Jerimaya 6:11 - FỊAFỊA BAỊBỤLỤ

¹¹ KỊNỊNYANAḄỌ, ị́ ịganị tẹ sime ịn pịrị ye mẹ, ị̀ ḅụụ ḅio sọ fịnị kọrị ḅara kọrịarị, tẹ à ḅarị inetẹ jen kẹ anị ọlọ-sịẹma-a.” Anịtẹso KỊNỊNYANAḄỌ ḅe ị̀ ḅẹẹm, “Ị̀ ịganị mẹ ọsụma etela ogbo ma ḅụ simearị awọmẹ ma ọgọnọ sara-a, pịkị asawọ ma tẹ kobiri wararị apụ ma ọgọnọ sọ. In diapụ na sime-ereme na ọkị-so ḅa, tẹ omongi lamatẹ apụ kịngẹ sọ ịn wẹrịso ḅịa.

Jerimaya 6:11 Iomraidhean Croise

Ayịzaya 40:30

Asambịrịma apụ sọ ḅo ḅụụ lọkọarị; asawọ amẹẹ inetẹ ḅịkị ḅa ịnyọ fa ḅụ.

Jerimaya 15:17

À ja apụ na sime tẹ ì sakị fama-a, ḍẹrị na tọrụ-ḅẹlẹ na ḅụ. Ị́ tọn aị poki tẹ mịẹ ḅụ arị ngẹrị koro-simem, tẹ ịganị nwẹnị ị̀ ḅụụ ḅio ḅin.

Jerimaya 15:6

Ọmịnị ma ị̀ sịkị tẹẹ, Ọmịnị ọḅụ pịkị ì gbin tẹẹ. Anie ḅụ àrị ị̀ ḅara sụn-pakama tẹ kẹ ọ́ kọsịma tẹẹ ị̀ ịganị ọlọ-sịẹma ịnyọ kẹ ị̀ tama tẹẹ ẹrẹsị.

Jerimaya 18:21

Kụma mịọkụ, KỊNỊNYANAḄỌ, yee ịna awọmẹ ḅuru-ḅa ḅụ fịị; yee ini ọmụ ḅio ịn ḅaa. Yee ereme ma ịna diapụ na ịna awọmẹ na fama; yee owiapụ ma obi ḅụ fịị, tẹ ini ịna asambịrịma apụ ma ḅaa ọmụ kiri ḅụ.

Jerimaya 20:9

Kụma à ḅẹẹarị sakị, “À KỊNỊNYANAḄỌ ḅe kẹ ḅioḅọrọma ḅa tẹ ḅarị jen kẹ ori ẹrẹ ḅụ ẹkwẹn ḅịa,” anịtẹso í oku mẹ fịnị kịka tẹ ị̀ ḅụụ ḅio kọrịarị. À ḅụụkụrọma tẹ anị ọlọ-sịẹmarị ị̀ ḅụụ ḅio, kụma à ḅarị inetẹ jen kẹ anị da ọḅụ pịrị-a.

Jerimaya 5:9

Mịna aị ma gotẹ à fomu-ḅara kẹ ịn pịrị na-iḅi-a, à gbẹẹfị fị na-iḅi-a nwẹn sime sịẹ ḅụ?

Jerimaya 7:20

Tẹ mie ḅụ, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ì owi ịganị ọsụma mị Tamụnọ-warị mẹ ọgọnọ sara ḅa. Àrị anị kẹ tomi na nama amẹẹ na ọgọnọ sọ sara ḅa, kịrị ofori ḅara ḅụ, pịkị sịn ma na ḍụọ ḅio soku la tẹ ḍiḅi-aị ma kịngẹ ọgọnọ sọ. Ị̀ ịganị gbọrụḅọ sọ inetẹ biinma ḅịa orumo kịka ḅa.”

Jerimaya 9:20

À nwẹnị ḅẹẹ, “Ọmịnị ereme, ọ́ KỊNỊNYANAḄỌ ḅe pokii, ọmịnị ori ẹkwẹn ma kẹ elekima sụaa. Ọ́ ḍụẹịn owu-owu ḅara kẹ ọmịna eremịna-awọmẹ tolumaa, pịkị ḍụẹịn owu nume sun-sun ḅara kẹ ọmịna ikiapụ tolumaa.

Jerimaya 9:21

Fị wamịna ikiḅa-aḅọkọ ḅụ ḅọrọ-so ḅo tẹẹ wamịna amada-awarị ma ḅio sọ; anị wamịna ḍọkọḍọkọ-awọmẹ ma pẹlẹ sara tẹẹ etela-ogbo ma ḅụ asambịrịma owiapụ ma sọ fẹ-siri ma ḅụ.

Kururu Owu-apọkọ 1:15

Ị̀ kụrọ-kụrọtẹ owiapụ mamgba, KỊNỊNYANAḄỌ ḅe ịn kalama famam ì ogboku ḅụ; ị̀ asambịrịma owiapụ ma gbẹẹ kọsịma ḅẹ ḅara gotẹ, ori ọmụ-ogbo sịn kobiri ị̀ ẹngbẹsẹm. KỊNỊNYANAḄỌ ḅe iru pọnjịye ye pọnjị ḅara kẹ Juda ḅẹ apụ ma nanga kọsịma tẹẹ.

