́ kịnị ḅaarị. Tiye ọ́ mịẹ tẹ ó kuromarị mịnẹ amakiri mẹ sime ọ́ pịrịm?

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Izikẹlị 5:11

“Ọkọ ẹrẹsị, yẹrị ḍumo wararị Tamụnọ ḅara ḅụ — miemẹ anie Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹ ye — ị́ si na sịḅị-ngụngụnma aị na kẹ ị̀ Warị pilema ye ẹrẹsị arị ị́ pẹlẹ-gbin ḅa, ọkụrụkụrụ ofori ḅara ḅụ.

Danẹlị 9:18

Wa poki, Yei Tamụnọ; wa ḍiki, tẹ wa daarị ḅụụ-fụka mẹ ẹrị, pịkị ị́ ị́ ẹrẹ kẹ koro wararị opu ama mẹ tọrụsiẹrị mẹ na. Wa ị́ tẹkẹarị ị́ ọkụrụkụrụ nyana wararị ẹrẹsị, wa kuraye mịẹ tẹẹ ẹrẹsị-a.

Hosiya 6:9

Agbamịẹapụ ma kịkarị apụ kụrọ-ḅara kẹ ja apụ aị ọkị ḅẹ tẹ piri akaka tomḅọ ẹbịarị apụ ogbo. Mẹnjị Sẹkẹmụ ḅụ ḅọrọ mu fịafịa yọ la-la etela ogbo mẹ kịngẹ ḅụ sọ ịn kịnị ḅaarị. Tẹ mị si mẹmgba ịn tọrụ-gelegele mịẹarị!

Emọsị 4:5

Ó mu ma-mu tẹ ọmịna fịturu kẹ ịmịẹtẹ kẹ Tamụnọ ḅẹẹ, tẹ jaị-jaị tẹ ọ́ kẹ ḅo gbanama ḅẹ aị ma kẹ ḅụụ boma! Mie pembema ye mie ọ́ ḅẹlẹma tẹ mịẹ-mịẹ ye.”

Zẹfanaya 1:5

Ḅẹḅọ-ḅẹḅọ tẹ warị-isun kpọlị tẹ sunsin ịrụa na, akalụ mẹ na, lolia ma na pịrịarị ḅọ, arị mḅọ ḅaa guluguluma ḅa. À pịkị sunsin ị̀ pịrịarị tẹ ye karị tẹ sịḅị-tuu ị̀ pịrịarị tẹ pịkị Mịlịkọmụ nwẹn-sịn oru-tamụnọ ḅe ẹrẹ kẹ ye karịarị ḅọ ḅaa guluguluma ḅa.

Malakayị 3:15

Wa ẹrịarị ḅara ḅụ, ḅụụ-gelemarị atomi anie ḅioḅẹlẹarị apụ ma. Si atomi loloarị ngẹrị-a, kụma ịn pịkị Tamụnọ ḅe ye-inema daaḍikiarị ịna si-amịẹaị ḅụ, tẹ gberie-sọ ịn la-a.’ ”

Matiyo 23:13

“Ọmịnị Oloko Tolumapụ na, Farịsiiapụ na, ọ́ tẹkẹlẹtẹ ḅara ḍikii! Mịẹ tomi ḍie apụ! Ḅọrọ sọ-mu Tamụnọ Ama-da suku-ḅio simearị atomi sọ ḅọkọ mẹ, ọ́ sọ-mu ḅẹ apụ ma tọrọkọ anị gbaịn tẹ; ọ́ sọ-mu ḍụkụ-a, kụma ọ́ pịkị ḍụkụ tẹ ḅụụkụrọma sọ-mu ḅẹ ḍọkịarị apụ ma sọ sọ-mu mu-a!

Jọnị 13:18

“Àrị ọmịnị-mgba gboloma ye ḍuko-a; à sẹlẹ-ọkị tẹ apụ ma à nwẹn nimi wararị; kụma Fịafịa Ḍiri mẹ ḍuko ye mẹ paka ḅa mịnẹ, ‘Ị̀ na ì fịye fịarị ḅọ amịna ḅụụ kẹ ị̀ na fịya-a ḅọ mịẹ tẹ.’

Jọnị 18:28

Dede-funfun ḅụ Juu-ḅẹ ḅẹrẹtọn-apụ ma nwẹnị tọn tẹ in Jizọsị kẹ Kayafasị warị ḅụ so Ḅẹrẹtọnḅọ ḅe opu warị mẹ mu. Ini kụma ịn warị mẹ ḅio sọ-mu-a, in ḅiim ini ịna aḅụụ wẹrị fịafịama ịna ama-anganga-ḅara ḅụ, tẹ Saḅaḅọrọ-Alalị mẹ fị ḅarị ḅara.