Jerimaya 6:26 - FỊAFỊA BAỊBỤLỤ

²⁶ KỊNỊNYANAḄỌ ḅe ori atomi ḅẹẹarị, “Ọmịnị akpa ḅiri tẹ fọọn ḅio kpeleki. Ọ́ tẹmẹ-akụarị owu-minji ḅụ kururu, gbala tomḅọ amịna kpọkpọ gbọrụ owiḅọtụḅọ owuarị pembe ḅara, bẹkẹ-ḅara-kẹ owu kẹ ọ́ paka tẹ ọ́ ḅaa guluguluma ḅẹ apụ ma gotẹ.

Jerimaya 6:26 Iomraidhean Croise

Suku-saakị 21:16

anịtẹso á nwẹnị ọ̀ ḅụ kuḅu amesi oyi finji pembe ye kẹ mẹnjị ḅele, tẹ lẹgị-sime tẹ owu sịnịsịnị; gbala arị mẹẹ, “Yee à sime tẹ tọrụ kẹ tụḅọ ḅe fịị mẹ ḍiki ma.” Tẹ arị ọ̀ ḅụụ ḅele mu ori na dama tẹ lẹgị ḅara mẹ, tụḅọ ḅe nwẹnị pọkọ saakị tẹ tẹmẹ-la ḅara kẹ owu.

Jobu 15:21

Tẹmẹ-naịn-naịnmarị ye fie ḅara ori aḅeri ḅio emi, ye-sima ḅọ ọ̀ lọkọlọkọ ḅio sọ ḅo ḅa.

Jobu 2:8

Jobu nwẹnị mu fọọn ma ogboku lẹgị, tẹ paịntẹ ḅẹlẹ pakịrị kẹ ori oju kụrọrọ.

Ayịzaya 22:12

Ọkọ ẹrẹsị, Kụrọmamgba nyana KỊNỊNYANAḄỌ, Tẹịn ḅẹrẹtọnḅọ ḅe ọ́ sịn simem mịnẹ ọmịnị owu tẹ kururuu, ọmịna sịḅị-ḅẹ-inume sẹịn-siin tẹ akpa ḅirii.

Ayịzaya 22:4

Mịọkụ ọ̀ wẹrịso tẹ arị ngẹrị sime tẹ tẹmẹ-akụ ḅara kẹ ị̀ atomi mamgba tẹ fịtẹ apụ owu. Ọmịnị ì dedema ma.

Ayịzaya 3:24

Ịn sẹntị asana ḅẹ nakara, ịn fụrụ ḅa; ini iḅi ḅiri-ponoye kẹ ḅiri pono ḅẹ nakara, ịn kụrọtẹ ḍiki kẹ ḅiri kpọọ ḅa; ini iḅi sịḅị-ḅẹ-inume sụa ḅẹ nakara ịna asịḅị firi ḅa; ini iḅi kapa sụa ḅẹ nakara, ịn kụrọtẹ ḍiki kẹ ḅiri kpọọ ḅa; ini iḅi sịḅị-ḅẹ-inume sụa ḅẹ nakara ịna asịḅị firi ḅa; ini iḅi kapa sụa ḅẹ nakara, ịn kanị-kanịtẹ aị ḅiri ḅa. Ịna Iḅi, pịkị-ḅo ḅụụ-jịrịma ye sọ ḅa!

Ayịzaya 30:13

Ḅẹrẹ ọmịna aḅara si tẹẹ. Ọ́ kịkarị ye anie gele wararị onu akaka tẹ ọgọnọ gẹẹ ideri-ḅo suku la wararị ye; ḅiotọn-a sakị ḅụ ọ́ ḅịkị gbere-gedeima sara ḅa.

Ayịzaya 32:11

Ọ́ ḅụụ ḅaa-a ḅara kẹ anga simem, gberie-sọ ḅụụ fụkama-a ḅara ḅụ, kụma mịọkụ ọ́ ḅalafa ḅụ oju sẹkị! Ọ́ kapa siin fama tẹ akpa kẹ ḅiri ọkị.

