Jerimaya 6:13 - FỊAFỊA BAỊBỤLỤ

¹³ Ḅẹḅọ-ḅẹḅọ, opu na kala na kura-a ḅọkọ kẹ ngọ kọn ḅẹ ḍọkịarị; ịkịankoroapụ na agbamịẹapụ ma sọ tomi ma inomarị.

Jerimaya 6:13 Iomraidhean Croise

Ayịzaya 28:7

Ịkịankoroapụ ma agbamịẹapụ na kịngẹ sọ iru ḅuu nwenii tẹ pụmbụma-pụmbụmarị. Ịn waịnị na kụrọ iru na pikiri ḅuu ḅụrama tẹ pụmbụ tẹ. Ịkịankoroapụ ma iru ḅuu ḅaka tẹ ḅarị Tamụnọ kẹ fịrịmarị ịkịan ma fiearị ye naa-a, tẹ agbamịẹapụ ma sọ iru ḅuu ḅaka tẹ ḅarị inetẹ ịn kẹ ịna tọrọkọ ḅo aḅẹrẹ kọn-pẹlẹa.

Ayịzaya 57:17

Ịna asi na opu-pọkọḅẹngbọ sụa na mie à gotẹ in ḍiki-ịganị tẹ fomu-ḅara kẹ ịn pịrị tẹ ịn kẹ gbin koroma so yee. Kụma ini ma anie kọngọ-kụrọma-apụ, tẹ paa ịna etela mẹnjị ma-muarị.”

Jerimaya 14:18

À ḍụọ ḍiḅi apiri ma ḅio sọ-muarị sakị ọmụ ḅio ịn ḅaa owiapụ ḍụẹịn mie arị ẹrịarị; arị ama ma sọ-muarị sakị, ḅuru-ḅaarị apụ mie arị ẹrịarị. Ịkịankoroapụ na agbamịẹapụ na ịna kọrịnama kọrịarị, kụma ịn mịẹarị ye tiye-o tiye-o in nimi-a.

Jerimaya 17:11

Kịnị mingirima ḅọkọ kẹ igbigi nyanarị ḅọ mẹ, mḅọ kịkarị ye anie feni tẹ ori koroma-a anyị kẹngẹarị feni. Ori asambịrịma sakị ḅụ ori ngọ mamgba faa ḅa, anịsakị kunoma ḅụ ori ḅarị gbọrụḅọ-sọ gbọrụḅọ-a, kụma oḅori-ḅọ.

Jerimaya 2:26

KỊNỊNYANAḄỌ ḅe mẹẹ: In furuḅọ kun tẹ ọ̀ tọrụ-tuu gbọrụ ḅara mẹ mie ọmịnị Izirẹlịapụ mamgba tọrụ-tuu ḅarị ḅara, ọmịna amadapụ na opu fịrịmẹnjịapụ na, ọmịna agbamịẹapụ na ịkịankoroapụ na.

Jerimaya 2:29

Ị́ ḅụụ-fụka tẹ í ḍuko-sụa ḅẹ ye tiye? Í tiye gotẹ kọngọ-kụrọma ị̀ pịrị?

Jerimaya 2:8

Agbamịẹapụ ma gbela-a: KỊNỊNYANAḄỌ ḅe ọ̀ tọ-anga emi? Ị̀ agbamịẹapụ ma í nimi-a. Ḅẹrẹtọn-apụ ma kọngọ-kụrọma ị̀ pịrịm; ịkịankoroapụ ma Balị ẹrẹ ḅụ ẹkwẹn tẹ sunsin ye-ḅụ-sọ-a oru-afụḅara pịrịm.

Jerimaya 22:17

Kụma í inetẹ ye iḅi ngẹrị pịrị ḅẹ ḅara ḍikiarị; ị́ mịẹye-ofori apụ ma ḅaarị tẹ kụrọ ḅara kẹ ị́ atomi ponomarị. KỊNỊNYANAḄỌ ḅe ọkọ ḅẹẹm.

Jerimaya 23:10

Amakiri mẹ ḅụ KỊNỊNYANAḄỌ ḅe ḅioḅẹngbọ kẹ ḅụụ ḅụ gbana na-iḅi-a atomi ḅin tẹẹ; si-sịḅịḅio-sụa ḍumo mie ịn kọn-arị tẹ ịn nyana kụrọ kẹ si-aị mịẹarị. KỊNỊNYANAḄỌ ḅe wori-nume ḅụ amakiri mẹ kururuarị tẹ nama osuka fịarị ayọ ma samụnọtẹ.

Jerimaya 23:11

KỊNỊNYANAḄỌ ḅe mẹẹ: Ịkịankoroapụ ma na agbamịẹapụ ma na ịn Tamụnọ nimi-a; In siye mịẹarị tẹ arị in kun tẹ Tamụnọ-warị mẹ ḅio ḅioju ḅụ sọ.

Jerimaya 27:15

KỊNỊNYANAḄỌ ḅe ḅioju ḍuko tẹẹ mịnẹ ori ịn fịrịma-a tẹ ini iruo ọ́ pịrịarị ori ẹrẹ ḅụ. Anịtẹso ori ó dee-pakama ḅa, tẹ ini ọ́ ḅaa ḅa, ọmịnị na mịna iruo aị ma ḍuko ọ́ pịrịarị ịkịankoroapụ ma na.”

