Jerimaya 6:15 - FỊAFỊA BAỊBỤLỤ

¹⁵ Ịn nwẹn kẹ ḅụụ ḅụ si ḅụra tẹ aị ma mị ye mẹ ịna ḅụụ-jịrị-a aro? Ẹn-ẹn, gbala-gbala ịna ḅụụ-jịrị-a; ịna aḅụụ kịngẹ sọ ḅa. Tẹ mie ḅụ ini sọ osi-apụ ḅịkị tẹ ḅara ḅịkị ḅa; à fomu-ḅara kẹ ịn pịrị sakị, anie ịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.”

Jerimaya 6:15 Iomraidhean Croise

Suku-saakị 19:34

Anị ḅẹ ene-ḅaa ḅụ, omongi ẹrẹḅọtụḅọ ma nwẹnị arị mbịra kalaḅọ ma ḅẹẹ, “Ḍikii, ḅịẹịn ḍin yẹrị na, ị̀ ḍa na ḅọlọlọ gbolomam, yee wa ọ̀ mịẹtẹ ọ̀ pịkị mị ḍin sọ iru ḅuu, anị sakị mẹ ḅụ ị́yẹrị pịkị mu ori na ḅọlọlọ gboloma ḅa, mịẹtẹ wa wamịna ḍaḅọ ḅụụ ḅụ ḅọrọ tẹ wamịna furo pakama ḅẹ ḅara.”

Paka-so 32:34

Kụma mịọkụ soo, mu etela kẹ tomi ma ḍie anịanga mẹ tẹ à ḍuko ị́ pịrị anga mẹ muu ḍikii ị̀ enjẹlị tọrọkọ ḅụ ị́ na mu ḅa. Anịsọ, à ḅo toluma ịn ḍiki ḅarị ene la sakị, arị ịn mịẹ si mẹ kẹ ịna ọgọnọ gbana ḅa.”

Egberima-Ẹkwẹn 29:1

Kịnị ị́ daa-karakarama sakị goyegoye ị́ kọngọ kụrọmarị ḅẹḅẹ, gbọrụ ene ḅụ ị́ gbọrsịḅị gbẹẹ kọsị tẹ ḅarị saakị paka-ḅo ḅịa.

Ayịzaya 10:4

Ọmụ ḅio ọ́ fịị-a ḅẹḅẹ, ini ọ́ fọnọ so ḅa ikoliapụ ḅara ḅụ. Anịsọ KỊNỊNYANAḄỌ ḅe ịganị mẹ kunoma ḅịa; ọ̀ ḅara paa sụụn-paka ḅa, kẹ fomu.

Ayịzaya 3:9

Ịn kẹ ḅioḅẹngbọ sụa wararị aḅẹrẹ ma ḅẹrẹ kẹ ịna aḅara sima ḅa. Gege tọrụ mie ịn kẹ si mịẹarị, Sọdọmụ ḅẹ apụ mịẹ ḅara. Ịn fa tẹ, ini ḅara na anị dogi-ḅo ịna aḅụụ pịrịm.

Jerimaya 14:15

Yẹrị KỊNỊNYANAḄỌ ḅe à kẹ arị ịkịankoroapụ ma mịẹ ḅẹ ye ḍuko ị́ pịrịarị, anie à fịrịma-a tẹ ị̀ ẹrẹ ḅụ ḍuko tẹ ḅẹẹarị apụ ma mịnẹ ọmụ na ḅuru-ḅa na mị amakiri mẹ la ḅịa — àrị ịn ḅaa ḅa, ọmụ ḅio na ḅuru-ḅa na ḅụ.

Jerimaya 18:23

Kụma KỊNỊNYANAḄỌ, ini ị̀ ḅaa ḅẹ gotẹ ḅiya aḅẹrẹ mamgba í nimi wararị. Ịna si mẹ kẹ ḅioḅọrọma ma anịanịa ịna si-wẹrịso. Ịn kẹ kiri gbin owu-ḅara-sii ḅụ, tẹ ị́ ịganịarị ogbo ị́ kẹ ini na mịẹ ḅẹ ḅara kẹ ini na mịẹẹ.”