Jerimaya 12:12

Ịkpa mẹ ḅẹ gele akiri ma mẹnjị saḅa ḅo ye fọịn ḅẹ owiapụ ḅo tẹ. Arị ọmụ kẹ fịrịma bebe amakiri mẹ guluguluma ḅẹ ḅo tẹẹ; gbọrụḅọ-sọ inetẹ dein ḅụ anga ḅịa.

Jerimaya 13:17

Ó poki ḅịa ḅẹḅẹ, à ḅọị ḅara kẹ ọmịna ḅụụ-gelema mẹ gotẹ owu ḅa; à tẹmẹ-akụ ḅara kẹ owu tẹ ị̀ tọrụ ḅẹ owu minji mẹ ogilolo puu mẹnjị ḅa, ịn KỊNỊNYANAḄỌ atomi ma kun-so tẹ ẹrẹsị.

Jerimaya 14:17

KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.

Jerimaya 15:8

Ọmịna amakiri mẹ ḅụ diapụ-fịtẹ-ereme kịẹn-ḅịḅị tuḅu ọgọnọ ḅẹ onwin mgbọlị ma kịẹn-ḅịḅị nẹngịm. Yẹrị ọmịna asawọ ma ḅaam ịna asambịrịma sakị ḅụ tẹ mịẹ tẹ ịna iyingiapụ tọrụsiẹrịm. Ḅiotọn-a ḅara mie à kẹ in fomu ye kururu na opu ḅalafama ye na ḅụ

Jerimaya 18:22

Si atomi ogbo kẹ fịrịma mu ịna awarị fọịn ini ịba naa-a ḅara ḅụ; ịn mịẹ tẹ ini opu ḅalafa kẹ oloku pakama. Ini olulu soku ị̀ pịrịtẹ à ḅịkị sọ ḅẹ ḅara, pịkị ḍiein tuu tẹ kẹ ì kun ḅẹ ḅara.

Jerimaya 30:5

“À tẹmẹ-naịn-naịnma owu pọkọ naam, ḅalafa owu pọkọ tẹ dein ye-a.

Jerimaya 4:11

Sakị mẹ ḅoarị, anie in ḍuko Jeruselemu ḅụ ḅẹ apụ ma pịrị ḅarị sakị mẹ mịnẹ oju dọkịma ḅara kẹ ọfịrịarị fẹrụ ịkpa mẹ ḅio sime tẹ fiema ịn dama-ḅoarị. Anị mẹmẹ fẹrụ tẹ fun dogi-soarị ye ngẹrị sọ ḅịa;

Jerimaya 4:20

Gbọrụ opu ḅụụ-fụka jen pono ḅoarị; bebe yọ mẹ kaan-sara simearị. Ḅiotọn-a ḅara ḅụ ịn wamịna akpụrụ-awarị ma kaan-guluguluma tẹẹ; kẹ kiki-pẹlẹ-aḅịtẹ ma sọ ịn kanị-sara tẹẹ.

Jerimaya 4:8

Mie ḅụ ọmịnị akpa ḅiri, tẹ lee-leema owuu, KỊNỊNYANAḄỌ ḅe owi ịganị mẹ amụ Juda ḅụ pịkị-so-a ẹrẹsị.

Jerimaya 6:14

Ịn mịẹarị ḅara gbala ì atomi ma la aị ma papaa ọgọnọ-ọgọnọ ye oju-kiri gọrọrọ ye ọkụ. Ini mẹẹ, ‘Ye-mẹmgba iḅi wararị’, ye-mẹmgba iḅi-a ogbo ḅụ.

