Jerimaya 6:18 - FỊAFỊA BAỊBỤLỤ

¹⁸ Mie ḅụ KỊNỊNYANAḄỌ ḅe ḅẹẹm, “Ọmịnị sịẹ-sịẹ ma, ó pokii, tẹ ì atomi ḅụ paka ḅẹ-yearị ye mẹ ḅụ ye ḍawọọ.

Jerimaya 6:18 Iomraidhean Croise

Ayịzaya 5:3

Mie ḅụ mịọkụ ì ikiaḅọ ḅẹẹarị, “Ọmịnị Jeruselemu na Juda na ḅio angarị apụ ọmịnị ị̀ kụrọ ḍụọ na ị̀ na ogboku simearị ḅẹrẹ mẹ kọn.

Jerimaya 31:10

KỊNỊNYANAḄỌ ḅe mẹẹ, “Tomikiri ḅẹ asịẹ, ọmịnị ì pokii, tẹ ị̀ ẹkwẹn ma ḍuko wasama mu ala-jụ simearị dọkụ mu sọmarị ayọ ma lama. Yẹrị ị̀ atomi gala-galam, kụma arị in kobiri ḅa tẹ in kikima ḅa anana-ḍikiḍikiḅọ amịna anana-ogbo kikima ḅara.

Jerimaya 4:10

Anịtẹso à nwẹnị ḅẹẹ, “Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ gbọrsịḅị oḅori kẹ Jeruselemu sịn fama tẹẹ! Ị́yẹrị ḅẹẹm mịnẹ dein sime ḅa, kụma okologie ịna pọkọ-ḅẹ-ololo ma bịan-sịẹ tẹ.”

Jerimaya 4:16

In ḅo sịẹ-sịẹ ma ḅeri nụnụ tẹ ḍuko Jeruselemu pịrị ḅa mịnẹ kịnị na fịya-a apụ ala-lamatẹ yọ ḅụ sime tẹ ḅoarị. Mịna kịnị-na-fịya-a apụ ma oloku Juda ḅẹ opu ama mẹ da ḅa,

Jerimaya 6:17

Anịtẹso KỊNỊNYANAḄỌ ḅe ama-koru owiapụ tọnm ịn ḅeri nụnụ ọdụ mẹ poki. Kụma ini mẹ, “Wa poki ḅịa.”

Jerimaya 6:19

Kiri, pokii! Ịn ḅọị ḅara kẹ tọn tẹ mịẹ ḅẹ aị ma gotẹ à fomu-ḅara ọkị-ḅo mịna atomi ma pịrịarị, ini ì tolumaye sịkị tẹ ị̀ ẹkwẹn ma poki tẹ arịḅẹ ḅara mịẹ à ẹrẹsị.

Mayịka 6:5

Yei, ị̀ atomi, Mohabụ ḅẹ amadaḅọ Balakị ọ́ mịẹ ḅẹ tọn ye, tẹ Bẹyọ owiḅọtụḅọ Balamụ ḅe kẹ ọ̀ pakịrị ye ó gbeke kẹ ḅiokoroma? Sitimu ḅụ ọkị mu Giligalị la ḅụ Akasiya ḅẹ Akpụrụ-warị ḅụ paka ye mẹ ó gbeke kẹ ḅiokoroma? Ọ́ mịna aị ma kẹ ḅiokoroma, tẹ ọ́ ḅọrọma gotẹ à kọrị aị ma lekirii.”