Jerimaya 32:32

anie Juda na Jeruselemu ḅẹ apụ ma na, ịna amadapụ na sịḅịdapụ na ịna agbamịẹapụ na ịkịankoroapụ na mịẹ tẹ si-aị mamgba gotẹ.

Jerimaya 42:1

Anịtẹso ọmụ-sịḅịdapụ mamgba — Johananị, Kariya tụḅọ na; Azaraya, Hosaya tụḅọ na sọ ịna ḅụ simem — nwẹnị tomi ma ḅẹ opu-apụ na kala-apụ na kẹ ị̀ dama-ḅo

Jerimaya 5:31

ịkịankoroapụ ḅarị jen ḍuko-a, iruo aị sikima tẹ agbamịẹapụ ma ịkịankoroapụ tọn ḅara tọn ḅara mie ịn kẹ ḅẹrẹtọn-arị, tẹ ì atomi ma ini na tụḅụrụ-aị ḍuko-a. Kụma anịmgba ḅo kunoma la sakị ịn mịẹ ḅẹ ye tiye?

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Kururu Owu-apọkọ 4:13

Miemẹ anie árị ịkịankoroapụ asi ma na, árị agbamịẹapụ amịẹ-irima ma na gotẹ, inima tẹ árị ogboku ḅụ, karakaraye-mịẹapụ ḅaa apụ ma.

Izikẹlị 22:12

Ị́ atomi ma ḅẹ jen-apụ igbigi da ọkị-ọkị tẹ kịnị ḅaarị. Japụ ye gbanama tẹ igbigi kẹ kịnị ḅọlọarị tẹ ịna pembema Izirẹlịapụ kẹ ngọ kọn-arị. Ini ị̀ kẹ ḅioḅọrọma tẹẹ.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 33:31

“Mie ḅụ ị̀ atomi gbii-gbiima paịn sọ-ḅoarị ị́ nyana tẹ ḍuko ḅẹ ye naa ḅẹ ḅara, kụma ị́ ịn ḅẹẹm mịẹ ḅẹ ḅara ịn mịẹ-a. Ini ị́ ẹkwẹn ma kẹ ye ḅụ sọ-a anume ḅara ọkị tẹ paa ịna pọkọ-sịkịrịtẹ etela ma ḅụ mẹnjịarị.

Mayịka 3:11

Opu ama mẹ ḅẹ sịḅịdapụ ọḅụ-fị kẹ ḅẹrẹ-pẹlẹarị, anịḅẹ agbamịẹapụ ọkọ ḅara kẹ Oloko mẹ tolumarị, anịḅẹ ịkịankoroapụ paka-ḅo ye ḍuko kẹ igbigi fị-fị ye ḅiiarị, anịsọ ini mẹẹ, ịn KỊNỊNYANAḄỌ ḅe ḅụụ sịrẹrẹ wararị; “KỊNỊNYANAḄỌ ḅe wamịna ogbo-ḅio ori ofori? Gberie-sọ ḅo wa la ḅịa.”

Mayịka 3:5

Mie KỊNỊNYANAḄỌ ḅe ịkịankoroapụ ma gboloma ye ḅụ ḅẹ ḅara, inima tẹ etela kẹ ị̀ atomi ma ḍie irima apụ ma; inima tẹ fị-fị ye nyana sakị ḅụ dein karị kụma ọmụ kẹ ye kẹ ịna aḅịḅị ḅio suu apụ ma na gbin-arị apụ ma.

Luku 16:14

Farịsiiapụ ma miemẹ naa fama sakị in Jizọsị mịẹ sima ḅara kẹ ye mịẹm, ini igbigi ḅẹlẹmam ẹrẹsị.

1 Timoti 3:3

mḅọ iru ḅuuḅọ anịanịa gbiri-gbiri-gbiri ḍumo kọn-arị ḅọ sọ ḅịa, kụma gbene tẹ dein tẹ ḍumo; mḅọ igbigi ḅẹlẹma ḅịa;

2 Pita 2:1

Elemu sakị iruo ịkịankoro apụ tomi ma ogboku paka gbọrụ ḅara mẹ, mie ọmịna ogboku sọ iruo ye-tolumapụ paka ḅarị ḅara. Ye gala-galama na kura-a toluma aị na mie in dogi-ḅo ḅarịye, tẹ pịkị ịn pakịrị ḅo Sịḅịdaḅọ ḅe sọ pịkị ḅa, anị ḅara ḅụ ịn bẹkẹ-ḅara-kẹ in ḅaa guluguluma ḅarị ḅụụ-fụka dogi-ḅo amịna ọgọnọ gbana ḅa.

2 Pita 2:3

Ịna opu pọkọ-ḅẹngbọ ḅụ mịna iruo ye-tolumapụ ma, ini ḅarana kuroma ḅo ịlụkụ ma gbaa-gbaa ọ́ pịrị tẹ ọmịna ḅụ sọye fị ḅa. Alatẹ sakị kụra-ḅio ịn kọn ḅarị Ḅẹrẹkọnḅọ ḅe tẹlẹma tẹ emi, tẹ ịn Ḅaa guluguluma ḅarị ḅọ ḅe sọ mono-a tẹ ẹbịarị.