Jerimaya 8:19

Pokii! Bebe amakiri mẹ ikelema-koro à naarị ì atomi owu pakamarị, KỊNỊNYANAḄỌ ḅe ọ̀ ḅarị jen kẹ Zayọnị ḅụ ofori? Zayọnị amadaḅọ ḅe ọ̀ ḅarị jen kẹ anị anga ofori? KỊNỊNYANAḄỌ, ịna amadaḅọ ḅe, pakịrịarị, “Ó tiegotẹ ị̀ ịganịma, anie sunsin ọmịna oru-afụḅara ma pịrị, pịkị iḅo ọmịna ofori-ofori ja asịẹ ḅẹ atamụnọ ma pịrị ḅụ?”

Jerimaya 8:21

Ì ḅioḅẹngbọ kan kọsị tẹẹ, ini ị̀ atomi kọsịma tẹẹ ẹrẹsị; à kururuarị, ì ḅioḅẹngbọ ḅịkị fama tẹẹ.

Jerimaya 9:1

À ḅiiarị mimgbe ị̀ sịḅị minji emi suḅe sọm, tẹ ị̀ atọrụngbọ ma owu-minji ngụngụḅa sọm, mịẹ tẹ àrị inetẹ eneḅaka na ḍin na kẹ owu ị̀ atomi ịn ḅaa tẹ apụ ma pịrị tẹẹ.

Jerimaya 9:10

À ḅẹẹm, “À tụndụ ma gotẹ kururu ḅa tẹ owu iḅi-osuka-akiri ma pịrị ḅa, arị samụnọ-kpakịkịtẹ ẹrẹsị, tẹ gbọrụḅọ-sọ ye-muarị tẹ arị ḅụ mẹnjị tolu ḅọrọ-a. Kịnị ḅarị jen kẹ opu anama olokuarị ye naa-a; feni amẹẹ na piri-ḅio-ḅẹ anama na sọ mangị-so fama tẹẹ.”

Kururu Owu-apọkọ 1:16

“Mịna aị ma gotẹ à tẹmẹ-la ḅara kẹ owum; owu-minji pre-pre-prema ị̀ tọrụ saram; ì dedema ḅẹ ḅọ sọ ị̀ na kpeki-a, ì ḅiokpọ mẹ sịn-saakịma ḅarị gbọrụḅọ; ị̀ awọmẹ fị fama tẹẹ, gbala owu ọmụḅọ ḅe ḅara iḅi tẹ ẹrẹsị.”

Kururu Owu-apọkọ 1:2

Ḍin ḅụ árị akụ ḅara kẹ tẹmẹ-la owu kọnm, owu aminji á tọrụ ḅụ puu-puu saram. Á ḅẹlẹma apụ mamgba ogbo-ḅio ḅụ, gbọrụḅọ-sọ kọn tẹ á dedema-a; árị ikiapụ mamgba oḅori kẹ á sịn ḅara kẹ árị na mịẹ tẹẹ; ịn ḅo árị na fịya-a apụ sọ tẹẹ.

Kururu Owu-apọkọ 2:11

Owu ḅụ ị̀ atọrụngbọ agụnkwọ ḅịya tẹ foin tẹẹ; ị̀ ḅala sịḅịḅio pikiri tẹ owuarị inweni-ogbo ḅio emi ḅioḅu ḅụ ì ḅioḅẹngbọ ḅịkị koro tẹ, ị̀ atomi ma ẹrẹḅọtụḅọ ma gulugulu mẹ ẹrẹsị, gbala ḍọkọḍọkọ-awọmẹ na, ndo-ndoarị awọmẹ na naịn-naịn-ḅọrarị opu ama mẹ ḅẹ etela-ogbo ḅụ.

Kururu Owu-apọkọ 3:16

Ọ̀ mịẹ tẹ ị̀ aka onwimgbọlị tokuru tẹ, tẹ mịẹ tẹ à fọọn ḅio ḅụụ kikimam.

Kururu Owu-apọkọ 3:48

Ị̀ atomi ma ẹrẹḅọtụḅọ ma gotẹ, owu-minji nwẹnị ị̀ atọrụngbọ ḅụ tọrụkuḅu ḅẹ minji sara ḅara kẹ sara.

