Jerimaya 6:17 - FỊAFỊA BAỊBỤLỤ

¹⁷ Anịtẹso KỊNỊNYANAḄỌ ḅe ama-koru owiapụ tọnm ịn ḅeri nụnụ ọdụ mẹ poki. Kụma ini mẹ, “Wa poki ḅịa.”

Jerimaya 6:17 Iomraidhean Croise

Ayịzaya 21:11

Mie Idọmụ gboloma oku. Gbọrụḅọ Idọmụ ḅụ sime tẹ ị̀ sịn tẹ ḅẹẹarị, “Ama-koru ḅọ, ndẹẹ ḍin mẹ ḅọrọ ḅẹ sakị? Ḍuko ị̀ pịrịị, mu tọ sakị la tẹ ene ḅaa ḅẹ?.”

Ayịzaya 56:10

Ori mẹẹ, “Sịḅịdapụ mamgba, kịnị ọkịarị ini ì atomi ḅeri nụnụ ḅẹ apụ ma, ịna atọrụngbọ pụụn wararị! Gberie-sọ in nimi-a. Oloku-oloku-a warị-koru-obiri amẹẹ mie ịn kịkarị — koro mono ma ḅọrọ tẹ ḍawọ kịngẹ mie ịn mịẹarị. Ịn kpọma mono ḅẹlẹma ḅara ḍikii!

Ayịzaya 58:1

KỊNỊNYANAḄỌ ḅe mẹẹ, “Ị́ ine-ḅara ine-ḅara kẹ oloku pakamaa! Ị̀ atomi Izirẹlị asi ma gboloma ye ḍuko ịn pịrịị!

Ayịzaya 62:6

Jeruselemu, í onu ma ọgọnọ arị ama-koru apụ kẹ koroma tẹẹ; In gbọsime ḅịa eneḅaka-o, ḍin-o Ịn KỊNỊNYANAḄỌ ḅe mịẹ ḅẹ tẹ minini aị ma kẹ ò ḅiokoroma nyanam Tẹ gbala-gbala ḍụkụ tẹ ori arị kẹ ḅioḅọrọma ḅịa.

Jerimaya 18:12

Ịn ḅẹẹ ḅa, ‘Ẹn-ẹn, tiye ẹrẹsị wa anị ḅara mịẹ ḅẹ? Wamịnị-mgba paa gbọrụ ḅara mẹ kẹ kọngọ-kụrọma tẹ wa ḅii ḅara ḅii ḅara kẹ sii ḅa.’ ”

Jerimaya 25:4

Ó poki ḍụkụ-a, anịanịa kẹ ye-sịn, karakaraye KỊNỊNYANAḄỌ ḅe ori afịrịmẹnjịapụ, ịkịankoroapụ ma kẹ fịrịma, siin fịrịma tẹ sọ.

Jerimaya 6:18

Mie ḅụ KỊNỊNYANAḄỌ ḅe ḅẹẹm, “Ọmịnị sịẹ-sịẹ ma, ó pokii, tẹ ì atomi ḅụ paka ḅẹ-yearị ye mẹ ḅụ ye ḍawọọ.

Jerimaya 7:28

Í ḍuko ịn pịrị ḅa mịnẹ ịna sịẹ mẹ yẹrị ịn Nyana Tamụnọ ḅe ḅịḅịpoki-poki-a, anịanịa ịn daa tẹ fomu-ḅara ḅụ ye-ḍawọ. Ḅioḅẹngbọ kẹ ḅụụ ḅụ gbana na-iḅi ḅara sime mẹ fịtẹ. Kịnị ḅarị jen kẹ anị gboloma ye ḍuko-a.

Jerimaya 8:5

Ọkọ kụma tiye ẹrẹsị, ì atomi, ọmịnị ị̀ ḅụ pịkị-so tẹ ḅarị pịkị-ḅo-a? Ọmịnị ọmịna oru-afụḅara ma fịnama sịẹma tẹ ḍụkụ tẹ pịkị ị̀ ḍọkụma-ḅoa.

Izikẹlị 3:7

Kụma Izirẹlịapụ ḅẹ gbọrụḅọ sọ minini tẹ poki ḅịa; yẹrị kịngẹ sọ ini ì poki ḅịa. Inimgba kọngọ-kụrọmarị tẹ wa ị́ mịẹ ḅẹ ye ḍiki ḅa ḅẹẹarị atomii.

Hosiya 8:1

KỊNỊNYANAḄỌ ḅe ḍukoarị, “Akusa farị ama sịn! Wamịnị na fịya-a apụ igo amẹẹ kịka tẹ gbiima fiin ḅo ị̀ amakiri ḅụ sara tẹẹ! Ị̀ atomi àrị ini na mị ọḅọkụ mẹ sima tẹ pịkị kọngọ-kụrọma ị̀ tolumaye pịrị tẹẹ.

Habakọkụ 2:1

Àrị ị̀ ama-koru tọpịịtẹ-yọ mẹ kpọlị tẹ koru tẹ ḍiki ḅa KỊNỊNYANAḄỌ ḅe ị̀ ḅẹ tẹ à ḍuko ḅẹ ye na ọ̀ kẹ ị̀ pịrị ḅẹ pakịrị-ḅịḅị na ì ḍuko-sụa mẹ ḅụ.

Zẹkaraya 1:4

Ọmịnị ọmịna elemu aḍapụ ma kịka ma. Alatẹ sakị ḅụ ịkịankoroapụ ma ì oku da-saḅama ịn pịrịm, ịn ḅẹẹarị mịnẹ ịn ḅarị jen kẹ siye mịẹ ma. Kụma ini ì poki, anịanịa à ḍuko ye mịẹ ḅẹ ḅii-a.

Zẹkaraya 7:11

“Kụma ị̀ atomi kọngọ-kụrọma tẹ ì poki ḍụkụ-a. Ini ịna akuroma gbaịnm

Hiburu 13:17

Ọmịnị ọmịna asịḅịdapụ ḅịḅị poki tẹ ịn ḅẹẹ ye mịẹ. Ini anie ọmịna atẹmẹ ma ḍikiḍikiarị apụ, ịnyọ sara-a ḅara ḅụ, ini ịna fịrị mẹ mẹnjị ḅara mẹ ḍuko Tamụnọ pịrị ḅẹ onyo-sẹịn wararị sakị goyegoye. Ọmịnị ịna ḅịḅị pokiarị kụma, in ḅioḅẹlẹ ḅara kẹ ịna kọrịnama kọrị ḅa; ọkọ-a kụma, kururu ḅụ mie ini anị mịẹ ḅarịye, tẹ aniemẹ ḅarasụa nyana ọ́ pịrị ḅịa.