Jerimaya 6:7 - FỊAFỊA BAỊBỤLỤ

⁷ Suḅe anị ḅio ḅẹ minji ịwọma ḅara mie Jeruselemu anị ḅẹ si mịẹ ịwọmarị ḅara. Kụrọ-kụrọ mịẹ na guluguluma na mie à naarị opu ama mẹ ḅio. Obi na ye-kịnị-la ịnọ na sikima à jen ẹrị-a.

Jerimaya 6:7 Iomraidhean Croise

Egberima-Ẹkwẹn 4:23

Ị́ ḅẹrẹ kẹ ḅiokoromarị ḅara ẹbịị; í kuromarị arị mie í ḍumo kẹ anị simearị ḅara wẹrịarị.

Ayịzaya 1:6

Ḅụọ-kuḅu ḅụ iwo mu sịḅị la obi-a gbọrụ anga sọ ofori í oju ḅụ. Ịnọ akiri í oju mamgba gbaịn wararị, finji sara wararị ịnọ famam. Ị́ ịnọ ma mịẹ-a, pịkị fịna-a. Olo sọ ịn kẹ tan-a.

Ayịzaya 57:20

Kụma si-mịẹapụ ma ịnyọsara-a abajị mẹ sime ḅara simem, anie anị ḅẹ ọnụngọ ma gbala-gbala daasịẹ-sịẹ-a tẹ ḅakụ-ḅakụ sọ-sọ ḅoarị ye mẹ, fun na ḅụrụtẹ aị na dogi-dogi sọ-ḅoarị.

Ayịzaya 59:6

arị mịẹye ḅụ sọ-a ḅara anie gbala olokongoḅa warị kẹ ḅịtẹ ḍori mịẹye ḅụ sọ-a ḅara!

Jerimaya 20:8

Àrị ẹkwẹn anga ẹkwẹn anga, àrị owu pakama tẹ oloku nyanam, “Kụrọ-kụrọ! Ḅaa-guluguluma!” KỊNỊNYANAḄỌ, sakị mamgba ini ị̀ kẹ papaa ḅara mịẹ tẹ ì ḍiki-iderimarị arị í oku mẹ ḍuko wasamarị ẹrẹsị.

Jerimaya 30:12

KỊNỊNYANAḄỌ ḅe ori atomi ḅẹẹarị: Ọmịna ịnọ ma gwọ-gwọ ọkụ ofori, Ọ́ la aị ma inetẹ ḅịya ḅịa.

Jerimaya 30:13

Ó ḍikiḍiki ḅẹ gbọrụḅọ-sọ ofori, ọmịna ịnọ ma arị arịḅẹ ḍiri nyana-a, ọ́ gwọ ḅẹ ḅiokpọ ofori.

Jerimaya 30:15

Ọ́ ḅarị jen kẹ ọ́ la aị gotẹ ḍuko-sụa ma; ọ́ gwọ ḅẹ ye ofori. À mị-ḅara kẹ fomu-ḅara kẹ ọ́ pịrịm ọmịna asi ḅakam ẹrẹsị; ọmịna si-sịḅịḅio sọ ḍụḅam.

Jerimaya 32:31

Mị opu ama ḅẹ apụ ma ịganịma ḅụratẹ ama mẹ bịan nama kụra ḅio. À tọn-pẹlẹ tẹ mịnẹ arị anị guluguluma ḅa,

Jerimaya 8:22

Giliyadi ḅụ kịnị gwọ-gwọ gbọrụ ḍiri sọ ḅarị ofori? Anị anga ḅịrịapụ ḅarị ofori? Ọkọ kụma, tiye ẹrẹsị ị̀ atomi amụ paa gwọ-a?

Izikẹlị 21:29

Ọmịnị ẹrịarị ịkịan ma papaa aị, tẹ tọrọkọ-jụ paka ḅa nwẹn ḅẹẹ tẹ ò ḍukoarị aị ma sọ iruo aị. Ó si-sịḅịḅio-sụa wararị pịkị si wararị, tẹ ọmịna eneḅaka ḅoarị, ọmịna kunoma fomu-ḅara ene mẹ. Okologie mẹ ọmịna akọngọ koro ḅẹ-yearị.

Izikẹlị 24:7

Kịnị-ḅa opu ama mẹ ḅio simem, kụma ọmbie mẹ ịn lịka kiri ọgọnọ ọsụma-a, anie fọọn inetẹ anị gbaịn ḅẹ anga; papaa ịkụ ọgọnọ mie anị sara ye.

Izikẹlị 45:9

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Ọmịnị Izirẹlị ḅụ ḅẹrẹtọn-arị apụ, ọ́ kpọma si mịẹ alama tẹẹ! Ọmịnị ọmịna kụrọ-kụrọ amịẹaị na ponoma na dasịẹma. Ó kuraye tẹ inoma ofori ye mịẹẹ. Ọ́ ḅarị gbala-gbala jen kẹ ị̀ atomi dee-siin ma ịna kiri ḅụ. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe mie mẹ ḍuko ọ́ pịrịarị.”

Izikẹlị 7:11

Kụrọ-kụrọ amịẹaị dogi-ḅoarị ye anie si-sịḅịḅio. Kirikọn ịn pịrị ḅẹ gberie sọ ofori, ịna ngọ ma, ịna tọrụ-gbẹ sime-ḅara anịanịa ịna ebube.

Izikẹlị 7:23

Ye goyegoye pikiri-pikiri ḅio sọ tẹẹ, amakiri mẹ ḅụ kịnị-ḅa ḅin tẹẹ, kụrọ-kụrọ amịẹaị pịkị opu ama mẹ ḅio ḅin tẹẹ.

Zẹfanaya 3:1

Jeruselemu fa tẹẹ, anị ḅụrụ-kọsị tẹ kọngọ-kụrọmarị opu ama mẹ tẹ amịna atomi ponomarị ye mẹ.