Jerimaya 6:2 - FỊAFỊA BAỊBỤLỤ

² Kpọma-ḅẹlẹmarị Jeruselemu mẹ anị iḅi wararị, kụma ini anị kan guluguluma ḅa;

Jerimaya 6:2 Iomraidhean Croise

Ayịzaya 1:8

Kpọma-ḅẹlẹmarị Jeruselemu kịngẹ kọn tẹẹ, ama kan ọmụapụ ikelema-koro tẹ ama. Anị sime-ḅara gbala ḍụaye ofori tẹ papaa simearị kụrọ-ḍụọ-koruḅọ kala warị ọkụ, anịanịa kukumba nwẹn-sịn sịnmgbọlụ sụarị sịn ḅẹ ḍụọ ḅio nama koroma sịḅị-kikima-yọ.

Jerimaya 4:31

Àrị owu pọkọ naam, iyi la tẹ ẹrẹḅọ ọkụ, Oloku ḅịḅị mẹ kịrarama fie ḅara tarị tụḅọ iyiarị ẹrẹḅọ ọkụ. Anie kpọma-ḅẹlẹmarị Jeruselemu owu pọkọọ, kụma á ḅụụkụrọma ịnyọsararị, arị á ḅara sụn-pakama tẹ ḅẹẹarị, “À ḅarị ḅọrọma ḅịa! Ini ị̀ ḅaa ḅẹ ḅoarị!”

Kururu Owu-apọkọ 2:1

Ndẹẹ KỊNỊNYANAḄỌ ḅe ori ịganị ḅụ kpọma-ḅẹlẹmarị Jeruselemu mẹ kẹ kpiti-so ḅụ kuroma ḅara! Ori Izirẹlị ḅẹ ḅịyarị ebube mẹ kẹ So-ḅio wakị kiri-ḅio kuroma tẹẹ; ori ịganị ene mẹ ḅụ, ọ̀ kẹ ḅụọ gbanamarị ịkasiye mẹ sọ ọ̀ kẹ ḅiokoroma-a.

Kururu Owu-apọkọ 2:13

Àrị í gotẹ tiye ẹkwẹn tẹ tiye kẹ ị́nịna pii-pii ḅẹẹ ḅẹ, yei kpọma-ḅẹlẹmarị Jeruselemu? À tiye kẹ inetẹ í kịkama ḅẹ, mịẹ tẹ àrị í dedema ḅẹ ḅara, yei Zayọnị ḅẹ ḅụụ-gboloa ẹrẹḅọtụḅọ? Kẹ gotẹ ọkọ ḅẹẹarị, opu tọrụ mẹ finjima la ḅara, mie ị́ ḅụụ si-aị ma ḍụḅa la ḅara; tụḅọ inetẹ ị́ kẹ í sime-sime ḅara wẹrị ḅẹ?

Kururu Owu-apọkọ 4:5

Inima tẹ iḅi afịaị kẹ alalị fị apụ ma, etela ma ḅụ fịị-faa tẹẹ; inima tẹ ịn ḅụụ-ḅẹlẹma ḅara kẹ ḍikiḍiki pakama-ḅo apụ ma, fọọn-fọọn-fọọn sara ọgọnọ ḅụ ḅọlọlọ tẹẹ.

Ditẹrọnọmị 28:56

Ọmịna ogbo-ḅio ịn ḍẹkị tẹịn tẹ tịrẹ ḅara kẹ ḍikiḍiki ẹrẹḅọ ma, tẹ ḅụụ kuroye la-a tẹ tịrẹarị ẹrẹsị ḅụọ-kuḅu kẹ kiri lama ḅara ḅii ḅịa ẹrẹḅọ ma mbụrụmbụrụ á ḅio nimi diḅọ ḅe na, árị iyi owiḅọtụḅọ ḅe na, arị iyi ẹrẹḅọtụḅọ ma na pịrị ḅa,