Kururu Owu-apọkọ 2:21

Etela ma ḅẹ fọọn ma ḅio asambịrịmaḅọ mẹ na, omongitẹ ḅọ mẹ na ḅọlọlọ simem ị̀ iriawọ ma na, ị̀ asawọ ma na, okologie mẹ ḅụ ḅịkị tẹ; ị́ ịganị ene mẹ ḅụ ị́ ịn ḅaa tẹ, ọkụrụkụrụ nyana-a ḅaa ḅara.

Izikẹlị 24:21

Mị oku mẹ kẹ ọmịnị Izirẹlịapụ ma pịrị: Ọ́ Tamụnọ-warị mẹ ḅẹ ịnyọ mẹ kẹ ḅụụ-tọn-arị. Anị ḍikiḍiki tẹ mu-mu anị la ọ́ ḅụụ-ḅẹlẹarị, kụma KỊNỊNYANAḄỌ ḅe anị kẹ tọn-tọn-a ḅara wẹrị ḅẹ-yearị. Anịsakị ọmịna asambịrịma apụ ma tẹ warị-warị ḅụ Jeruselemu ḅụ kirikọn-apụ ini ịn ḅaa ḅa ọmụ ḅio.

Izikẹlị 3:14

KỊNỊNYANAḄỌ ḅe kụrọ mẹ ḅo opuma ị̀ ọgọnọ gbana tẹ ọ̀ tẹmẹ ì dogi-som, anị ị̀ ḅụụ akụ tẹ àrị ịganịm.

Izikẹlị 3:3

Ori mẹẹ, “Fịị-fịị tomḅọ, mị in-ikoarị-abịlala mẹ tẹ à kẹ ị̀ pịrịarị ye mẹ fịị, anị fị í furo ḅinmaa.” À fị tẹ anị ḅẹm ḅẹlẹ ḅara ḅẹlẹm.

Izikẹlị 9:6

Ọmịnị omongitẹ owiapụ ḅaa, pịkị asawọ na, iriawọ na, iyingiapụ na, ḍọkọḍọkọ-awọmẹ na. Kụma fụḅara-ḅọkọ ḅụ elekima mẹ nyanaḅọ goḅọ-goḅọ, ọ́ ḅara kẹ mḅọ lama ma. Mị yọ Tamụnọ-warị mẹ ḅụ ọ́ saakị.” Mie ḅụ ịn nwẹnị anịanga Tamụnọ-warị mẹ akaka sịẹsime sịḅịdapụ ma kẹ saakị.

Mayịka 3:8

Kụma yẹrị ọkụma, KỊNỊNYANAḄỌ ḅe ọ̀ Tẹmẹ kẹ, kụrọ na, karakara ḅẹrẹkọn na, ịnyọ na kẹ ị̀ ḅụụ ḅio ḅinma wararị; à kẹ ḅiokpọ tẹ, Izirẹlịapụ oloko kan na, ịn mịẹ asi na mịẹfinji ịn pịrịị.

Luku 17:34

À ḍuko ọ́ pịrịarị mịnẹ anị ḍin, gbọrụ iḅila ọgọnọ monoarị maa apụ ḅụ ịn gbọrụḅọ ọkị tẹ osi-ḅọ wẹrịso ḅa.

Fịrịmẹnjịapụ 17:16

Pọlụ Atẹnịsị ḅụ Sayịlasị na Timoti na koru sime sakị ori oru-afụḅara ama mẹ ḅio ḅin ḅara ẹrị ye mẹ nwẹnị kpọma ọ̀ ḅioḅẹngbọ sima.

Fịrịmẹnjịapụ 18:5

Sayịlasị na Timoti na Masidoniya ḅụ sime tẹ ḅo la tẹso, Pọlụ nwẹnị gbọrsịḅị ọ̀ sakị mamgba kẹ oku mẹ ḍuko Juu-ḅẹ-apụ ma pịrị mẹ pịrị, mịnẹ Jizọsị anie Mẹsaya ḅe.

Fịrịmẹnjịapụ 4:20

Kẹ gotẹ ọkọ ḅẹẹarị wamịnị ḅarana tọrụngbọ kẹ ẹrị tẹ pịkị ḅeri kẹ naa tẹ ye mẹ wa inetẹ ḍuko-a so ḅịa.”

Mịẹfinji 16:1

Anịtẹso Tamụnọ-warị mẹ ḅio gbọrụ opu pọkọ sime tẹ sọnọma enjẹlị ma ḅẹẹarị tẹ à naam, “Ó mu ịn Tamụnọ ịganị ma kẹ sụa wararị sọnọma abọlị ma ḅio simearị aị ma ọsụma tomikiri mẹ ḅụ sara-a!”