Jerimaya 6:22 - FỊAFỊA BAỊBỤLỤ

²² KỊNỊNYANAḄỌ ḅe mẹẹ, “Ọgọnọ-jụ gbọrụ sịẹ ḅụ kịnị ḅoarị; opu kụrọ nyanatẹ gbọrụ sịẹ sụma-jụ tẹlẹma ọmụ pịrịarị.

Jerimaya 6:22 Iomraidhean Croise

Nehimaya 1:9

kụma ọ́ pịkịma ị̀ ḍọkụma-ḅom tẹ ì oloko ma koko tẹ arị mịẹ-mịẹ, ọ́ gala-gala mu ala-tẹịn So-atọrụ ma suku-ḅio sọ-sọ, arị arị ayọ ma ḅụ ó kobiri ḅo à ḅẹẹm ị̀ ẹrẹ mẹ sime ḅẹ tẹ à sẹlẹ-ọkị anga mẹ ḅụ koroma ḅa.’

Jerimaya 10:22

Ó poki-ye! Ḅịḅị ḅo tẹẹ! Tomikiri mẹ ọgọnọ-jụ ḅụ gbọrụ sịẹ ḅụ opu gbiri-gbiri-gbiri paka tẹẹ; anị ḅẹ ọmụ-ogbo mẹ Juda ḅẹ opu ama ma kẹ ịkpa mịẹ ḅa, piri-obiri angarị anga.”

Jerimaya 13:20

“Jeruselemu, ḍiki-o! Si kẹ ị́ tọn apụ ma ọgọnọ-jụ sime tẹ ideri-ḅoarị-o! Ịn kẹ ị́ ḅarasụa apụ ma ndẹẹ ini, ị́ kẹ ḅụụ-tọn-arị apụ ma?

Jerimaya 25:32

Kụrọmamgba nyana KỊNỊNYANAḄỌ ḅe ḍukoarị mịnẹ opu ḅụụ-fụka ḅoarị, anị gbọrụ sịẹ la tẹso, anị pịkị osi sịẹ la ḅa, tẹ opu erise fie ḅẹ-yearị tomikiri mẹ ḅẹ sụma-jụ ḅẹ ịkọlị ḅụ.

Jerimaya 25:9

“Arị ó gotẹ ḅịḅị kẹ tomikiri mẹ ḅẹ ọgọnọ-jụ simearị apụ mamgba na ị̀ fịrịmẹnjịḅọ, Babịlonịya ḅẹ amadaḅọ Nebukadineza na fịrịma ḅoarị. Àrị ini ọkị-ḅo tẹ ini owu kẹ Juda na anị ḅio angarị apụ na anị na kpeki wararị asịẹ mamgba na paka ḅẹ-yearị. À mị sịẹ mẹ na anị na kpeki wararị si na guluguluma ḅẹ-yearị, tẹ arị wẹrịso tẹ arị fa gbamaso ḅa, ḍiki-tọrụ ḅụ kpọma ḅalafama tẹ ḅụụ-ịnọ ḅarịye. Yẹrị, KỊNỊNYANAḄỌ ḅe ọkọ ḅẹẹm.

Jerimaya 30:5

“À tẹmẹ-naịn-naịnma owu pọkọ naam, ḅalafa owu pọkọ tẹ dein ye-a.

Jerimaya 4:16

In ḅo sịẹ-sịẹ ma ḅeri nụnụ tẹ ḍuko Jeruselemu pịrị ḅa mịnẹ kịnị na fịya-a apụ ala-lamatẹ yọ ḅụ sime tẹ ḅoarị. Mịna kịnị-na-fịya-a apụ ma oloku Juda ḅẹ opu ama mẹ da ḅa,

Jerimaya 4:6

Ḅọrọ mu etela mẹ tọkịma Zayọnị pịrịị. Ḍumo mangị kọn! Sakị fama ma! KỊNỊNYANAḄỌ ḅe opu ḅụụ-fụka na opu ḅaa-guluguluma na ọkị-ḅoarị ọgọnọ-jụ ḅụ.

Jerimaya 47:2

Ori mẹẹ, “Ḍikii! Minji mẹ sun-sun gelearị mẹ ọgọnọ-jụ ẹgẹnẹ-minji kịka tẹ tọrụ ḅara kẹ owi ma ḅo ḅa. Anị ama kiri mẹ gbaịn ḅa anga-anga ḅụ na anị ḅụ sime ye na, opu ama ma na arị aḅio angarị apụ na. Kịnị ḅarasụa gotẹ oloku pakama ḅa, tomikiri emi ḅọ goḅọ-goḅọ tẹmẹ akụ ḅara kẹ owu ḅa.

Jerimaya 5:15

Izirẹlịapụ, KỊNỊNYANAḄỌ ḅe ala-lamatẹ anga ḅụ gbọrụ sịẹ kẹ owu kẹ ọ́ paka ḅẹ ḅoarị. Anie kpọma kụrọtẹ elemu sakị ḅẹ sịẹ, ọmịnị ịna ẹkwẹn-ḅịḅị nimi-a sịẹ.

Jerimaya 5:16

Ịna iboli tẹịn-apụ ma opu kụrọ nyana wararị ọmụapụụ, ọkụrụkụrụ ofori ḅara kẹ kịnị-ḅaaḅa apụ.

Jerimaya 6:1

Benijamịnị ḅẹ apụ, ọ́ mangị ye ọ́ la ḅịa yọ muu! Ó Jeruselemu ḅụ mangị-soo! Ó Tẹkowa ḅụ ọdụ ofuroo, tẹ Bẹtị-hakeremu ḅụ fịnị tọnọọ anị kọrị gele tẹ elekima sọ. Opu ḅụụ-fụka na guluguluma na ọgọnọ-jụ ḅụ sime tẹ ḅo ḅẹ-yearị.

Izikẹlị 21:31

Ị̀ ịganị mẹ ọmịna aḅụụ ịnọ ḅa à kiki ofori ḅara kẹ anị wẹrịso tẹ anị ọmịna ọgọnọ fịnị kịka tẹ kọrị ḅẹ sakị. Tẹ arị ọ́ saḅama piri-ḅio-ḅẹ si anama ḅara kẹ kịnị na mịẹarị atomi pịrị ḅa, ḅaa-guluguluma nimi ḅara ḅa tẹ apụ.

Izikẹlị 23:22

“Mịọkụ ọkọ ẹrẹsị, Oholiba, mie yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe kẹ ị́ ḅẹẹarị ye naa. Arị ị́ ḅẹlẹmapụ ma ini ị́ pọkọ-tama tẹẹ, kụma àrị ịn mịẹ tẹ ini ịganị nyana ị́ pịrị ḅa, tẹ àrị ini ọkị-ḅo tẹ ini í gbori-ikelema ḅa.

Habakọkụ 1:6

À Babịlonịya ḅẹ apụ ma ọkị-ḅo kụrọ ḅara ḅụ simearị apụ sọma ḅẹ-yearị, arị ḅalafamarị tẹ gbene sime-sime-a atomi ma. In tomikiri mẹ mẹnjị saḅa ḅọrọ mu jen-apụ amakiri ọkịarị.

Ditẹrọnọmị 28:49

Ala-jụ tomikiri mẹ ḅẹ kunoma ḅụ mie KỊNỊNYANAḄỌ ḅe gbọrụ opu sịẹ ọkị-ḅo ọ́ da-paka ḅarịye, igo fiin ḅara fiin-arị opu sịẹ, ọmịnị ịn fiearị ama-ḅịḅị fiearị ye naa-a ḅẹ gbọrụ opu sịẹ.