Kururu Owu-apọkọ 4:10

Ḍiki-ḅụụjịrị nyana kịnị pịrịarị ereme, ini ḅarana iyi awọmẹ kẹ ḅẹlẹ ḅio sụa sọọm ini ḅo ịna fịye sọm ị̀ atomi ma ẹrẹḅọtụḅọ ma fịị mẹ ḅụ.

Kururu Owu-apọkọ 4:3

Jakalị nwẹn-sịn obiri kịkarị piri-ḅio-ḅẹ nama ḅe sọ ndo pịrịarị, tẹ ndo kẹ ịna awọmẹ pịrịarị, kụma ị̀ atomi ma ẹrẹḅọtụḅọ ḅo guda-guda ḅara sime tẹẹ, ịkpa ḅio okpo ma sime-ḅara.

Kururu Owu-apọkọ 4:6

Gbala ị̀ atomi ma ẹrẹḅọtụḅọ ma fomu-ḅara mẹ ḍụḅa Sọdọmụ tẹ gbọrụ sakị ngẹrị ḅụ fa ye mẹ fomu-ḅara nẹngị tẹ ẹrẹsị, ḅara kẹ anị ọgọnọ gbana jụmọ ofori.

Emọsị 8:10

Àrị ọmịna alalị ma pịkị-ḅo ḍụẹịn ḍiḅi asakị sọma ḅa tẹ ọmịna ḅioḅẹlẹ anume ma ḍima ḅo kururu owu sọma ḅa. Àrị ọ́ mịẹtẹ ọ́ sịḅị sẹịn tẹ akpa ḅiri ḅa, tẹ ó ḅo ḍaḅọ-na-iyingiḅọ-na amịna ngẹrị owiḅọtụḅọ ḍuarị apụ kịka ḅa. Anị ene mẹ akụ nwenii ḅo kunoma ḅa.”

Jona 3:6

Ninive ḅẹ amadaḅọ ḅe anị gboloma ye naa sakị, ọ̀ nwẹnị ori emine ọgọnọ saakị, ori ama-da kapa sin, akpa ḅiri, tẹ fọọn ḅio lẹgị-sime.

Zẹkaraya 12:10

Devidi furo-ḅẹ-apụ ma na Jeruselemu ḅụ simearị osi apụ ma na arị ọkụrụkụrụ tẹmẹ na tẹkẹ tẹmẹ na kẹ ịna aḅụụ suu ḅinma ḅa. Ini ini ogie kẹ temi ḅaa ḅọ ḅe ḍiki ḅa, tẹ ò ḍuu ḅa, ngẹrị tụḅọ ḍuu ḅara kịka ḅara. Ini akụ tẹmẹ kẹ ḍuu ḅa, amịna mgbe fịị ḍuuarị apụ kịka ḅara.

Luku 7:12

Ọ̀ paa ḅo ama mẹ ḅe ogigo-ḅọkọ mẹ la gbọrụ sakị ḍụẹịn dogi tẹ kẹ ḍiḅi ḅẹ-muarị apụ ọgbụrụ-sụn tẹ paka-ḅoarị. Fịịḅọ ḅe anie diḅọ-fịtẹ-ẹrẹḅọ ngẹrị tụḅọ, tẹ opu tomina-ogbo á gbori tẹ árị na ḅoarị.

Jemụsị 4:9

Ó kururuu, ọmịnị olokuu, tẹ owuu; ọmịnị ọmịna ḍẹrị ḍima tẹ kẹ owu sọmaa, pịkị ọmịna ḅioḅẹlẹ kẹ tọrụ-fụrụ sọmaa!

Jemụsị 5:1

Anịsakị mịọkụ, ọmịnị ngọ-kọn apụ, ọmịnị ì pokii! Ọmịnị ó ponoma ḅẹ ḅoarị atọrụsiẹrị ma gotẹ owu tẹ kururuu!