Jerimaya 6:14 - FỊAFỊA BAỊBỤLỤ

¹⁴ Ịn mịẹarị ḅara gbala ì atomi ma la aị ma papaa ọgọnọ-ọgọnọ ye oju-kiri gọrọrọ ye ọkụ. Ini mẹẹ, ‘Ye-mẹmgba iḅi wararị’, ye-mẹmgba iḅi-a ogbo ḅụ.

Jerimaya 6:14 Iomraidhean Croise

2 Samụẹlị 17:3

anịsakị arị ịya ẹrẹḅọ á di ama ḅo ḅara kẹ à tomi mamgba pịkịma-ḅo ị́ pịrị ḅa. Gbọrụ tomḅọ ḍumo ngẹrị mie ị́ ḍọkịarị ye; tẹ tomi mamgba dein ḅụ sime ḅa.”

Ayịzaya 1:6

Ḅụọ-kuḅu ḅụ iwo mu sịḅị la obi-a gbọrụ anga sọ ofori í oju ḅụ. Ịnọ akiri í oju mamgba gbaịn wararị, finji sara wararị ịnọ famam. Ị́ ịnọ ma mịẹ-a, pịkị fịna-a. Olo sọ ịn kẹ tan-a.

Ayịzaya 30:10

Ini ịkịankoroapụ ma ḅẹẹarị ịn ḅịḅị gbaịn. Ịn ḅẹẹarị, “Ó kuraye gboloma ẹkwẹn kọn wa pịrị ma. Ọ́ wa naa ḅiiarị aị ḍuko wa pịrịị. Yee wa wamịna papaa aị ma minini tọrọkọ, tọrọkọ mu.

Ayịzaya 30:26

Akalụ mẹ ịrụa ḅịya ḅara ḅịya ḅa, tẹ ịrụa mẹ ḅịya sọnọma sakị kẹ ḅịya anị ḅịya, ḅịya ḅara nẹngị ḅa gbala gbọrụ kiri ḅụ ịrụa mẹ sọnọma aḍin ḅẹ ḅịya kẹ ḅịyarị ye ọkụ. Mie paka ḅarị sakị anie KỊNỊNYANAḄỌ ḅe ọ̀ kẹ ori atomi lama aị ma ḅẹ ịnọ ma fịna tẹ arị gwọ ḅarị sakị mẹ.

Jerimaya 14:13

Anịtẹso à ḅẹẹm, “Tẹịn-Ḅẹrẹtọn-Kụrọ-Nyana KỊNỊNYANAḄỌ, í nimi wararị mịnẹ ịkịankoroapụ ma ḍuko tomi ma pịrịarị mịnẹ ọmụ koro ḅịa, anịanịa ḅuru-ḅa ḅo, ị́yẹrị ọkọ minini ịn pịrị tẹẹ ẹrẹsị, ini ọkọ ḅẹẹarị, mịnẹ dein kịngẹ mie wamịna amakiri mẹ ḅio sime ḅarịye.”

Jerimaya 14:17

KỊNỊNYANAḄỌ ḅe tọn ị̀ pịrịm à ḍuko tomi ma pịrị ì kururu gboloma ye tẹ ḅẹẹ: yee eneḅaka na ḍin na ḅụ owu-minji ị̀ atọrụngbọ ḅụ sara, yee gbala-gbala àrị owu pẹlẹma, kẹ gotẹ ọkọ ḅẹẹarị, ị̀ atomi la ye mẹ pokolom, tẹ ye si ḅara kẹ ịn lam.

Jerimaya 23:17

Ḍụkụ tẹ à ḍuko tẹ aị ma poki-a apụ mie ịn ḅẹẹ-ḅẹẹ ḅara mịnẹ ye mamgba ini na iḅi fama ḅa. In ḍuko ḅẹḅọ-ḅẹḅọ tẹ kọngọ-kụrọmarị ḅọ pịrịarị mịnẹ gbala-gbala opu ḅụụ-fụka ḅo la ḅịa.”

Jerimaya 28:3

Maa kụra la ḅẹ sakị Tamụnọ-warị ḅẹ ngọ mamgba tẹ Ama-da Nebukadineza ọkị so Babịlonịya mu aị ma à kẹ pịkị-ḅo mịanga lama ḅa.

Jerimaya 4:10

Anịtẹso à nwẹnị ḅẹẹ, “Tẹịn-Ḅẹrẹtọn-Kụrọ-Nyana KỊNỊNYANAḄỌ, ị́ gbọrsịḅị oḅori kẹ Jeruselemu sịn fama tẹẹ! Ị́yẹrị ḅẹẹm mịnẹ dein sime ḅa, kụma okologie ịna pọkọ-ḅẹ-ololo ma bịan-sịẹ tẹ.”

