Jerimaya 6:29 - FỊAFỊA BAỊBỤLỤ

²⁹ Ye tẹlẹma opu fịnị mẹ iḅiọkụ kọrịarị, kụma ye-ḅụ-sọ-a aị ma sanị-a tẹ papaa dọkị soarị. Anị ye ḅụ sọ-a ye, ì atomi mịẹ-fịafịama mịẹ ye mẹ mịẹ tọrọkọ-tọrọkọ mu, si-mịẹapụ ma amụ ini ịn saakị sin-a ẹrẹsị.

Jerimaya 6:29 Iomraidhean Croise

Egberima-Ẹkwẹn 17:3

Fịnị mie tomi kẹ golu na seleḅa sime-ḅara tọn-ḍikiarị, tẹ tomḅọ ḅioḅẹngbọ mẹ KỊNỊNYANAḄỌ ḅe mie anị tọn-ḍikiarị.

Ayịzaya 49:4

À ḅẹẹm, “À kọrịnama kọrị tẹẹ, kụma anị gbọrụ iḅi sọ mịẹ-a ḅara ḍikii!” Àrị ị̀ ịnyọ mẹmgba fama tẹẹ, kụma à kọrị pakama gberie-sọ ofori. Anịsọ, àrị inetẹ KỊNỊNYANAḄỌ ḅe kẹ ḅiokpọma ḅa mịnẹ ori ị̀ ḍụa ḅa; ori à mịẹarị ye mẹ ḅẹ gbẹẹ-ye kẹ ị̀ pịrị ḅa.

Jerimaya 15:19

Miemẹ KỊNỊNYANAḄỌ ḅe pakịrịm, “Ị́ pịkị-ḅo ḅẹḅẹ, à siin ị́ ọkị ḅa, tẹ ị́ pịkị siin ị̀ fịrịmẹnjịḅọ sọ ḅa. Ị́ nwẹnị nimi ofori ẹkwẹn kọn-a tẹ kọn na-iḅi ẹkwẹn kọn-arị ḅẹḅẹ, í siin ị̀ ịkịankoroḅọ sọ ḅa. Tomi ma pịkị ị́ dama-ḅo ḅa, anịsakị ị́yẹrị rẹ gotẹ ịn dama-mu mu ye ofori.

Jerimaya 9:7

Miemẹ gotẹ Kụrọmamgba nyana KỊNỊNYANAḄỌ ḅe mẹẹ, “Àrị ì atomi tẹlẹma ḅa, kiri ḅio soku pakama-ḅo ye la ye ọkụ tẹ ịn tọn-ḍiki ḅa. À pịkị tiye kẹ ini na mịẹ ḅẹ?

Izikẹlị 24:12

karakaraye anị ḅẹ asarị mẹmgba so fama ḅịa sọ kọrị-fịnị mẹ ḅio.

Izikẹlị 24:13

Jeruselemu, ị́ kọn sẹfị si mẹ í pilema tẹẹ. Tụkụmaye àrị ị́ kpaịnma ḅẹ mịẹm sọ ị́ paa pile tẹ simearị. Ị́ ḅarị jen kẹ kpaịn ḅịa nwenii ị́ ị̀ ịganị ḅẹ kụrọ laa ḅiri laa ḅiri da sakị la ḅa.

Hosiya 11:7

Ini ịgbanịarị ini ị̀ ḅụ pịkị so. Ịna kọngọ jịjịmarị kọngọ-kpọ-sịn mẹ gotẹ ini oloku pakama ḅa, kụma gbọrụḅọ-sọ anị saakị sin ịn pịrị ḅịa.

Zẹkaraya 13:9

Anịsakị à fịịa-so gbọrụ anga mẹ daaḍiki ḅa. Àrị ịn daaḍiki ḅa golu daaḍiki ḅara. Anịtẹso ini ị̀ tẹkẹ ḅa, tẹ àrị ịn pakịrị ḅa. À ḍuko ịn pịrị ḅa mịnẹ ini ị̀ atomi, tẹ ini nwẹnị ḍuko pakama ḅa mịnẹ yẹrị ịna Tamụnọọ.”

1 Pita 1:7

Ọ́ karakara minini nyana na nyana-a na, mie in nimi ḅẹ tẹ ọ́ daaḍikiarị. Golu tẹ inetẹ gulugulu fa ḅarịye mẹ sọ, ịn fịnị kẹ anị daaḍikiarị tẹ ọmịna minini mẹ, tẹ yela kpọma golu nẹngị ye mẹ rẹ mie ịn daaḍiki tẹ nimi ḅẹ ye anị ene la ḅarị ḅoto. Anị ọkọ paka tẹ ḅẹḅẹ, ó tokini na, ebube na, kụn na nyana ḅa, Jizọsị Kịrayịsị amịna ḅụụ ḍie-pakama ḅarị Ene mẹ ḅụ.

1 Pita 4:12

Ị̀ iḅi ikiapụ, ọ́ nwẹn daarị akụ daaḍiki mẹ ḅẹ tọrụsiẹrị mẹ anị ọmịna aḅụụ kịrị ye sọma, gbala paka-paka-a ye ọmịna ḅụụ paka tẹ ye ọkụ.

Ḅẹrẹkọn-apụ 17:4

Anieḅụ ori igbigi mẹ pịkịma ò iyingi pịrị tẹso, ò iyingi ma nwẹnị seleḅa pakịrị oyia asi ọkị, tẹ anị kẹ seleḅa tẹmẹḅọ pịrị oriḅe tẹ kpokobia kara tẹ kẹ anị tẹmẹḅọ ḅe; tẹ anị Mayịka warị ḅio simem.