Biblia Todo Logo
Bìoball air-loidhne

- Sanasan -




Jerimaya 6:25 - FỊAFỊA BAỊBỤLỤ

25 Paka piri ọgọnọ mu kịngẹ sọ wa ḅarị ḅiokpọmatẹ paka mu-a, kịnị-na-fịya-a apụ ma owuna-aị ọlọ tẹ wa ikelema-koro wararị ye mẹ ḅẹ tẹmẹ-naịn-naịn gotẹ.”

Faic an caibideil Dèan lethbhreac




Jerimaya 6:25
20 Iomraidhean Croise  

Arị asakị ma ḅụ, mẹnjị-sọḅo ḅọ dein nyana-a, mẹnjị-paka ḅọ sọ dein nyana-a, gbala gburo-gburotẹ ḅụụ-fụkama aị ama-ama mamgba ḅio sime apụ ma ḅụụ emi tẹ ịna ḅụụ-fụkamarị ẹrẹsị.


Tẹmẹ-naịn-naịnma apụ anga-anga ḅụ ò ḅalafamam, tẹ ọ̀ mangị kiri ḅụ ò ḍukam.


À naarị, si kẹ ị̀ tọn tọn apụ ma kẹlẹkẹlẹ ẹkwẹn-arị; opuma ḅalafamarị apụ ì gbori ikelema-koro wararị: ini ì gotẹ ḅẹrẹ-ḅiyarị, in ḅịyarị ị̀ ḅaa ḅẹ ḅara.


Kụma ọmịnị ị̀ na tụḅụrụ ḅẹḅẹ, ọ́ fa tẹ, fịị sime ọ́ pịrịm. Yẹrị KỊNỊNYANAḄỌ ḅe ọkọ ḅẹẹm.”


À ḍụọ ḍiḅi apiri ma ḅio sọ-muarị sakị ọmụ ḅio ịn ḅaa owiapụ ḍụẹịn mie arị ẹrịarị; arị ama ma sọ-muarị sakị, ḅuru-ḅaarị apụ mie arị ẹrịarị. Ịkịankoroapụ na agbamịẹapụ na ịna kọrịnama kọrịarị, kụma ịn mịẹarị ye tiye-o tiye-o in nimi-a.


À naarị ḅẹḅọ-ḅẹḅọ ḅeri-ḅio ḅeri-ḅio ḅarị, “Anga mamgba tẹmẹ-naịn-naịnmaye! Ó yee wa ọ̀ mịẹarị ye mẹ ḍuko sịḅịdapụ ma pịrị!” Ọkị mu ị̀ na kpeki tẹịn ikiapụ la sọ à ḅịkị-koro ḅẹ ḅara ḍikiarị. Ini mẹẹ: “Ẹbịsịya kịnị inetẹ ò tuu koroma ḅa”, “anịtẹso wa nwẹnị ò kun tẹ wamịna gbẹẹfị ḅii ḅa.”


“À tẹmẹ-naịn-naịnma owu pọkọ naam, ḅalafa owu pọkọ tẹ dein ye-a.


Anịtẹso à nwẹnị ḅẹẹ, “Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ gbọrsịḅị oḅori kẹ Jeruselemu sịn fama tẹẹ! Ị́yẹrị ḅẹẹm mịnẹ dein sime ḅa, kụma okologie ịna pọkọ-ḅẹ-ololo ma bịan-sịẹ tẹ.”


Ọdụ mẹ ofuro bebe amakiri mẹ ikelemaa! Gele-pọkọ kẹ giregirema olokuu! Ḍuko Juda na Jeruselemu na ḅẹ apụ ma pịrịị ịn mangị kụrọnị opu ama ma muu.


“Kụma à tiye ẹrịarị?” KỊNỊNYANAḄỌ ḅe gbelarị. “Ịn tẹmẹ-naịn-naịn ḅụ pịkị ọḅụ daarị. Ịna ọmụapụ ma ini in dee-pịkị tẹẹ; ḅalafa ịn gbaịn tẹ ini ine-ḅara ine-ḅara kẹ fọnya mangịarị tẹ ọḅụ ḍiki-a.


Kụrọ ḅara kẹ ịna akpụrụ-awarị ma ọkịị, pịkị ịna anama ogbo-ogbo ma sọ, ịna akpụrụ-warị kiki-pẹlẹ-aḅịtẹ ma na akpụrụ-awarị ma ḅio sime ye goyegoye na. Ịna ike-sụa-anama ma ọkị tẹ ḍuko tomi ma pịrị, ‘Tẹmẹ-naịn-naịnma ye ọmịnị ikelema-koro wararị-o!’


Pakịrị-pakịrị ḅụ à tẹmẹ-naịn-naịnmaye ọkị-ḅo ọmịna ọgọnọ gbana ḅa. Ọmịnị-mgba mangị-so ḅa. Ọrụḅọ-ọrụḅọ amịna ḍumo-mangị kọn ḅa, tẹ ọmịna ọmụapụ ma kobiri kpoo ḅụ wẹrị ḅẹ gbọrụḅọ-sọ ḅarị paka ḅịa.


Tamụnọ atomi ma gbelarị, “Tiye ẹrẹsị wa paa mị yọ lẹgị-sime wararị? Ó ḅoo, wa mangị kụrọnị opu ama ma mu tẹ arị anga ḅụ fịị. KỊNỊNYANAḄỌ, wamịna Tamụnọ ḅe, fịị ḅẹrẹ-pẹlẹ wamịna ọgọnọ gbana tẹẹ; ọ̀ kịnị-ḅaaḅa ye kẹ wa pịrị ḅuu tẹẹ, wa si kẹ ọ̀ mịẹ tẹ ẹrẹsị.


Wa dein nyana ḅẹ ḅiokpọ nyanam, pịkị gwọ sakị na, kụma anị gbọrụ iḅi sọ nyana-a; anie nakara tẹmẹ-naịn-naịnmaye.


Ị́ wẹrịtẹ alalị ene ḅụ kịnị sịn kobiri ḅara, mie pakịrị-pakịrị ḅụ í tẹmẹ-naịn-naịn sịn ì gbori ḅara tẹ KỊNỊNYANAḄỌ ḅe ịganị ene mẹ ḅụ, gbọrụḅọ-sọ mangị-soa, anịanịa ḍumo-sime; inima tẹ à bala tẹ ḍikiḍiki pakama-ḅo apụ ma, ị̀ na fịya-a ḅọ ịn ḅaa famam.


Yẹrị sọ ị̀ aḅara farị ḅa, tẹ ịganị ḅọrọ ḅa. Yẹrị KỊNỊNYANAḄỌ ḅe ọkọ ḅẹẹm.”


Ini akpa ḅiri ḅa, tẹ ịna bebe oju gbẹdẹ-gbẹdẹ ḅa. Ini ịna asịḅị sẹịn-siin ḅa, tẹ inimgba tọrụ-tuu ḅa.


Sakị ḅo ḅa, tẹ ị́ na fịya-a apụ anga na, anga na ḅụ í gbori-ikelema tẹ, etela kiki ị́ pịrị tẹ, mẹnjị ḅo ị́ bịan sịẹ ḅa.


Lean sinn:

Sanasan


Sanasan