Jerimaya 5:12

KỊNỊNYANAḄỌ atomi ma ò pịkị tẹ ḅẹẹ tẹẹ, “Karakaramatẹ ọ̀ mịẹ ḅẹ ye ofori. Wa kụrọ-kụrọ sakị nyana ḅịa. Wa ọmụ, anịanịa ḅuru-ḅa sakị nyana ḅịa”

Kururu Owu-apọkọ 2:14

Ị́ ịkịankoroapụ iruo ịkịan na, oḅori kẹ ị́ sịn ịkịan na, koro-koro ị́ pịrị tẹẹ; ini amụ ị́ mịẹ-irima mẹ mịẹ pakama-a kẹ sime ị́ pịrị aị pịkịma-ḅo, kụma iruo aị na, kịnị irima aị na mie ini ẹrị-ẹrị ị́ pịrị yee.

Izikẹlị 13:10

Ịkịankoroapụ ma ị̀ atomi toluma irimarị mịnẹ ye-mamgba iḅi wararị. Nimi lama ye ḍuko ḅụ, ye-mamgba iḅi-a. Ị̀ atomi jen-jen ọlọ oḅolo ye ofori ḅara kẹ ḍụḅarị onu nama tẹẹ, tẹso, ịkịankoroapụ ma ḅo toru kẹ anị ọmbị gbaịn tẹẹ.

Izikẹlị 13:16

árị ịkịankoroapụ ma tẹ Jeruselemu ḅiokpọmam ye-mẹmgba iḅi wararị ḅẹ apụ ma, ye-mẹmgba iḅi-a sakị mẹ ḅụ!” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 13:22

“Ọmịna iruo-aị ḅụ ọ́ ḅọrọtẹ iḅi atomi ḅioḅẹngbọ lọkọmarị, anie yẹrị ye kẹ lama ḅẹ ḅii-a apụ ma. Ó si-mịẹapụ kikiarị siye ḅụ ḅara-siin ḅụ, tẹ ịna ḍumo wẹrịarị.

Izikẹlị 14:9

Gbọrụ ịkịankoroḅọ oḅori-sọ tẹ, papaa pakịrị-ḅịḅị pịrị-pịrị, anị gotẹ ọkọ paka ye yẹrị, KỊNỊNYANAḄỌ ḅe, oḅori kẹ ọ̀ sịn tẹẹ. Izirẹlịapụ ḅụ arị ò siin ḅa, mie ḅụ ó nimi ḅa mịnẹ yẹrị anie KỊNỊNYANAḄỌ ḅe.

Mayịka 2:11

Iruo-iruo oḅori-kẹ-kịnịsịn-arị tomḅọ tẹ ḅẹẹm, “À tọnwa iru na, fịaị na ịkịan koro ọ́ pịrị ḅa nwẹn ḅẹẹ ḅọ” mie ịkịankoroḅọ sọ mịna atomi ma pịrị ḅarị ḅọ!

Mayịka 3:5

Mie KỊNỊNYANAḄỌ ḅe ịkịankoroapụ ma gboloma ye ḅụ ḅẹ ḅara, inima tẹ etela kẹ ị̀ atomi ma ḍie irima apụ ma; inima tẹ fị-fị ye nyana sakị ḅụ dein karị kụma ọmụ kẹ ye kẹ ịna aḅịḅị ḅio suu apụ ma na gbin-arị apụ ma.

1 Tẹsalonịka 5:3

Tomi “Ye goyegoye kpaịn fama tẹ, wa la-la ye ḅarị ofori,” ḅẹẹarị ogbo mie, ḅiotọn-a ḅara ḅụ, ịn ḅaa guluguluma ḅarịye ḅo ịn bịan sịẹ ḅarịye. Anị kẹ ḅo ḅarị ḅiotọn-a ḅara mẹ kịka ḅarịye anie iyi akụ bẹkẹ ḅara kẹ ḅo iyi la tẹ ẹrẹḅọ la ḅara pembe ḅara, tẹ tomi anị ḅio pụkọ-paka so ḅịa.

2 Pita 2:1

Elemu sakị iruo ịkịankoro apụ tomi ma ogboku paka gbọrụ ḅara mẹ, mie ọmịna ogboku sọ iruo ye-tolumapụ paka ḅarị ḅara. Ye gala-galama na kura-a toluma aị na mie in dogi-ḅo ḅarịye, tẹ pịkị ịn pakịrị ḅo Sịḅịdaḅọ ḅe sọ pịkị ḅa, anị ḅara ḅụ ịn bẹkẹ-ḅara-kẹ in ḅaa guluguluma ḅarị ḅụụ-fụka dogi-ḅo amịna ọgọnọ gbana ḅa.