Jerimaya 23:12

Ịn mẹnjị ḅarị ayọ ma sịnịnị ḅa, pịkị kanakana ḅa; arị ịn mịẹ tẹ ịn pụmbụ tẹ ḅịkị ḅa, Àrị opu ḅụụ-fụka ọkị-ḅo ịna ọgọnọ gbana ḅẹ-yearị; in fomu-ḅara da ḅẹ sakị mẹ ḅoarị. Yẹrị, KỊNỊNYANAḄỌ ḅe ọkọ ḅẹẹm.

Jerimaya 3:3

Anie mịẹ tẹ eene ḅarị koro-a, tẹ fẹngụ aya-ḅịḅị ḅẹ nwẹịn-nwẹịn eene mẹ sọ ḅo-a. Ḍiki-tọrụ ḅụ kịngẹ sọ ị́ ama-mẹnjị-ẹrẹḅọ kịkarị; ị́ ḅụụ sọ jịrị-a.”

Jerimaya 44:10

Kụma ḅo mịmgba la sọ amụ ọ́ paa ọmịna aḅụụ lẹgịma-a. Amụ ọ́ paa ị̀ kụn tẹ à sụa ọmịna elemu-aḍapụ ma pịrị oloko mamgba ḍiki anga-a.

Jerimaya 5:29

Kụma yẹrị KỊNỊNYANAḄỌ ḅe mịna aị ma gotẹ fomu-ḅara kẹ ịn pịrị ḅa; à mị sịẹ mẹ ḅara gbẹẹfị ḅii ḅa.

Jerimaya 5:9

Mịna aị ma gotẹ à fomu-ḅara kẹ ịn pịrị na-iḅi-a, à gbẹẹfị fị na-iḅi-a nwẹn sime sịẹ ḅụ?

Jerimaya 8:12

Ị̀ atomi, ọ́ ḅụụ-jịrịm aro, ọ́ mịna kịnị-ḅụụ-siarị aị ma mịẹ ye ẹrẹsị? Ẹn-ẹn, gbala-gbala ọ́ ḅụụ-jịrị-a, tọrụ-fụrụma kịngẹ sọ ọ́ mịẹ-a! Tẹ anie ḅụ ọmịnị osi apụ ma ḅịkị ḅara ḅịkị ḅa; à fomu-ḅara kẹ ọ́ pịrị sakị anie ọmịna kunoma sọ ḅa. Yẹrị, KỊNỊNYANAḄỌ ḅe ọkọ ḅẹẹm.

Jerimaya 8:9

Ini ọmịna ye-nimi atomi ma kẹ ḅụụ-jịrị ḅio suutẹ, in pikiri-pikiri tẹ ḍiein ḅio koro tẹ. Ini ị̀ ẹkwẹn ma sịkị tẹẹ; mịọkụ ịn nyana nimi mẹ ḅọrọ tọ nimi?

Izikẹlị 13:14

À ḅiiarị arị in tọrụ kẹ ọmbị onu mẹ kan-sara, anị kọsịma gala-galama, tẹ mịẹ tẹ suku-saakị aḍụḅarị ma wẹrịso tẹ arị paụ sime. Anị fuku koro tẹ ọmịnị-mgba ḅaa ḅa. Anịtẹso ḅẹḅọ-ḅẹḅọ nimi ḅa mịnẹ yẹrị anie KỊNỊNYANAḄỌ ḅe.

Izikẹlị 2:4

Ini ma anie ḍukoye naa-a apụ, tẹ ị̀ mangịma-a, mie ḅụ yẹrị ị́ kẹ fịrịmarị, ḍuko ịn pịrị yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ịn pịrịarị ye mẹ.

Izikẹlị 24:7

Kịnị-ḅa opu ama mẹ ḅio simem, kụma ọmbie mẹ ịn lịka kiri ọgọnọ ọsụma-a, anie fọọn inetẹ anị gbaịn ḅẹ anga; papaa ịkụ ọgọnọ mie anị sara ye.

Hosiya 4:5

Ḍin na eneḅaka na ḅụ ó zuzu ma tọrọkọ-tọrọkọ muarị, tẹ ịkịankoroapụ ma iḅi ḅara mịẹ ọ́ nẹngị-a. Àrị Izirẹlị guluguluma ḅẹ-yearị, ọmịna iyingiḅọ ma.

