Jerimaya 6:12 - FỊAFỊA BAỊBỤLỤ

¹² Ịna awarị ịn kẹ ja apụ pịrị ḅa, anie ịn pịkị kẹ ịna ḍụọ kọrị akiri na ịna sime-ereme na kẹ mịẹ ḅarị ḅara. À fomu-ḅara kẹ mị amakiri ḅẹ apụ ma pịrị ḅa.

Jerimaya 6:12 Iomraidhean Croise

1 Paka-aị 21:16

Devidi ọ̀ tọrụ saakị tẹ ori atọrụngbọ kẹ KỊNỊNYANAḄỌ ḅe enjẹlị ḅe ẹrịm so na kiri na ogboku sịẹsime wararị, tẹ ọ̀ ḅara-ḅio ḅụ okologie nụnụ tẹ anị sụn-pakama Jeruselemu da wararị. Anịtẹso Devidi na omongiapụ ma na akpa kẹ kapa gbin sụa wararị tẹ nwẹnị ịna atọrụ-kuḅu kẹ ḅịkị koro.

Ayịzaya 10:4

Ọmụ ḅio ọ́ fịị-a ḅẹḅẹ, ini ọ́ fọnọ so ḅa ikoliapụ ḅara ḅụ. Anịsọ KỊNỊNYANAḄỌ ḅe ịganị mẹ kunoma ḅịa; ọ̀ ḅara paa sụụn-paka ḅa, kẹ fomu.

Ayịzaya 5:25

KỊNỊNYANAḄỌ ḅe ịganị ori atomi pịrịarị tẹ ọ̀ ḅara sụn pakama tẹ, kẹ in fomu, tụndụ ma jike ḅa, tẹ ḍụẹịn-ḍụẹịn-ḍụẹịn etela ma ḅụ sara-sime ḅa, fun sara ḅara. Anị nwẹnị ọkọ mịẹ tẹso, KỊNỊNYANAḄỌ ḅe ịganị kuno ḅịa, kụma ọ̀ ḅara paa sụn paka ḅa, kẹ in fomu.

Ayịzaya 9:12

Siriya ịrụa mẹ saakịarị anga mẹ ḅụ, tẹ Filisiteni ịrụa mẹ tuuideriarị pakịrị ḅụ, ịna ḅịḅị finjitẹ Izirẹlị sịẹ mẹnị ḅẹ tẹ. Anị sọ KỊNỊNYANAḄỌ ḅe ịganị paa kunoma-a; ọ̀ ḅara paa sụụn-paka wararị kẹ in fomu.

Ayịzaya 9:17

Anieḅụ KỊNỊNYANAḄỌ ḅe ḍụkụ tẹ asambịrịma owiapụ ma ḅẹ gbọrụḅọ sọ pọkọ so ḅịa, anịsakị ọ̀ pịkị sịḅị-kụrụkụrụ nyana diapụ-fịtẹ-ereme ma na ḍapụ anịanịa iyingiapụ na ofori awọmẹ na pịrị ḅịa, tomi mamgba Tamụnọ nimi-a pịkị si-sịḅịḅio-sụa tẹ, in ḍukoarị ye goyegoye siye ẹrẹsị. Mie-mẹmgba gotẹ KỊNỊNYANAḄỌ ḅe ịganị mẹ kunoma ḅịa. Anịsakị ịn fomu ḅụ ọ̀ ḅara paa sụụn-paka ḅa.

Ayịzaya 9:21

Manasẹ ḅẹ apụ na Iferemu ḅẹ apụ na owu kẹ jụmọ-jụmọ pakarị, tẹ ịn pịkị sịḅị gboloma tẹ owu kẹ Juda pakarị. Anịsọ KỊNỊNYANAḄỌ ḅe ịganị paa kunoma-a; ọ̀ ḅara paa sụụn-paka wararị kẹ in fomu.

Jerimaya 15:6

Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.

Jerimaya 21:5

Arị owu kẹ ị́ paka ḅa ì opu kụrọ mẹmgba ḅụ, ị̀ ịganị ḅụ, ì opu ịganị ḅụ, ì owi ịganị ḅụ.

Jerimaya 38:22

Anị ḅio ḅụ arị ẹrịm Juda ḅẹ Amada-Opu-warị mẹ ḅio kirikọn ereme mamgba ini ịn kẹ mẹnjị paka mu Babịlonịya ḅẹ amadaḅọ ḅe ọmụ-alapụ ma pịrịm.” In muarị sakị in ḍuko ye poki: Amadaḅọ ḅe ḅụụ iḅitẹịn ikiapụ ọ̀ da irima tẹẹ, ini rẹ ḅẹrẹtọn ọ̀ pịrịm. Tẹ mịọkụ ori aḅụọ opou ḅio ḍiḅi sọ-mu tẹso ori ikiapụ ma ò koroma-so tẹẹ.

