Jerimaya 6:30 - FỊAFỊA BAỊBỤLỤ

³⁰ Ịn kẹ ịn sịn ḅarịye: Ye-ḅụ-sọ-a Papaa Ye. Yẹrị, KỊNỊNYANAḄỌ ḅe, ịn sịkị tẹ ẹrẹsị.”

Jerimaya 6:30 Iomraidhean Croise

2 Amadapụ 17:20

KỊNỊNYANAḄỌ ḅe nwẹnị Izirẹlị ḅụ paka-ḅo apụ mamgba sịkị, tẹ ḅụụ-fụka kẹ ịn pịrị, ịn kẹ ye sima apụ ḅara-ḅio suu, nwenii ori ò ḍiki-tọrụ ḅụ ini nguma famam.

Devidi-Anume 119:119

Si-sịḅịḅio-sụa apụ mamgba sara ọgọnọ ḅẹ fun ọkị ḅara mie ị́ kẹ ini ọkị ye, anie ḅụ à mịẹ ḅẹ tẹ ị̀ tọn kuroma aị ma ḅẹlẹmarị.

Devidi-Anume 53:5

Kụma ọkọẹrẹsị kịnị ịna tẹmẹ-naịn-naịnma ḅa, jene-jene amụ anị ịna ḅụ paka-a ḅara, gbala Tamụnọ si kẹ ori atomi ma tọn apụ ma igbe ma gala-galama ḅa. Tamụnọ ịn sịkị tẹẹ, ọkọẹrẹsị Izirẹlị gbọrsịḅị ịn nẹngịma fama ḅa.

Egberima-Ẹkwẹn 25:4

Seleḅa oḅolo wararị muno ma siin-famaa, anịsakị ḅara-ḍịn ḅọ ḅe anị kẹ iḅiye tẹmẹ pakama-ḅo ḅa.

Ayịzaya 1:22

Jeruselemu, gbọrụ sakị ḅụ í seleḅa kịkam, kụma mịọkụ í ḅo papaa minji ngẹrị sọ tẹ.

Ayịzaya 1:25

Àrị ọmịnị na mịẹ ḅa. Àrị ọ́ mịẹ kpaịnma ḅa, anie kẹ ḍisi-ḍisi ye mịẹ fịafịama-fịafịama gbọrụ ḅara mẹ, tẹ ọ́ ḅụrụmarị ye mẹmgba kọrọrọ-siin fama ḅa.

Jerimaya 14:19

KỊNỊNYANAḄỌ, ị̀ gbọrsịḅị Juda sịkị tẹ? Ị́ Zayọnị ḅẹ apụ ma ḍiki-ḅioḅuarị? Tiye ẹrẹsị ị́ mị-ḅara kẹ ye kẹ wa lama, mịẹ tẹ wa inetẹ gwọ ḅịa ḅara? Wa tọrụ kẹ dein ḍikim, kụma gbọrụ iḅiye sọ paka-a, wa wa gwọ ḅẹ ḅiokpọ nyanam, kụma tẹmẹ-naịn-naịnmaye ẹrẹ mie ḅo ye.

Jerimaya 23:33

KỊNỊNYANAḄỌ ḅe nwẹnị ị̀ ḅẹẹ, “Jerimaya, ị̀ atomi ma ḅẹ gbọrụḅọ, anịanịa ịkịankoroḅọ, anịanịa agbamịẹḅọ ḅo ì gbela sakị, ‘Ndẹẹ KỊNỊNYANAḄỌ ḅe oku mẹ?’, ḍuko mḅọ pịrịị, ‘ị́yẹrị anie ikuye sọ KỊNỊNYANAḄỌ ḅe pịrị wararị, tẹ ori ị́ ḅụụ ḅara-siin ḅa.’

Jerimaya 7:1

Mie KỊNỊNYANAḄỌ ḅe ḅara ḅo Jerimaya pịrị ẹkwẹn mẹ,

Jerimaya 7:29

“Jeruselemu ḅẹ apụ, ó kururuu; ọmịnị ọmịna sịḅị-ḅẹ-inume kịrị-siin tẹ kẹ gbin ngumaa; Ó tụndụ ma ọgọnọ-jụ sime tẹ ḍụẹịn owu nume-suu, kẹ gotẹ ọkọ ḍukoarị, yẹrị KỊNỊNYANAḄỌ ḅe, ịganịarị, tẹ ị̀ atomi sịkị tẹ.

Kururu Owu-apọkọ 5:22

Anịanịa ị́ gbọrụ sịḅị wa sịkị tẹ? Ị́ ḅụụ kọrị-a ḅara kẹ gbọrụ sịḅị ịganị wa pịrị tẹ?

Hosiya 9:17

À fịrịmẹnjị pịrịarị Tamụnọ ḅe ori atomi sịkị ḅa, amụ ini ò poki-a ẹrẹsị. Ịn sịẹ-sịẹ ma ogboku ikelekelearị apụ sọ ḅa.

Zẹkaraya 11:8

À ḅarị inetẹ tẹra Anana-ḍikiḍikiapụ tẹ ì ḍiki-ḅioḅuarị apụ inema-a tẹ gbọrụ akalụ kịngẹ ḅụ fịrị ḅụ in siinm.

Matiyo 5:13

“Ọ́ kịkarị ye anie ó simearị tomina-ogbo mẹ ḅẹ fụn. Tẹ fụn ḅarị fụn ḅẹlẹ-a kụma ndẹẹ ịn kẹ anị mịẹ tẹ anị pịkị fụn ẹrẹ fị ḅẹ ḅara? Anị gbala ḅo kịnị kẹ mịẹ, mịẹye ofori ye sọ tẹ, tomi anị kẹ wakị nguma tẹ nanga, nanga ḅọrọ ḅẹ tẹ ḅa.”

Romu 11:1

Yee àrị ó ḅii: Tamụnọ ọ̀ ḅara-kuḅu ḅe atomi ma ori ịn sịkị? Gbala-gbala ọkọ sime ye ofori. Ì ḅioju sọ Izirẹlị ḅẹ ḅọ, Ebira-amụ furo paka ḅọ, Benijamịnị ọrụ mẹ ḅẹ ḅọ.