Hosiya 9:7

Fomu-ḅara sakị ḅo tẹẹ, tomi sime ịn pịrị gbẹẹ-ye ọkị ḅẹ sakị mẹ. Anie mẹ pakarị sakị, Izirẹlị anị nimi ḅa! Ọ́ ḅẹẹarị, “Ḅị ịkịankoroḅọ ḅe oḅori ḅọ. Ḅie tẹmẹ-jikematẹ tomḅọ ḅe ọ̀ sịḅịḅio-kuḅua.” Ọmịna si ḍụḅa ḅaka ḅara ẹrẹsị ọmịnị tomi ma ì ḍiki-ḅioḅuarị.

Mayịka 3:6

Anịẹrẹsị, ịkịankoroapụ, Ọmịna eneḅaka mẹ ḍin sọ tẹ ọ́ ḅarị ịkịan koro ḅịa tẹ kanakana sọ ọ́ pịrị tẹ ọ́ ḅarị ye ḅii tẹ paka ḅẹ ye ẹrị tẹ ḍuko ḅịa. Ọmịnị etela kẹ ị̀ atomi ma ḍie irimam ẹrẹsị, otuka mẹ ọmịnị ịkịankoroapụ ma ọgọnọ tuukoro ḅa, tẹ eneḅaka mẹ ḅo furu ọ́ pịrị ḅa.

Mayịka 7:4

Ịna aḅụụ iḅitẹịn ḅọ ịga nangị piri sime-ḅara simem, ịna aḅụụ karakara tẹịn ḅọ nangị ḅịḅị sime-ḅara simem. Ene mẹ ḅo tẹ, Tamụnọ tomi ma fomu ḅẹ sakị mẹ, ọ̀ wẹrịtẹ ịkịankoroapụ ma ḅụ ịna aḅeri nụnụ ḅara; mịọkụ ịn ḅarị ḅịḅị-kẹ-ogbosọ nyana-a.

Zẹfanaya 2:1

Ḅụụ-jịrị nyana-a sịẹ, ó kuroma nyana ọmịna ḅụụ pịrị

Zẹfanaya 3:5

Kụma KỊNỊNYANAḄỌ ḅe paa opu ama mẹ ḅio emi; kuraye, anie ọ̀ mịẹarị tẹ gbala-gbala iri-ye mịẹ-mịẹ-a. Dede goyegoye gbarị-a ḅara ḅụ, ori inoma ofori ye ọkị-ḅo ori atomi pịrịarị. Tẹ anịsọ anịanga ḅụ karakara mịẹ-a apụ ma paa iri-ye mịẹ tọrọkọ-tọrọkọ muarị tẹ ḅụụ-jịrị-a.

Zẹkaraya 13:4

Anị ene mẹ ḅụ, gbọrụ ịkịankoroḅọ sọ mḅọ ẹrị ịkịan ma kẹ ḅụụ-tọn ḅịa, anịanịa ịkịankoroḅọ kịka ḅara kẹ ye mịẹ, anịanịa ịkịankoroḅọ kụrọtẹ ḅịtẹ paka sụa tẹ kẹ oḅori kẹ kịnị sịn.

Matiyo 15:14

Ọmịnị ịn bala ma! Ini ma anie tọrụngbọ-pụụntẹ-apụ tẹ jen tọrụngbọ-pụụntẹ-apụ tọrọkọ-tarị apụ; tẹ tọrụngbọ-pụụntẹḅọ jen tọrụngbọ-pụụntẹḅọ tọrọkọ-tarị sakị goyegoye, ini maa apụ ma mu ḅịkị olulu ḅio sọ ḅa.”

Filipayị 3:19

Ẹlị ḅio mie ịna kunoma, kẹ gotẹ ọkọ ḍukoarị, ịna meni-oju mẹ sọlịmarị aị mie ịn kẹ ịna tamụnọ sọma wararị. Ịna ḅụụ-jịrịma na-iḅi ye mie ịn kẹ ḅụụ-tọn-arị ye, tẹ sime mị tomikiri mẹ pịrị aị ngẹrị mie in kuromarị.