Jerimaya 38:23

Anịtẹso à pịkị kẹ sụa ḍukom, “Í eremịna-awọmẹ mamgba ini ịn kẹ so mu Babịlonịya ḅẹ apụ ma pịrị ḅa, tẹ í ḅioju sọ ịna ḅara gbarị ḅịa. Ini ikoliḅọ ḅara kẹ ị́ kẹ so mu Babịlonịya ḅẹ amadaḅọ ḅe pịrị ḅa, tẹ ịn mịẹ opu ama mẹ dọkịma kiri lama ḅa.”

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 8:10

Mie ḅụ àrị ịna aḍụọ ma kẹ ịwọ apụ pịrị nyana ḅa, tẹ ịna sime-ereme kẹ ja owiapụ pịrị ḅa. Ḅẹḅọ-ḅẹḅọ, opu na kala na, mingirima ḅọkọ ḅụ ḅọrọ tẹ igbigi mịẹ ḅẹ ḍọkịarị. Ịkịankoroapụ na agbamịẹapụ na kịngẹ sọ tomi ma inomarị.

Kururu Owu-apọkọ 2:8

KỊNỊNYANAḄỌ ḅe tọn tẹẹ mịnẹ ọ̀ kpọma-ḅẹlẹmarị Jeruselemu onu mẹ kan-sara ḅa; ò ye-tọn ḍigi kẹ anị tọn siinm; anị kan-sara ḅụ ori ọ̀ ḅara ọlọ-sịẹma-a; ọ̀ mịẹ tẹ onu na anị palị kụrọma lịka na kururum, ịn ḅarị koro-a ḅara sime gbolomam.

Kururu Owu-apọkọ 3:3

tẹ ọkụrụkụrụ nyana-a ḅara kẹ mgbụlụḅa kẹ ị̀ ḅakụ, pịkị siin ị̀ ḅakụm.

Kururu Owu-apọkọ 5:11

Zayọnị ḅụ ini ereme kanm, Juda ama mẹ ḅio ịn kụrọ-ḅara kẹ ḅụụ gbolo-a eremịna-awọmẹ ọlọm.

Kururu Owu-apọkọ 5:2

Wamịna anga yọ mẹ pịkị ḅo igoniapụ sime anga sọ tẹ; wamịna ama ma sime igoniapụ pịrị tẹ.

Kururu Owu-apọkọ 5:3

Wa ḅo ḍapụ fịtẹ awọmẹ sọ tẹ, ḍapụ ḅarị ofori; wamịna iyingiapụ ma diapụ-fịtẹ-ereme, sime-ḅara sime tẹẹ.

Izikẹlị 35:3

Ḍuko tomi ma pịrịị, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍukoarị ye: Idọmụ ḅẹ tụndụ amẹẹ, yẹrị ọmịnị na fịya-a ḅọ! Àrị ọ́ mịẹ tẹ ọ́ papaa fa tẹ mịẹ-mịẹ ye ofori ḅara kẹ koro-sime ḅa.

Izikẹlị 7:24

À si-tẹịn asịẹ ọkị-ḅo tẹ ịn wẹrịso tẹ ini ọmịna sime-ayọ ma ọkị ḅa. Ọmịna kụrọ-tẹịn owiapụ ma ḅarị ḅiokpọ nyana ḅịa, à mịẹ tẹ sịẹ-sịẹ ma ọmịna Tamụnọ-tẹkẹ-yọ mẹ mie simarị sakị.

Mayịka 2:4

Anị ene mẹ ḅụ, tomi ọmịna fị-na-fa-na elekima mẹ kẹ ịlụkụ sọma gbaa ḅa, tẹ ọ́ la ye mẹ kẹ nwẹn sime ḅio-lọkọ nume-su ḅa; Wa la tẹ kọn ye ofori! KỊNỊNYANAḄỌ ḅe wamịna ama ọkị tẹ, tẹ anị kẹ inima tẹ wa kuun-ọkị apụ ma pịrị tẹ.”

Zẹfanaya 1:13

Ịn nyana sara aị ma ja apụ ọkị so tẹ ịna awarị kan guluguluma ḅa. Gbala-gbala ịn namarị awarị ma ḅio ini anga ḅịa anịanịa in ḍiḅiarị vaịnị aḍụọ ma ḅụ ḅo iru ḅuu.”

Zẹfanaya 1:4

“À Jeruselemu ḅẹ apụ na Juda mamgba na fomu ḅa. Kunoma ye tẹ kịnị kẹ nimi ḅarịye mịnẹ anịanga in Balị tẹkẹ-tẹkẹm ḅẹ ye sọ à guluguluma fama ḅa, tẹ gbọrụḅọ-sọ oru nimi agbamịẹapụ ma tẹ fịrịmẹnjị ọ̀ pịrị sime apụ ma kịngẹ sọ kẹ ḅiokoroma ḅịa.