Jerimaya 6:8 - FỊAFỊA BAỊBỤLỤ

⁸ Jeruselemu ḅẹ apụ, yee mịna ḅụụ-fụka ma ḅeri nụnụ ye sọ ọ́ pịrị, ọkọ-a kụma arị ọ́ kẹ gbin koroma tẹ so ḅa; arị ọmịna opu ama mẹ pịkịma-ḅo ịkpa sọma ḅa, gbọrụḅọ-sọ anga-a yọ.”

Jerimaya 6:8 Iomraidhean Croise

Devidi-Anume 2:10

Amadapụ, mịọkụ ọ́ mị ḅeri nụnụ ẹkwẹn mẹ pokii; Ọmịnị tomikiri ḅẹrẹtọn-arị apụ, ó miemẹ ḍawọọ;

Devidi-Anume 50:17

Ọ́ ḍụkụ tẹ àrị ọ́ daa-karakarama-a sakị; à tọn kuroma aị ma sọ ọ́ sịkị tẹ sakị.

Devidi-Anume 94:12

KỊNỊNYANAḄỌ, mḅọ mịẹ ḅẹ ye ḍuko pịrịarị ḅọ mẹ nyana ḅioḅẹlẹ ḍiki, anie í í oloko kẹ tolumarị ḅọ mẹ!

Egberima-Ẹkwẹn 19:20

Ị́ datụkụma tolumaye ọkị tẹ ye-ḍawọ ḅẹ-ḅiiarị ḅẹḅẹ, gbọrụ ene í ye-nimi ḅa.

Egberima-Ẹkwẹn 4:13

Sakị mamgba ị́ ḍawọ tẹ ye mẹ kẹ ḅiokoroma. Ị́ ḍawọ ḍịntẹ ye mẹ anie í ḍumo — anị koko kpaịnmaa.

Jerimaya 17:23

Ịna elemu-aḍapụ ma poki-a anịanịa anị kẹ ye kala ye sọ sịn. Anie nakara ịn kọngọ-kụrọmam; ini ị̀ ḅịḅị poki ḍụkụ-a anịanịa ị̀ ḅara ye ḍawọ.”

Jerimaya 2:15

Ini oloku ọ̀ pịrịarị ḅara ọkụkụ ekirearị ye ọkụ; ịn mịẹ tẹ ori amakiri mẹ ịkpa sọ tẹ; tẹ ori ama ma kan-sara tẹ ayọ sọ tẹ ini arị kẹ gbin koroma mangị-so fama tẹẹ.

Jerimaya 31:19

Wa ị́ ḅụụ ḅụ pịkị-som kụma ala-a wa pịkị-ḅo ḅiim. Ị́ wa fomu fama tẹso, wa sịḅị-tuum ḅioḅẹngbọ-si ḅụ. Wamịna ḅụụ-jịrịm, wamịna tọrụ pịkị tuum, wamịna asambịrịma sakị ḅụ wa si mịẹm ẹrẹsị.’

Jerimaya 32:33

Ini ọḅụ pịkị í gbinm; karakaraye à ye kẹ in toluma-toluma-tolumarị sọ, in poki tẹ ye ḍawọ ḍụkụ-a.

Jerimaya 4:14

Jeruselemu, í ḅioḅẹngbọ ḅụ si mẹ sịkịrị-siin, mịẹ tẹ ị́ ḅọrọma ḅarị ḅara. Í si-aị kuroma mu tọ sakị la ḅẹ?

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 7:28

Í ḍuko ịn pịrị ḅa mịnẹ ịna sịẹ mẹ yẹrị ịn Nyana Tamụnọ ḅe ḅịḅịpoki-poki-a, anịanịa ịn daa tẹ fomu-ḅara ḅụ ye-ḍawọ. Ḅioḅẹngbọ kẹ ḅụụ ḅụ gbana na-iḅi ḅara sime mẹ fịtẹ. Kịnị ḅarị jen kẹ anị gboloma ye ḍuko-a.

Jerimaya 7:34

Amakiri mẹ ḅo ịkpa sọ ḅa. Juda ḅẹ opu ama ma ḅio na Jeruselemu etela ma ḅụ na à mịẹ tẹ ḍereku na ḅioḅẹlẹ na apọkọ daasịẹ ḅa, pịkị ere-ịya-alalị ma ḅẹ ḅioḅẹlẹ apọkọ sọ.

Jerimaya 9:11

KỊNỊNYANAḄỌ ḅe mẹẹ, “À Jeruselemu kẹ sara sọma ḅa, piri-obiri amẹẹ angarị yọ; Juda ḅẹ opu ama ma ḅo ịkpa sọ ḅa, gbọrụḅọ-sọ anga-anga-a anga.”

Izikẹlị 23:18

Árị á ḅụụ finji-sara ama pịrị tẹ mịẹ tẹ ḅẹḅọ-ḅẹḅọ nimim mịnẹ árị ma anie ama-mẹnjị ḅụụ-kpọtẹ ẹrẹḅọọ. Á kẹ ị̀ ḅụụ-ngụngụma la ḅara anie arị mbịra ma sọ kẹ ị̀ ḅụụ sime-ḅara.

Hosiya 2:5

Ịna iyingiḅọ ḅioḅẹngbọ-kẹ-sịrẹrẹ-niḅi-a ḅara sime tẹ tọrụ-tuu ḅụ in furam. Árị mẹẹ, “Àrị ị̀ ḅẹlẹmapụ ma ḍuka-mu ḅa, anie fịye na minji na, oḅoku-dee-ḅịtẹ na, ferefere-ḅịtẹ na, pulo na iru na kẹ ị̀ pịrịarị apụ ma.”

Hosiya 9:12

Kụma ịn nwẹnị paa ḍụkụ-a tẹ awọ iyim ḅẹsọ, àrị ini ọkị so ḅa, tẹ mịẹ tẹ gbọrụḅọ sọ ḍumo sime ḅịa. À mịna atomi ma kẹ gbin-koroma-so sakị, opu ḅalafama aị ịna aḅụụ paka ḅa.”

Lẹvitikọsị 26:34

Anịtẹso ama mẹ anị ḅẹ ịnyọsara tọrụ-ḅẹlẹ akụra nyana ḅa anị fatẹ ḅara sime mu la sakị, la sakị, ọmịnị, ọmịnị na fịya-a apụ ama emi ogbo ḅụ, anị sakị mẹ ḅụ ama mẹ ịnyọsara ḅa, tẹ anị ḅẹ ịnyọsara tọrụ-ḅẹlẹ nyana ḅa.

Zẹfanaya 3:7

À kuromam mịnẹ anịtẹso ị̀ atomi mangịma nyana ị̀ pịrị ḅa, tẹ arị ịn da karakarama gotẹ kẹ in fomu ye mẹ daa-ọkị ḅa, mịnẹ ịn ḅarị gbala-gbala à kẹ in toluma ye mẹ kẹ ḅioḅọrọma ḅịa. Kụma ala-a ịn paa elemu ịn mịẹ-mịẹ gbọrụ ḅara mẹ mịẹarị.”

Ditẹrọnọmị 32:29

Ịn ye-nimi namịna, ịn miemẹ fieye naa ḅa, ini ịna kunoma sime ḅẹ ḅara sẹlẹ nimi ḅa.